ນາຍົກລັດຖະມົນຕີຈີນເຂົ້າຮ່ວມກອງປະຊຸມອາເຊັມຄັ້ງທີ9ສະແດງໃຫ້ເຫັນວ່າຈີນເອົາໃຈໃສ່ນຳການພົວພັນຈີນ-ລາວໃນລະດັບສູງ
(GMT+08:00) 2012-11-02 20:07:55 cri
ຕາມຂ່າວCRI: ກອງປະຊຸມສຸດຍອດອາຊີເອີລົບຄັ້ງທີ 9 ຈະຈັດຂຶ້ນຢູ່ນະຄອນຫຼວງວຽງຈັນຂອງລາວແຕ່ວັນທີ 5 ຫາວັນທີ 6 ພະຈິກນີ້,ທ່ານເວີນເຈຍປາວນາຍົກລັດຖະມົນຕີຈີນຈະເຂົ້າຮ່ວມກອງປະຊຸມ, ແລະຢ້ຽມຢາມລາວຢ່າງເປັນທາງການວັນທີ1,ທ່ານນາງປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວກ່າວໃນງານຖະແຫຼງຂ່າວທີ່ຈັດຂຶ້ນໃນວັນທີ1ພະຈິກນີ້ຢູ່ນະຄອນຫຼວງວຽງຈັນຂອງລາວວ່າ, ໃນໄລຍະສຳຄັນທີ່ຈີນພວມກະກຽມກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນຢູ່ກໍຕາມ, ແຕ່ທ່ານເວີ່ນເຈ່ຍປາວ,ນາຍົກລັດຖະມົນຕີຈີນກໍ່ໄດ້ຕັດສິນໃຈເດີນທາງຢ້ຽມຢາມລາວແລະເຂົ້າຮ່ວມກອງປະຊຸມສຸດຍອດອາຊີ-ເອີລົບ, ນີ້ໄດ້ສະແດງໃຫ້ເຫັນວ່າພັກແລະລັດຈີນຍາມໃດກໍເອົາໃຈໃສ່ໃນລະດັບສູງຕໍ່ການພົວພັນລະຫວ່າງຈີນກັບລາວແລະສະໜັບສະໜູນລາວໃນການເປັນເຈົ້າພາບຈັດກອງປະຊຸມສຸດຍອດອາຊີເອີລົບຢ່າງເດັດດ່ຽວ.
ທ່ານນາງປູ້ຈ້ຽນກົວກ່າວຕໍ່ໄປວ່າ,ການຈັດກອງປະຊຸມສຸດຍອດອາເຊັມຄັ້ງທີ 9 ແມ່ນເລື່ອງສຳຄັນທີ່ສຸດໃນປີນີ້ຂອງທົ່ວພັກແລະປະຊາຊົນຊົນເຜົ່າຕ່າງໆທົ່ວປະເທດລາວ, ຈີນສະໜັບສະໜູນລາວຈັດກອງປະຊຸມຢ່າງຮອບດ້ານ. ໂຄງການສຳ ຄັນຕ່າງໆທີ່ຈີນຊ່ວຍສ້າງເຫຼົ່ານັ້ນ ເຊັ່ນ,ຫໍປະຊຸມແຫ່ງຊາດລາວ, ໂຄງການປັບປຸງຍົກລະດັບສະໜາມບິນສາກົນວັດໄຕວຽງຈັນແລະ ບ່ອນພັກຂອງຫົວໜ້າຄະນະຜູ້ແທນເປັນຕົ້ນ ໄດ້ສ້າງສຳເລັດ ແລະ ມອບໃຫ້ນຳໃຊ້ແລ້ວ.ຈີນຍັງໄດ້ແນະນຳບົດຮຽນແລະຜົນສຳເລັດອັນຈົບງາມຂອງຈີນໃນການເປັນເຈົ້າພາບຈັດກອງປະຊຸມສຸດຍອດອາເຊັມໃນປີ2008ໃຫ້ພາກສ່ວນຕ່າງໆຂອງລາວ.ພວກຂ້າພະເຈົ້າດີໃຈຫຼາຍທີ່ໄດ້ເຫັນ,ພາຍໃຕ້ການນຳພາອັນເດັດດ່ຽວໜຽວແໜ້ນຂອງພັກແລະ ລັດຖະບານລາວ, ວຽກງານກະກຽມກອງປະຊຸມສຸດຍອດອາເຊັມໃນດ້ານຕ່າງໆໄດ້ສຳເລັດແລ້ວ,ພວກຂ້າພະເຈົ້າເຊື່ອໝັ້ນວ່າ ກອງປະຊຸມຍ່ອມຈະໄດ້ຮັບຜົນສຳເລັດ.ເມື່ອເວົ້າເຖິງການພົວພັນຈີນ-ລາວ,ທ່ານນາງປູ້ຈ້ຽນກົວກ່າວວ່າ,ຈີນກັບລາວແມ່ນປະເທດບ້ານໃກ້ເຮືອນຄຽງທີ່ດີທີ່ມີສາຍພູແລະແມ່ນ້ຳຕິດຈອດກັນ,ມິດຕະພາບລະຫວ່າງປະຊາຊົນສອງຊາດມີມາແຕ່ບູຮານນະການ.