ທ່ານ ດຣ ທອງລຸນ ສີສຸລິດ ຊີ້ໃຫ້ເຫັນວ່າ:ການເຂົ້າສະມາຊິກWTOຂອງລາວມີຜົນປະໂຫຍດຫລາຍກວ່າຜົນເສຍ
(GMT+08:00) 2012-10-31 19:14:01 cri
ໃນກອງປະຊຸມສະພາໃຫ່ຍສະໄໝວິສາມັນຂອງອົງການການຄ້າໂລກທີ່ໄດ້ໄຂຂື້ນໃນວັນທີ 26 ຕຸລານີ້, ທີ່ນະຄອນເຊີແນວ ປະເທດສະວິດເຊີແລນເພື່ອຮັບຮອງເອົາເອກະສານເຂົ້າເປັນສະມາຊິກອົງການການຄ້າໂລກຂອງລາວ, ທ່ານດຣທອງລຸນ ສີສຸລິດ ຮອງນາຍົກລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດໄດ້ມີຄຳເຫັນວ່າ:ບົດຮຽນຂອງປະເທດເພື່ອນມິດສະແດງໃຫ້ເຫັນວ່າ: ການເຊື່ອມໂຍງເສດຖະກິດກັບສາກົນສ້າງຜົນປະໂຫຍດຫລາຍກວ່າຜົນເສຍ,ພາຍຫລັງ10ປີຂອງການເຂົ້າເປັນສະມາຊິກWTO,ຈີນ ໄດ້ກ້າວຈາກຄູ່ຄ້າອັນດັບທີ 7 ຂອງໂລກໃນປີ 2000 ມາເປັນອັນດັບທີ 2 ຖັດຈາກສະຫະລັດອາເມລິການັບແຕ່ປີ 2011 ເປັນຕົ້ນມາ.ບົດຮຽນຂອງ ຫວຽດນາມ ທີ່ຄົບຮອບ 5ປີໃນປີ 2012ໄດ້ຢັ້ງຢືນເຊັ່ນດຽວກັນໂດຍມີການລົງທຶນຕ່າງປະເທດແລະການສົ່ງອອກເພີ່ມສູງຂື້ນ 20%ຕໍ່ປີ ໂດຍສະເລ່ຍ.
ປັດຈຸບັນນີ້,ການຄ້າລະຫວ່າງສະມາຊິກອົງການການຄ້າໂລກໄດ້ກວມເອົາ 96 % ຂອງມູນຄ່າການຄ້າຢູ່ໃນໂລກແລະມີທ່າອ່ຽງເພີ່ມຂື້ນເລື້ອຍໆພາຍຫລັງທີລັດເຊຍເຂົ້າເປັນສະມາຊິກ,ລາວເປັນປະເທດສຸດທ້າຍຂອງກຸ່ມອາຊຽນທີ່ໄດ້ເຂົ້າເປັນສະມາຊິກອົງການການຄ້າໂລກ,ດັ່ງນັ້ນ, ຄວາມຄາດຫວັງກ່ຽວກັບຜົນປະໂຫຍດທີ່ລາວຈະໄດ້ຮັບແມ່ນລາວມີໂອກາດຂະຫຍາຍຖານຕະຫລາດໃຫ້ກວ້າງອອກແລະມີສະຖຽນລະພາບກວ່າເກົ່າ, ລາວຈະມີສິດເທົ່າທຽມກັບປະເທດອື່ນໃນການດຳເນີນການຄ້າສາກົນບົນພື້ນຖານຫລັກການອັນດຽວກັນໂດຍຈະບໍ່ໄດ້ຮັບການເລືອກປະຕິບັດ.ອົງການ ການຄ້າໂລກມີກົນໄກແກ້ໄຂຂໍ້ຂັດແຍ່ງທາງດ້ານການຄ້າທີ່ມີປະສິດທິຜົນທີ່ສຸດ,ບົດບາດການເມືອງຂອງລາວຈະໄດ້ຮັບການຍົກສູງຂື້ນຕື່ມອີກຢູ່ໃນພາກພື້ນແລະໃນເວທີໂລກ.ພ້ອມດຽວກັນນີ້ ກໍຈະມີອຳນາດຕໍ່ລອງໃນການເຈລະຈາການຄ້າແລະອື່ນໆໂດຍຮ່ວມກັບກຸ່ມອາຊຽນແລະກຸ່ມປະເທດດ້ອຍພັດທະນາ,ການເຂົ້າເປັນສະມາຊິກອົງການການຄ້າໂລກຂອງລາວຍັງຈະເປີດໂອກາດໃຫ້ທັງໃນພາກລັດແລະທຸລະກິດໄດ້ພັດທະນາຄວາມຮູ້ແລະຄວາມສາມາດດ້ານການຄ້າໃນລະດັບສາກົນ,ສ້າງເງື່ອນໄຂອັນຈຳເປັນແກ່ການຫລຸດຜ່ອນຄວາມທຸກຍາກ.
ເຖິງຢ່າງໃດກໍຕາມ, ການຍາດເອົາຜົນປະໂຫຍດແມ່ນຈະຂື້ນກັບຄວາມເປັນເຈົ້າການຂອງທຸກພາກສ່ວນໃນສັງຄົມໂດຍສະເພາະລະບອບລະບຽບບໍລິຫານແລະຍົກລະດັບຄວາມສາມາດໃນການແຂ່ງຂັນຂອງທຸລະກິດ,ແລະຄ່ຽງຄູ່ກັນນັ້ນ ຄາດວ່າລາວຈະມີສິ່ງທ້າທາຍຈຳນວນໜຶ່ງເປັນຕົ້ນແມ່ນ:ຄວາມເຂົ້າໃຈຂອງບັນດາຂະແໜງການພາກລັດສ່ວນໃຫຍ່ນັບແຕ່ສູນກາງລົງຮອດທ້ອງຖິ່ນລວມທັງພາກທຸລະກິດແລະປະຊາຊົນທົ່ວໄປກ່ຽວກັບຫລັກການພື້ນຖານ, ສັນຍາແລະພັນທະໃນການເຂົ້າເປັນສະມາຊິກອົງການການຄ້າໂລກຍັງມີຄວາມຈຳກັດຢູ່, ພື້ນຖານການຜະລິດຂອງລາວແມ່ນຍັງອ່ອນນ້ອຍແລະຍັງຂາດລະບົບຄຸ້ມຄອງຄຸນນະພາບທີ່ດີ,ການສົ່ງອອກແມ່ນຍັງອາໄສການຄ້າຊາຍແດນແລະແບບບໍ່ເປັນທາງການ,ສະນັ້ນຖ້າບໍ່ມີການກະກຽມຄວາມພ້ອມ ລວມທັງການເພີ່ມທະວີຄວາມຮັບຮູ້,ພັດທະນາຕົນເອງແລະບຸກທະລຸໃນການດຳເນີນທຸລະກິດແລະການຄ້າໃຫ້ດີກວ່າເກົ່າ,ລາວອາດຈະບໍ່ໄດ້ຮັບຜົນປະໂຫຍດເທົ່າທີຄວນໃນໄລຍະສັ້ນເມື່ອທຽບໃສ່ປະເທດຫວຽດນາມ
ປັດຈຸບັນນີ້,ການຄ້າລະຫວ່າງສະມາຊິກອົງການການຄ້າໂລກໄດ້ກວມເອົາ 96 % ຂອງມູນຄ່າການຄ້າຢູ່ໃນໂລກແລະມີທ່າອ່ຽງເພີ່ມຂື້ນເລື້ອຍໆພາຍຫລັງທີລັດເຊຍເຂົ້າເປັນສະມາຊິກ,ລາວເປັນປະເທດສຸດທ້າຍຂອງກຸ່ມອາຊຽນທີ່ໄດ້ເຂົ້າເປັນສະມາຊິກອົງການການຄ້າໂລກ,ດັ່ງນັ້ນ, ຄວາມຄາດຫວັງກ່ຽວກັບຜົນປະໂຫຍດທີ່ລາວຈະໄດ້ຮັບແມ່ນລາວມີໂອກາດຂະຫຍາຍຖານຕະຫລາດໃຫ້ກວ້າງອອກແລະມີສະຖຽນລະພາບກວ່າເກົ່າ, ລາວຈະມີສິດເທົ່າທຽມກັບປະເທດອື່ນໃນການດຳເນີນການຄ້າສາກົນບົນພື້ນຖານຫລັກການອັນດຽວກັນໂດຍຈະບໍ່ໄດ້ຮັບການເລືອກປະຕິບັດ.