ກຳຈັດການລົບກວນແລະອຸປະສັກຕ່າງໆເພື່ອເດີນຕາມເສັ້ນທາງພັດທະນາໂດຍສັນຕິ
(GMT+08:00) 2012-10-27 01:10:44 cri
ຕາມຂ່າວ cri:ໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫລວງປັກກິ່ງໃນວັນທີ 26 ຕຸລານີ້, ທ່ານຈ່າງຈື້ຈຸ່ນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ຈີນປະຕິບັດນະໂຍບາຍການຕ່າງປະເທດທີ່ສັນຕິພາບ, ເອກະລາດແລະເປັນເຈົ້າຕົນເອງຕະຫລອດມາ, ຍຶດຫມັ້ນນະໂຍບາຍຖານບ້ານໃກ້ເຮືອນຄຽງທີ່ດີຕໍ່ປະເທດໃກ້ຄຽງແລະເປັນເພື່ອນກັບປະເທດໃກ້ຄຽງ, ແລະເດີນຕາມເສັ້ນທາງພັດທະນາໂດຍສັນຕິຢ່າງຫມັ້ນຫນຽວບໍ່ປ່ຽນແປງ,ໄດ້ປະກອບສ່ວນຢ່າງໃຫຍ່ຫລວງເຂົ້າໃນສັນຕິພາບ,ສະຖຽນລະພາບແລະການພັດທະນາຂອງພາກພື້ນ.ຈີນຈະເສີມຂະຫຍາຍບົດບາດທີ່ຕັ້ງຫນ້າກວ່າເກົ່າເພື່ອປົກປັກຮັກສາສັນຕິພາບແລະການພັດທະນາຂອງອາຊີກໍ່ຄືຂອງໂລກ.ແຕ່ຖ້າວ່າມີຄົນທ້າທາຍຕໍ່ຫລັກການຂອງຈີນໃນບັນຫາອະທິປະໄຕ,ເຮັດໃຫ້ຈີນບໍ່ສາມາດຖອຍຄືນຫລັງແລ້ວ, ຈີນກໍ່ຍ່ອມຈະມີການຕອບໂຕ້ຄືນຢ່າງແຂງແຮງ, ເພື່ອກຳຈັດອຸປະສັກຂັດຂວາງຕ່າງໆບົນເສັ້ນທາງເດີນໄປສູ່ການພັດທະນາໂດຍສັນຕິ.