ນັບແຕ່ສ້າງການພົວພັນທາງການທູດເປັນເວລາ51ປີມານີ້, ໂດຍສະເພາະແມ່ນສອງປະເທດໄດ້ສ້າງການພົວພັນຄູ່ຮ່ວມມືຍຸດທະສາດຮອບດ້ານໃນປີ 2009 ມານີ້,ການຂະຫຍາຍການພົວພັນລະຫວ່າງສອງປະເທດມີທ່ວງທ່າທີ່ດີຂຶ້ນ,ການພົວພັນລະຫວ່າງສອງປະເທດມີຈຸດພິເສດ 3 ຢ່າງຄື:ໜຶ່ງ,ຜູ້ນຳຊັ້ນສູງສອງປະເທດໄປມາຫາສູ່ແລກປ່ຽນ ຊຶ່ງກັນແລະກັນເລື່ອຍໆ.ນັບແຕ່ຕົ້ນປີນີ້,ຜູ້ນຳທ່ານຕ່າງໆຂອງຈີນ ເຊັ່ນ,ທ່ານເຮີ້ກົວຊຽງ ກຳມະການປະຈຳກົມການເມືອງສູນກາງພັກ,ເລຂາຄະນະກຳມະການກວດກາລະບຽບວິໄນສູນກາງພັກກອມມູນິດຈີນ, ທ່ານລຽງກວ່າງເລ້ ລັດຖະມົນຕີວ່າການກະຊວງປ້ອງກັນປະເທດ,ທ່ານເມີ້ງຈ້ຽນຈູ້,ລັດຖະມົນຕີວ່າການກະຊວງປ້ອງກັນຄວາມສະຫງົບຈີນເປັນຕົ້ນໄດ້ຢ້ຽມຢາມລາວຕາມລຳດັບ,ທ່ານທອງສິງ ທຳມະວົງ ນາຍົກລັດຖະມົນ,ທ່ານບຸນຍັງ ວໍລະຈິດ ຮອງປະທານປະເທດ,ທ່ານປານີ ຢາທໍຕູ ປະທານສະພາແຫ່ງຊາດລາວ,ທ່ານອາຊາງ ລາວລີ ຮອງນາຍົກລັດຖະມົນຕີ ແລະ ທ່ານສົມສະຫາດ ເລັ່ງສະຫວັດ ຮອງນາຍົກລັດຖະມົນຕີລາວກໍ່ໄດ້ຢ້ຽມຢາມແລະຈະມາຢ້ຽມຢາມຈີນ ຫຼື ເຂົ້າຮ່ວມກອງປະຊຸມສາກົນທີ່ຈະຈັດຂຶ້ນຢູ່ປະເທດຈີນ.
ສອງ,ການຮ່ວມມືທີ່ໃກ້ຊິດຕິດແທດຕົວຈິງໄດ້ຮັບຄວາມຄືບໜ້າອັນສຳຄັນ. ໂຄງການສຳຄັນຕ່າງໆ ເຊັ່ນ,ດາວທຽມ ແລະໂຄງການສຳລັບກອງປະຊຸມສຸດຍອດອາເຊັມເປັນຕົ້ນໄດ້ດຳເນີນໄປຢ່າງສະດວກ. ປີ2011, ມູນຄ່າການຄ້າລະຫວ່າງຈີນກັບລາວໄດ້ມີເຖິງ 1 ຕື້ 300 ລ້ານໂດລາສະຫະລັດ, ເພິ່ມຂຶ້ນ 20,4% ເມື່ອທຽບກັບໄລຍະດຽວກັນຂອງປີ2010.ໃນເດືອນພຶດສະພາປີນີ້,ພາຍໃຕ້ການປະສານສົມທົບອັນແໜ້ນແຟ້ນຂອງສອງປະເທດຈີນລາວ,ລາວໄດ້ຈັບໜໍ່ຄຳ ຜູ້ກໍ່ຄະດີຕາມລຳແມ່ນ້ຳຂອງໃນວັນທີ 5 ຕຸລາປີ2011, ແລະມອບໃຫ້ຝ່າຍຈີນໂດຍທັນທີ.
ສາມ,ສອງປະເທດໄດ້ສະໜັບສະໜູນຢ່າງໝັ້ນໜຽວຕໍ່ຝ່າຍກົງກັນຂ້າມໃນຫຼາຍກໍລະນີ.ບໍ່ວ່າຢູ່ເວທີສາກົນແລະ ພາກພື້ນຕ່າງໆ ເຊັ່ນ,ສະຫະປະຊາຊາດ,ການຮ່ວມມືໃນອາຊີຕາເວັນອອກແລະ ການຮ່ວມມືເສດຖະກິດອະນຸພາກພື້ນແມ່ນ້ຳຂອງເປັນຕົ້ນ,ຈີນກັບລາວຮັກສາການປະສານສົມທົບຢ່າງໃກ້ຊິດ, ໄດ້ປົກປັກຮັກສາຜົນປະໂຫຍດຂອງສອງຝ່າຍຢ່າງມີປະສິດທິຜົນ. ເມື່ອບໍ່ດົນມານີ້, ