ພິທີສຳເລັດການປຸກສ້າງແລະມອບຮັບບ້ານພັກວິນລາອາເຊັມຈັດຂື້ນ
(GMT+08:00) 2012-11-01 21:04:44 cri
ພິທີສຳເລັດການປຸກສ້າງບ້ານພັກອາເຊັມວິນລາ ແລະສົ່ງມອບເພື່ອການນຳໃຊ້ໄດ້ຈັດຂຶ້ນຢູ່ຫ້ອງໂຖງທີ່ອະລັງການ ຂອງຕຶກອາຄານສະໂມສອນຊຸມຊົນ ບ້ານອາເຊັມວິນລາໃນວັນທີ1ພະຈິກ2012, ທ່ານທອງສິງ ທຳມະວົງ ນາຍົກລັດຖະມົນຕີ, ທ່ານທອງລຸນ ສີສຸລິດ, ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດລາວ, ທ່ານນາງປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວ, ນາງລໍຢ້ຽນ, ປະທານບໍລິສັດ CAMCE ວິສະວະກຳສາກົນຈີນຈຳກັດ ໄດ້ໃຫ້ກຽດເຂົ້າຮ່ວມການຕັດແຖບຜ້າໃນຄັ້ງນີ້,ບັນດາທູຕານຸທູດ, ຂັ້ນນຳລັດຖະບານ, ຜູ້ຕາງໜ້າວົງການຕ່າງໆໃນສັງຄົມ ພ້ອມດ້ວຍສື່ມວນຊົນພາຍໃນແລະຕ່າງປະເທດໄດ້ເຂົ້າຮ່ວມພິທີຄັ້ງນີ້.
ໃນພິທີ, ທ່ານທອງສິນ ທຳມະວົງຂຶ້ນກ່າວຄຳປາໄສໂດຍຕີລາຄາສູງຕໍ່ການປຸກສ້າງບ້ານອາເຊັມວິນລາ, ພ້ອມກັບສົ່ງຄຳອວຍພອນອັນປະເສີດໃຫ້ແກ່ໂຄງການດັ່ງກ່າວ.
ໂຄງການບ້ານອາເຊັມວິນລາ, ແມ່ນມີໜ້າທີ່ຕອບສະໜອງຄວາມຕ້ອງການຂອງລັດຖະບານລາວເພື່ອຕ້ອນຮັບຜູ້ນຳອາເຊັມ, ມີບ້ານວິນນາຈຳນວນ 50 ຫຼັງ, ຊຶ່ງແມ່ນບໍລິສັດCAMCEເປັນຜູ້ລົງທຶນປຸກສ້າງຂຶ້ນ.
