ເອກອັກຄະລັດຖະທູດຈີນປະຈຳຝຣັ່ງຂຽນບົດຄວາມລົງໜັງສືພິມທີ່ສຳຄັນຂອງຝຣັ່ງເພື່ອຊີ້ໃຫ້ເຫັນບັນຫາອະທິປະໄຕເໜືອເກາະຕ້ຽວອີ
(GMT+08:00) 2012-10-31 15:47:29 cri
ຕາມຂ່າວສານຊີນຮວາ:ທ່ານຂົງຊວນ,ເອກອັກຄະລັດຖະທູດຈີນປະຈຳຝຣັ່ງໄດ້ຂຽນບົດຄວາມທີ່ລົງນາມຂອງທ່ານເອງລົງໃນໜັງສືພິມ《ເລີ ມົງເດີ》ເຊິ່ງເປັນໜັງສືພິມລາຍວັນທີ່ສຳຄັນຂອງຝຣັ່ງສະບັບວັນທີ 31 ຕຸລານີ້ໂດຍພາດຫົວເລື່ອງວ່າ:《ເກາະຕ້ຽວອີແມ່ນຂຶ້ນກັບຈີນ,ບໍ່ແມ່ນຂຶ້ນກັບຍີ່ປຸ່ນ》.
ບົດຄວາມຂອງທ່ານຂົງຊວນຂຽນວ່າ:ເອກະສານປະຫວັດສາດຫຼາຍສະບັບໄດ້ຢັ້ງຢືນໃຫ້ເຫັນວ່າ,ເກາະຕ້ຽວອີແມ່ນຂຶ້ນກັບຈີນ,ໃນແຜນທີ່ຫຼາຍສະບັບທີ່ເກັບຮັກສາໄວ້ໃນຫໍສະໝຸດແຫ່ງຊາດຝຣັ່ງເຊັ່ນແຜນທີ່ທີ່ແຕ້ມໂດຍທ່ານກວີນໂລມ ເດີລິສເລີເມື່ອປີ 1772,ແຕ້ມໂດຍທ່ານດິດີເອ ໂຣເບີດ ເດີ ໂວກົງດີເມື່ອປີ 1778,ແຕ້ມໂດຍທ່ານອາເລັກຊັນເດຼີ ບລົງໂດເມື່ອປີ 1817 ແລະອື່ນໆ,ລ້ວນແຕ່ໄດ້ໝາຍອອກຢ່າງຈະແຈ້ງວ່າເກາະຕ້ຽວອີແມ່ນຂຶ້ນກັບຈີນ.
ທ່ານຂົງຊວນຂຽນຕໍ່ໄປວ່າ,ການມອບເກາະຕ້ຽວອີຄືນໃຫ້ຈີນ,ແມ່ນພັນທະທາງດ້ານກົດໝາຍທີ່ຍີ່ປຸ່ນເຊິ່ງເປັນປະເທດປະລາໄຊໃນສົງຄາມໂລກຄັ້ງທີ 2 ຕ້ອງຮັບພາລະຕາມສັນຍາ.ໃນການເຈລະຈາກ່ຽວກັບການຫັນສາຍພົວພັນທາງການທູດລະຫວ່າງຈີນກັບຍີ່ປຸ່ນເປັນປົກກະຕິໃນປີ 1972 ແລະກ່ຽວກັບ《ສົນທິສັນຍາວ່າດ້ວຍສັນຕິພາບແລະມິດຕະພາບລະຫວ່າງຈີນຍີ່ປຸ່ນ》ໃນປີ 1978,ຜູ້ນຳຈີນເຊັ່ນທ່ານໂຈວເອິນລາຍ,ທ່ານເຕິ້ງສຽວຜີງແລະທ່ານອື່ນໆໄດ້ສະເໜີວ່າໃຫ້"ໂຈະຄວາມຂັດແຍ່ງກ່ຽວກັບເກາະຕ້ຽວອີໄວ້ກ່ອນ",ແລະໄດ້ບັນລຸຄວາມເຂົ້າໃຈກັນແລະຄວາມຮັບຮູ້ຄືກັນກັບຜູ້ນຳຍີ່ປຸ່ນໃນຄາວນັ້ນ.ນີ້ແມ່ນສິ່ງຮັບປະກັນດ້ານການເມືອງທີ່ສຳຄັນອັນໜຶ່ງທີ່ເຮັດໃຫ້ສາຍພົວພັນທາງການທູດລະຫວ່າງຈີນກັບຍີ່ປຸ່ນຫັນເປັນປົກກະຕິ.
