ຈີນປົກປັກຮັກສາສິດອຳນາດອະທິປະໄຕເໜືອເກາະຕ້ຽວອີແມ່ນເລື່ອງທີ່ສົມເຫດສົມຜົນ
(GMT+08:00) 2012-10-30 17:22:21 cri
ຕາມຂ່າວສານຊິນຮວາລາຍງານວ່າ:ຫວ່າງມໍ່ໆມານີ້,ກອງກ່ຳປັ່ນຕິດຕາມຄຸ້ມຄອງທາງທະເລຂອງຈີນສືບຕໍ່ລາດຕະເວນຢູ່ເຂດທະເລເກາະຕ້ຽວອີ,ບໍ່ພຽງແຕ່ໄດ້ແຈ້ງຈຸດຢືນທາງດ້ານສິດອຳນາດອະທິປະໄຕຂອງຈີນຕໍ່ເຮືອຂອງຍີ່ປຸ່ນທີ່ຖືກພົບເຫັນຢູ່ໃນນ່ານທະເລຂອງຈີນແລະສັ່ງໃຫ້ເຮືອຍີ່ປຸ່ນອອກຈາກນ່ານທະເລຈີນໃນທັນທີເທົ່ານັ້ນ,ແລະຍັງໄດ້ຕິດຕາມແລະເກັບກຳຫຼັກຖານທີ່ຢັ້ງຢືນວ່າຍີ່ປຸ່ນໄດ້ລ່ວງລ້ຳສິດອຳນາດອະທິປະໄຕຂອງຈີນ.ກະຊວງການຕ່າງປະເທດຈີນກໍ່ໄດ້ກ່າວວ່າ:ຖ້າວ່າມີຄົນທ້າທາຍຕໍ່ເສັ້ນພື້ນຖານຂອງຈີນໃນບັນຫາສິດອຳນາດອະທິປະໄຕທາງດ້ານດິນແດນ,ຈີນຈະບໍ່ຍອມຖອຍຫຼັງເດັດຂາດ,ຈຳເປັນຕ້ອງທຳການເຄື່ອນໄຫວເພື່ອຮັບມືຢ່າງແຂງແຮງ.
ການກະທຳເຫຼົ່ານີ້ບວກກັບມາດຕະການຕ່າງໆທີ່ຈີນໃຊ້ເພື່ອຕອບໂຕ້ຍີ່ປຸ່ນເຊັ່ນປະກາດເສັ້ນພື້ນຖານເຂດແບ່ງນ່ານທະເລຂອງເກາະຕ້ຽຍອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງ,ເປີດເຜີຍປຶ້ມປົກຂາວ"ເກາະຕ້ຽວອີແມ່ນດິນແດນຂອງຈີນມາຕັ້ງແຕ່ບູຮານນະການ"ເຫຼົ່ານີ້ເປັນຕົ້ນຊຶ່ງທັງໝົດນັ້ນລ້ວນແຕ່ໄດ້ແຈ້ງຕໍ່ພາຍນອກວ່າ:ລັດຖະບານຈີນມີຄວາມຕັດສິນໃຈຢ່າງເດັດດ່ຽວແລະມີຄວາມສາມາດແລະພາຫະນະຢ່າງພຽງພໍໃນການປົກປ້ອງສິດອຳນາດອະທິປະໄຕແລະຜືນແຜ່ນດິນອັນຄົບຖ້ວນຂອງຊາດ,ບໍ່ວ່າໄພຂົ່ມຂູ່ແລະຄວາມກົດດັນໃດໆກໍ່ຕາມທີ່ມາຈາກພາຍນອກລ້ວນແຕ່ບໍ່ສາມາດສົ່ງຜົນກະທົບຕໍ່ເຖິງຄວາມຕັ້ງໃຈຂອງລັດຖະບານແລະປະຊາຊົນຈີນໄດ້ແຕ່ຢ່າງໃດເລີຍ.
