ທ່ານຮອງອຳນວຍການ ບໍລິສັດຊີມັງລາວຕີລາຄາສູງຕໍ່ລາວເຂົ້າເປັນສະມາຊິກອົງການການຄ້າໂລກ(ສຽງ)
(GMT+08:00) 2012-10-31 14:54:22 cri
ໃນວັນທີ26 ຕຸລາ ປີ 2012ນີ້, ທາງອົງການໆຄ້າໂລກໄດ້ຮັບເອົາລາວເຂົ້າເປັນປະເທດສະມາຊິກອົງການໆຄ້າໂລກ ຫຼືWTO, ເຊິ່ງເປັນ
ປະເທດທີ 158, ທີ່ນະຄອນເຊີແນວ, ປະເທດສະວິດເຊີແລນ. ໃນໂອກາດທີ່ລາວໄດ້ເຂົ້າເປັນສະມາຊິກຂອງອົງການໆຄ້າໂລກຢ່າງເປັນ
ທາງການແລ້ວ, ທີມງານ CRIໄດ້ໄປສຳພາດບໍລິສັດຊີມັງລາວ ຈຳກັດຕາງໜ້າໂດຍທ່ານ ທອງປົນ ກິ່ງຄຳເພັດ, ຮອງອຳນວຍການບໍ
ລິສັດຊີມັງລາວຈຳກັດກ່ຽວກັບຄຳຄິດຄຳເຫັນ, ການປັບຕົວແລະການກະກຽມຂອງບໍລິສັດຊີມັງລາວເພື່ອເຊື່ອມໂຍງເຂົ້າໃນຕະຫຼາດສາກົນ.
ໃນເວລາໃຫ້ສຳພາດຕໍ່ນັກຂ່າວ CRI ກ່ອນອື່ນ ທ່ານທອງປົນ ກິ່ງຄຳເພັດໄດ້ສະແດງຄຳຍ້ອງຍໍ-ຊົມເຊີຍ ໃນໂອກາດດີທີ່ລາວໄດ້ເຂົ້າ
ເປັນສະມາຊິກຂອງອົງການໆຄ້າໂລກຢ່າງເປັນທາງການ, ທ່ານກ່າວວ່າ: "ກໍ່ສະແດງຄວາມຍິນດີເປັນຢ່າງສູງທີ່ສປປ ລາວໄດ້ມີໂອກາດ
ເຂົ້າໄປສູ່ເວທີໂລກ, ໃນອົງການໆຄ້າສາກົນນີ້ ເຊິ່ງມັນໄດ້ເຮັດໃຫ້ພວກເຮົາມີໂອກາດທີ່ຈະພັດທະນາຕົວເອງສູງຂຶ້ນ, ທາງດ້ານເສດຖະ
ກິດ ພວກເຮົາສາມາດແຂ່ງຂັນໄດ້ກັບບັນດາປະເທດທີ່ຢູ່ໃກ້ຄຽງຫຼືຢູ່ອະນຸພາກພື້ນຫຼື ສາກົນ ແລະ ສິ່ງທີ່ສຳຄັນທີ່ສຸດທີ່ພວກເຮົາມີໂອ
ກາດເຂົ້າໄປໄດ້ເຖິງກໍ່ຄື ພວກເຮົາຈະສາມາດມີສິດທິພິເສດຫຼາຍຢ່າງທີ່ຈະນຳສິນຄ້າຂອງຕົນເອງເຂົ້າໄປໃນປະເທດສະມາຊິກດ້ວຍກັນ"
ທ່ານ ທອງປົນ ກິ່ງຄຳເພັດໄດ້ຕີລາຄາສູງຕໍ່ບົດບາດທີ່ລາວເຂົ້າເປັນສະມາຊິກຂອງອົງການໆຄ້າໂລກ, ທ່ານກ່າວວ່າ:ຫຼັງຈາກທີ່ລາວໄດ້
ເປັນສະມາຊິກຂອງອົງການໆຄ້າໂລກແລ້ວລາວຈະມີບົດບາດໃນເວທີສາກົນສູງຂຶ້ນເປັນຕົ້ນວ່າ: ສາມາດສະ ແດງໃຫ້ທັງໂລກໄດ້ຮູ້ວ່າ
ລາວເປັນປະເທດນ້ອຍໆ ແຕ່ເຕັມໄປດ້ວຍສັກກະຍະພາບສູງທີ່ສາມາດເຂົ້າເປັນສະມາຊິກຂອງອົງການໆຄ້າໂລກ ຫຼື ລະດັບສາກົນໄດ້
ແລະ ທົ່ວໂລກກໍ່ຕ້ອງໄດ້ເຂົ້າໃຈວ່າລາວມີສະຖຽນລະພາບທາງດ້ານການເມືອງທີ່ໝັ້ນຄົງພໍສົມຄວນ ແລະ ມີຖານເສດຖະກິດທີ່ສາມາດ
ແຂ່ງຂັນກັບສາກົນໄດ້!". ເພື່ອເຮັດໃຫ້ບໍລິສັດປັບຕົວເຂົ້າກັບໂອກາດດັ່ງກ່າວ, ບໍລິສັດຊິມັງລາວກໍ່ໄດ້ມີການກະກຽມ, ແຕ່ມັນບໍ່ເປັນເລື່ອງ
ງ່າຍພໍເທົ່າໃດ ເພາະວ່າບໍລິສັດຢູ່ໃນລາວກໍ່ຍັງບໍ່ທັນມີປະສົບການສູງທີ່ຈະສາມາດໄປແຂ່ງຂັນກັບສາກົນໄດ້. ທ່ານ ທອງປົນ ກິ່ງຄຳເພັດ
ກ່າວວ່າ:
ພວກເຮົາຕ້ອງປັບປຸງໃຫ້ບັນດາຜະ ລິດຕະພັນຂອງພວກເຮົາສາມາດແຂ່ງຂັນໄດ້ໃນຕະຫຼາດ ແລະ ກ່ອນຈະແຂ່ງຂັນໄດ້ໃນຕະຫຼາດນັ້ນ
ມັນຈະຕ້ອງໄດ້ ອັນທີໜຶ່ງກໍ່ຄືຄຸ້ມຄອງ ຫຼື ຄວບຄຸມລາຄາຕົ້ນທຶນການຜະລິດໃຫ້ຕໍ່າລົງ ເພື່ອໃຫ້ສາມາດແຂ່ງຂັນໄດ້, ອັນທີສອງກໍ່ຄືຄຸນະ
ພາບໃຫ້ມີຄວາມຍືນຍົງ, ໃຫ້ມີມາດຕະຖານສາກົນເຂົ້າມາຢູ່ໃນການຄວບຄຸມການຜະລິດ, ເພື່ອເຮັດໃຫ້ສາກົນຮັບໄດ້ກ່ຽວກັບມາດຕະຖານ
ຂອງພວກເຮົາ ແລະ ບັນຫາອັນທີສາມກໍ່ຄືປະລິມານຂອງຜະລິດຕະພັນ ກໍ່ຕ້ອງໄດ້ສະໜອງໃຫ້ພຽງພໍກັບຄວາມຕ້ອງການຂອງສັງຄົມ
ເພື່ອບໍ່ໃຫ້ສັງຄົມບ່ຽງຄວາມສົນໃຈໄປຫາຜະລິດຕະພັນອື່ນທີ່ຄ້າຍຄືກັນກັບຂອງພວກເຮົາ!"