ບົດຄວາມຂອງທ່ານຂົງຊວນຍັງຊີ້ອອກວ່າ:ຈີນກັບຍີ່ປຸ່ນແມ່ນສອງປະເທດທີ່ໃກ້ຄຽງກັນ,ມີວັດທະນະທຳທີ່ຄ້າຍຄືກັນ,ເສດຖະກິດເຊື່ອມໂຍງເຂົ້າກັນ,ສອງຝ່າຍໄດ້ມີການພົວພັນທີ່ຕ່າງຝ່າຍຕ່າງເພິ່ງພາອາໄສກັນໃນດ້ານເສດຖະກິດການຄ້າຢ່າງເລິກເຊິ່ງທີ່ສຸດ,ແລະບໍ່ສາມາດທີ່ຈະຕັດແຍກອອກຈາກກັນໄດ້.ໂດຍສະເພາະແມ່ນໃນໄລຍະທີ່ເສດຖະກິດໂລກໄດ້ສືບຕໍ່ຊຸດໂຊມລົງຍ້ອນວິກິດການເສດຖະກິດຄືດັ່ງໃນປະຈຸບັນນີ້,ຍິ່ງຕ້ອງການໃຫ້ຈີນກັບຍີ່ປຸ່ນເກາະແຂນກັນເພີ່ມທະວີການຮ່ວມມື.
ໃນຕອນທ້າຍບົດຄວາມ,ທ່ານຂົງຊວນຂຽນເນັ້ນວ່າ:ພວກຂ້າພະເຈົ້າບໍ່ຢາກເຫັນສະພາບທີ່ຫຍຸ້ງຍາກໃນການພົວພັນລະຫວ່າງຈີນກັບຍີ່ປຸ່ນໃນປະຈຸບັນນີ້ສືບຕໍ່ໄປ.ພວກຂ້າພະເຈົ້າພຽງແຕ່ຫວັງວ່າ,ຍີ່ປຸ່ນຈະແກ້ໄຂຄວາມຜິດພາດຂອງຕົນໂດຍໄວ.ດຽວນີ້,ລູກກະແຈແມ່ນຢູ່ໃນກຳມືຂອງຍີ່ປຸ່ນ.
ບົດຄວາມຂອງທ່ານຂົງຊວນຂຽນວ່າ:ເອກະສານປະຫວັດສາດຫຼາຍສະບັບໄດ້ຢັ້ງຢືນໃຫ້ເຫັນວ່າ,ເກາະຕ້ຽວອີແມ່ນຂຶ້ນກັບຈີນ,ໃນແຜນທີ່ຫຼາຍສະບັບທີ່ເກັບຮັກສາໄວ້ໃນຫໍສະໝຸດແຫ່ງຊາດຝຣັ່ງເຊັ່ນແຜນທີ່ທີ່ແຕ້ມໂດຍທ່ານກວີນໂລມ ເດີລິສເລີເມື່ອປີ 1772,ແຕ້ມໂດຍທ່ານດິດີເອ ໂຣເບີດ ເດີ ໂວກົງດີເມື່ອປີ 1778,ແຕ້ມໂດຍທ່ານອາເລັກຊັນເດຼີ ບລົງໂດເມື່ອປີ 1817 ແລະອື່ນໆ,ລ້ວນແຕ່ໄດ້ໝາຍອອກຢ່າງຈະແຈ້ງວ່າເກາະຕ້ຽວອີແມ່ນຂຶ້ນກັບຈີນ.