ໃນ2ເດືອນຜ່ານມານີ້,ຍ້ອນຍີ່ປຸ່ນກໍ່ເລື່ອງຂຶ້ນດ້ວຍການຊື້ເກາະຕ້ຽວອີ,ຈິ່ງເຮັດໃຫ້ການພົວພັນລະຫວ່າງຈີນກັບຍີ່ປຸ່ນໄດ້ຫຼຸດລົງເຖິງຈຸດຕ່ຳສຸດນັບຕັ້ງແຕ່ສອງປະເທດສ້າງສາຍພົວພັນທາງການທູດຄືນເປັນປົກກະຕິເປັນເວລາ40ປີມານີ້,ສະຖານະການຢູ່ເກາະຕ້ຽວອີກໍ່ໄດ້ເກີດມີການປ່ຽນແປງຢ່າງໃຫຍ່ຫຼວງຍ້ອນເລື່ອງນີ້.ລັດຖະບານຍີ່ປຸ່ນປະຕິບັດໃນຮູບການຫັນເກາະຕ້ຽວອີເປັນຂອງລັດ,ສ້າງເລື່ອງທີ່ອິດທິກຳລັງຝ່າຍຂວາຍີ່ປຸ່ນຢາກເຮັດນັ້ນໃຫ້ສຳເລັດ,ນຳພາຍີ່ປຸ່ນນັບມື້ນັບກ້າວເຂົ້າສູ່ລວງເລິກບົນເສັ້ນທາງອັນຕະລາຍ.
ຈີນຈະບໍ່ເປັນຜູ້ທ້າທາຍເກາະຜິດ,ແຕ່ຈີນກໍ່ບໍ່ມີຄວາມຫວາດຫວັ່ນແລະຢ້ານກົວຕໍ່ການທ້າທາຍເກາະຜິດໃດໆທັງສິ້ນ.ໃນບັນຫາທີ່ກ່ຽວພັນກັບສິດອຳນາດອະທິປະໄຕດ້ານດິນແດນຂອງຊາດ,ຫຼັກໝັ້ນແລະເສັ້ນພື້ນຖານຂອງຈີນແມ່ນບໍ່ອະນຸຍາດໃຫ້ຜູ້ໃດທ້າທາຍເກາະຜິດໄດ້ຢ່າງເດັດຂາດ.ຈີນໃຊ້ມາດຕະການປົກປ້ອງຄວາມປອດໄພດ້ານດິນແດນຂອງຕົນແມ່ນເລື່ອງທີ່ສົມເຫດສົມຜົນ,ແລະຈະບໍ່ອະນຸຍາດໃຫ້ຜູ້ອື່ນຕຳໜິຕິຕຽນໄດ້ຢ່າງເດັດຂາດ.
ຖ້າຢາກເຮັດໃຫ້ການພົວພັນຈີນຍີ່ປຸ່ນກັບຄືນສູ່ຄວາມເປັນປົກກະຕິ,ຍີ່ປຸ່ນໃນຖານະເປັນຝ່າຍທີ່ມີຄວາມຮັບຜິດຊອບຕໍ່ເຫດການທີເກີດຂຶ້ນທັງໝົດນັ້ນຕ້ອງແກ້ໄຂຄວາມຜິດພາດແລະປະຖິ້ມຢ່າງເດັດຂາດຕໍ່ຄວາມເພີ້ຝັນທີ່ຢາກຈະສືບຕໍ່ຍຶດຄອງເກາະຕ້ຽວອີ.
ການກະທຳເຫຼົ່ານີ້ບວກກັບມາດຕະການຕ່າງໆທີ່ຈີນໃຊ້ເພື່ອຕອບໂຕ້ຍີ່ປຸ່ນເຊັ່ນປະກາດເສັ້ນພື້ນຖານເຂດແບ່ງນ່ານທະເລຂອງເກາະຕ້ຽຍອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງ,ເປີດເຜີຍປຶ້ມປົກຂາວ"ເກາະຕ້ຽວອີແມ່ນດິນແດນຂອງຈີນມາຕັ້ງແຕ່ບູຮານນະການ"ເຫຼົ່ານີ້ເປັນຕົ້ນຊຶ່ງທັງໝົດນັ້ນລ້ວນແຕ່ໄດ້ແຈ້ງຕໍ່ພາຍນອກວ່າ:ລັດຖະບານຈີນມີຄວາມຕັດສິນໃຈຢ່າງເດັດດ່ຽວແລະມີຄວາມສາມາດແລະພາຫະນະຢ່າງພຽງພໍໃນການປົກປ້ອງສິດອຳນາດອະທິປະໄຕແລະຜືນແຜ່ນດິນອັນຄົບຖ້ວນຂອງຊາດ,ບໍ່ວ່າໄພຂົ່ມຂູ່ແລະຄວາມກົດດັນໃດໆກໍ່ຕາມທີ່ມາຈາກພາຍນອກລ້ວນແຕ່ບໍ່ສາມາດສົ່ງຜົນກະທົບຕໍ່ເຖິງຄວາມຕັ້ງໃຈຂອງລັດຖະບານແລະປະຊາຊົນຈີນໄດ້ແຕ່ຢ່າງໃດເລີຍ.
ໃນ2ເດືອນຜ່ານມານີ້,ຍ້ອນຍີ່ປຸ່ນກໍ່ເລື່ອງຂຶ້ນດ້ວຍການຊື້ເກາະຕ້ຽວອີ,ຈິ່ງເຮັດໃຫ້ການພົວພັນລະຫວ່າງຈີນກັບຍີ່ປຸ່ນໄດ້ຫຼຸດລົງເຖິງຈຸດຕ່ຳສຸດນັບຕັ້ງແຕ່ສອງປະເທດສ້າງສາຍພົວພັນທາງການທູດຄືນເປັນປົກກະຕິເປັນເວລາ40ປີມານີ້,ສະຖານະການຢູ່ເກາະຕ້ຽວອີກໍ່ໄດ້ເກີດມີການປ່ຽນແປງຢ່າງໃຫຍ່ຫຼວງຍ້ອນເລື່ອງນີ້.ລັດຖະບານຍີ່ປຸ່ນປະຕິບັດໃນຮູບການຫັນເກາະຕ້ຽວອີເປັນຂອງລັດ,ສ້າງເລື່ອງທີ່ອິດທິກຳລັງຝ່າຍຂວາຍີ່ປຸ່ນຢາກເຮັດນັ້ນໃຫ້ສຳເລັດ,ນຳພາຍີ່ປຸ່ນນັບມື້ນັບກ້າວເຂົ້າສູ່ລວງເລິກບົນເສັ້ນທາງອັນຕະລາຍ.
ຈີນຈະບໍ່ເປັນຜູ້ທ້າທາຍເກາະຜິດ,ແຕ່ຈີນກໍ່ບໍ່ມີຄວາມຫວາດຫວັ່ນແລະຢ້ານກົວຕໍ່ການທ້າທາຍເກາະຜິດໃດໆທັງສິ້ນ.ໃນບັນຫາທີ່ກ່ຽວພັນກັບສິດອຳນາດອະທິປະໄຕດ້ານດິນແດນຂອງຊາດ,ຫຼັກໝັ້ນແລະເສັ້ນພື້ນຖານຂອງຈີນແມ່ນບໍ່ອະນຸຍາດໃຫ້ຜູ້ໃດທ້າທາຍເກາະຜິດໄດ້ຢ່າງເດັດຂາດ.ຈີນໃຊ້ມາດຕະການປົກປ້ອງຄວາມປອດໄພດ້ານດິນແດນຂອງຕົນແມ່ນເລື່ອງທີ່ສົມເຫດສົມຜົນ,ແລະຈະບໍ່ອະນຸຍາດໃຫ້ຜູ້ອື່ນຕຳໜິຕິຕຽນໄດ້ຢ່າງເດັດຂາດ.
ຖ້າຢາກເຮັດໃຫ້ການພົວພັນຈີນຍີ່ປຸ່ນກັບຄືນສູ່ຄວາມເປັນປົກກະຕິ,ຍີ່ປຸ່ນໃນຖານະເປັນຝ່າຍທີ່ມີຄວາມຮັບຜິດຊອບຕໍ່ເຫດການທີເກີດຂຶ້ນທັງໝົດນັ້ນຕ້ອງແກ້ໄຂຄວາມຜິດພາດແລະປະຖິ້ມຢ່າງເດັດຂາດຕໍ່ຄວາມເພີ້ຝັນທີ່ຢາກຈະສືບຕໍ່ຍຶດຄອງເກາະຕ້ຽວອີ.
