ກອງປະຊຸມສຸດຍອດອາຊີເອີຣົບຄັ້ງທີ9ທີ່ຈະໄຂຂຶ້ນຢູ່ນະຄອນຫຼວງວຽງຈັນ,ຈະຊຸກຍູ້ໃຫ້ເສດຖະກິດໄດ້ຮັບການຟື້ນຕົວແລະຮ່ວມກັນຮັບມືກັບສິ່ງທ້າທາຍ
ວັນທີ26ຕຸລານີ້,ຢູ່ທີ່ປັກກິ່ງ,ທ່ານຫົງເຫຼີຍ,ໂຄສົກກະຊວງການຕ່າງປະເທດຈີນກ່າວວ່າ,ກອງປະຊຸມສຸດຍອດອາຊີເອີຣົບ ຫຼືອາເຊັມຄັ້ງທີ9ທີ່ຈະຈັດຂຶ້ນຢູ່ນະຄອນຫຼວງວຽງຈັນຂອງລາວແຕ່ວັນທີ5ຫາວັນທີ6ພະຈິກໜ້ານີ້.
ທ່ານຫົງເຫຼີຍກ່າວວ່າ,ກອງປະຊຸມອາຊີເອີຣົບແມ່ນເວທີສຳຄັນທີ່ເຮັດໃຫ້ບັນ ດາປະເທດອາຊີແລະເອີຣົບເພີ່ມຄວາມເຂົ້າໃຈ,ເປີດກວ້າງຄວາມເຫັນເປັນເອກະສັນກັນແລະລົງເລິກການຮ່ວມມື.ຫົວຂໍ້ຂອງກອງປະຊຸມຄັ້ງນີ້ແມ່ນ "ເພື່ອນມິດເພື່ອສັນຕິພາບ ຄູ່ຮ່ວມມືເພື່ອຄວາມສົມບູນພູນສຸກ".ໜ້າທີ່ສຳຄັນແມ່ນປຶກສາຫາລືກ່ຽວກັບການເຮັດແນວໃດເພື່ອເພີ່ມທະວີການຮ່ວມມືລະຫວ່າງອາຊີກັບເອີຣົບໃນສະພາບປະຈຸບັນນີ້,ຊຸກຍູ້ໃຫ້ເສດຖະກິດຟື້ນຕົວ,ຮ່ວມກັນຮັບມືກັບສິ່ງທ້າທາຍ,ຈີນຈະທຳຄວາມພະຍາຍາມຮ່ວມກັບບັນດາປະເທດທີ່ເຂົ້າຮ່ວມກອງປະຊຸມ,ຊຸກຍູ້ໃຫ້ການຮ່ວມມືລະຫວ່າງອາຊີກັບເອີຣົບໄດ້ຮັບໝາກຜົນອັນຕັ້ງໜ້າຫຼາຍກວ່າເກົ່າ.ໃນກອງປະຊຸມອາເຊັມຄັ້ງທີ9ນີ້ຈະຮັບເອົາບັງກະລາເທດ,ສະວິສ,ແລະນອກແວເຂົ້າເປັນສະມາຊິກຢ່າງເປັນທາງການ.ຮອດເວລານັ້ນ,ປະເທດສະມາຊິກ ຂອງກອງປະຊຸມສຸດຍອດອາຊີເອີຣົບຈະເພີ່ມຂຶ້ນເປັນ51ປະເທດ.