ທ່ານຂົງຊວນຂຽນຕໍ່ໄປວ່າ,ການມອບເກາະຕ້ຽວອີຄືນໃຫ້ຈີນ,ແມ່ນພັນທະທາງດ້ານກົດໝາຍທີ່ຍີ່ປຸ່ນເຊິ່ງເປັນປະເທດປະລາໄຊໃນສົງຄາມໂລກຄັ້ງທີ 2 ຕ້ອງຮັບພາລະຕາມສັນຍາ.ໃນການເຈລະຈາກ່ຽວກັບການຫັນສາຍພົວພັນທາງການທູດລະຫວ່າງຈີນກັບຍີ່ປຸ່ນເປັນປົກກະຕິໃນປີ 1972 ແລະກ່ຽວກັບ《ສົນທິສັນຍາວ່າດ້ວຍສັນຕິພາບແລະມິດຕະພາບລະຫວ່າງຈີນຍີ່ປຸ່ນ》ໃນປີ 1978,ຜູ້ນຳຈີນເຊັ່ນທ່ານໂຈວເອິນລາຍ,ທ່ານເຕິ້ງສຽວຜີງແລະທ່ານອື່ນໆໄດ້ສະເໜີວ່າໃຫ້"ໂຈະຄວາມຂັດແຍ່ງກ່ຽວກັບເກາະຕ້ຽວອີໄວ້ກ່ອນ",ແລະໄດ້ບັນລຸຄວາມເຂົ້າໃຈກັນແລະຄວາມຮັບຮູ້ຄືກັນກັບຜູ້ນຳຍີ່ປຸ່ນໃນຄາວນັ້ນ.ນີ້ແມ່ນສິ່ງຮັບປະກັນດ້ານການເມືອງທີ່ສຳຄັນອັນໜຶ່ງທີ່ເຮັດໃຫ້ສາຍພົວພັນທາງການທູດລະຫວ່າງຈີນກັບຍີ່ປຸ່ນຫັນເປັນປົກກະຕິ.
ບົດຄວາມຂອງທ່ານຂົງຊວນຍັງຊີ້ອອກວ່າ:ຈີນກັບຍີ່ປຸ່ນແມ່ນສອງປະເທດທີ່ໃກ້ຄຽງກັນ,ມີວັດທະນະທຳທີ່ຄ້າຍຄືກັນ,ເສດຖະກິດເຊື່ອມໂຍງເຂົ້າກັນ,ສອງຝ່າຍໄດ້ມີການພົວພັນທີ່ຕ່າງຝ່າຍຕ່າງເພິ່ງພາອາໄສກັນໃນດ້ານເສດຖະກິດການຄ້າຢ່າງເລິກເຊິ່ງທີ່ສຸດ,ແລະບໍ່ສາມາດທີ່ຈະຕັດແຍກອອກຈາກກັນໄດ້.ໂດຍສະເພາະແມ່ນໃນໄລຍະທີ່ເສດຖະກິດໂລກໄດ້ສືບຕໍ່ຊຸດໂຊມລົງຍ້ອນວິກິດການເສດຖະກິດຄືດັ່ງໃນປະຈຸບັນນີ້,ຍິ່ງຕ້ອງການໃຫ້ຈີນກັບຍີ່ປຸ່ນເກາະແຂນກັນເພີ່ມທະວີການຮ່ວມມື.
ໃນຕອນທ້າຍບົດຄວາມ,ທ່ານຂົງຊວນຂຽນເນັ້ນວ່າ:ພວກຂ້າພະເຈົ້າບໍ່ຢາກເຫັນສະພາບທີ່ຫຍຸ້ງຍາກໃນການພົວພັນລະຫວ່າງຈີນກັບຍີ່ປຸ່ນໃນປະຈຸບັນນີ້ສືບຕໍ່ໄປ.ພວກຂ້າພະເຈົ້າພຽງແຕ່ຫວັງວ່າ,ຍີ່ປຸ່ນຈະແກ້ໄຂຄວາມຜິດພາດຂອງຕົນໂດຍໄວ.ດຽວນີ້,ລູກກະແຈແມ່ນຢູ່ໃນກຳມືຂອງຍີ່ປຸ່ນ.