ອົງການ ການຄ້າໂລກມີກົນໄກແກ້ໄຂຂໍ້ຂັດແຍ່ງທາງດ້ານການຄ້າທີ່ມີປະສິດທິຜົນທີ່ສຸດ,ບົດບາດການເມືອງຂອງລາວຈະໄດ້ຮັບການຍົກສູງຂື້ນຕື່ມອີກຢູ່ໃນພາກພື້ນແລະໃນເວທີໂລກ.ພ້ອມດຽວກັນນີ້ ກໍຈະມີອຳນາດຕໍ່ລອງໃນການເຈລະຈາການຄ້າແລະອື່ນໆໂດຍຮ່ວມກັບກຸ່ມອາຊຽນແລະກຸ່ມປະເທດດ້ອຍພັດທະນາ,ການເຂົ້າເປັນສະມາຊິກອົງການການຄ້າໂລກຂອງລາວຍັງຈະເປີດໂອກາດໃຫ້ທັງໃນພາກລັດແລະທຸລະກິດໄດ້ພັດທະນາຄວາມຮູ້ແລະຄວາມສາມາດດ້ານການຄ້າໃນລະດັບສາກົນ,ສ້າງເງື່ອນໄຂອັນຈຳເປັນແກ່ການຫລຸດຜ່ອນຄວາມທຸກຍາກ.
ເຖິງຢ່າງໃດກໍຕາມ, ການຍາດເອົາຜົນປະໂຫຍດແມ່ນຈະຂື້ນກັບຄວາມເປັນເຈົ້າການຂອງທຸກພາກສ່ວນໃນສັງຄົມໂດຍສະເພາະລະບອບລະບຽບບໍລິຫານແລະຍົກລະດັບຄວາມສາມາດໃນການແຂ່ງຂັນຂອງທຸລະກິດ,ແລະຄ່ຽງຄູ່ກັນນັ້ນ ຄາດວ່າລາວຈະມີສິ່ງທ້າທາຍຈຳນວນໜຶ່ງເປັນຕົ້ນແມ່ນ:ຄວາມເຂົ້າໃຈຂອງບັນດາຂະແໜງການພາກລັດສ່ວນໃຫຍ່ນັບແຕ່ສູນກາງລົງຮອດທ້ອງຖິ່ນລວມທັງພາກທຸລະກິດແລະປະຊາຊົນທົ່ວໄປກ່ຽວກັບຫລັກການພື້ນຖານ, ສັນຍາແລະພັນທະໃນການເຂົ້າເປັນສະມາຊິກອົງການການຄ້າໂລກຍັງມີຄວາມຈຳກັດຢູ່, ພື້ນຖານການຜະລິດຂອງລາວແມ່ນຍັງອ່ອນນ້ອຍແລະຍັງຂາດລະບົບຄຸ້ມຄອງຄຸນນະພາບທີ່ດີ,ການສົ່ງອອກແມ່ນຍັງອາໄສການຄ້າຊາຍແດນແລະແບບບໍ່ເປັນທາງການ,ສະນັ້ນຖ້າບໍ່ມີການກະກຽມຄວາມພ້ອມ ລວມທັງການເພີ່ມທະວີຄວາມຮັບຮູ້,ພັດທະນາຕົນເອງແລະບຸກທະລຸໃນການດຳເນີນທຸລະກິດແລະການຄ້າໃຫ້ດີກວ່າເກົ່າ,ລາວອາດຈະບໍ່ໄດ້ຮັບຜົນປະໂຫຍດເທົ່າທີຄວນໃນໄລຍະສັ້ນເມື່ອທຽບໃສ່ປະເທດຫວຽດນາມ
