ການພົວພັນຍີ່ປຸ່ນຈີນຕ້ອງການໃຫ້ມີການສ້າງສາຄືນໃໝ່--ສຳພາດປະທານສະມາຄົມມິດຕະພາບຍີ່ປຸ່ນຈີນຂອງໂຕກຽວ
(GMT+08:00) 2012-10-25 16:23:13 cri
ກ່ຽວກັບສາເຫດທີ່ເຮັດໃຫ້ການພົວພັນຍີ່ປຸ່ນຈີນຕົກຢູ່ສະພາບທີ່ບໍ່ດີ,ທ່ານໂທຄູອີຊີໂຣ ຢູຊຸໂນະມິຢະເຫັນວ່າ: "ແນ່ນອນແລ້ວ,ຍ້ອນເຈົ້າຄອງນະຄອນຫຼວງໂຕກຽວມີການກະທຳທີ່ຜິດພາດ,ຈຶ່ງເຮັດໃຫ້ກິດຈະກຳແລກປ່ຽນລະຫວ່າງປະຊາຊົນສອງປະເທດຂອງໂຕກຽວຈຳເປັນຕ້ອງຢຸດສະງັກ.ໃນຖານະເປັນສະມາຄົມມິດຕະພາບ,ພວກເຮົາຮູ້ສຶກເສຍດາຍທີ່ສຸດ.ກິດຈະກຳແລກປ່ຽນຂະໜາດໃຫຍ່ໄດ້ຖືກຍົກເລີກແລ້ວ,ກໍ່ບໍ່ສາມາດຕ້ອນຮັບຄະນະຜູ່ແທນຈີນມາຢ້ຽມຢາມ,ພວກເດັກນ້ອຍທີ່ມີຄວາມຄອງຄອຍມາເປັນເວລາດົນນານຍິ່ງຮູ້ສຶກເສຍໃຈຫຼາຍ.ຍ້ອນຫຍັງລັດຖະບານຍີ່ປຸ່ນຈຶ່ງດຳເນີນການຊື້ເກາະ,ຂ້ອຍມີຄວາມສົງໄສຫຼາຍ,ຂ້ອຍເຫັນວ່າ,ການກະທຳຄືແນວນີ້ເປັນການກະທຳທີ່ແມ່ນຜິດພາດຢ່າງໃຫຍ່ຫຼວງ."
ກ່ຽວກັບການເຮັດແນວໃດຈຶ່ງສາມາດປົວແປງສະພາບປະຈຸບັນລະຫວ່າງຍີ່ປຸ່ນກັບຈີນໃຫ້ດີຂຶ້ນນັ້ນ,ທ່ານໂທຄູອີຊີໂຣ ຢູຊຸໂນະມິຢະຊີ້ອອກວ່າ,ການແລກປ່ຽນລະຫວ່າງປະຊາຊົນຍັງແມ່ນພື້ນຖານແຫ່ງການພັດທະນາການພົວພັນທີ່ມີໄມຕີຈິດມິດຕະພາບລະຫວ່າງສອງປະເທດ,ສ່ວນການປັບປຸງສະພາບທີ່ເປັນຢູ່ໃນປະຈຸບັນນັ້ນ,ມັນຮຽກຮ້ອງເຖິງຄວາມພະຍາຍາມດ້ານການເມືອງ.
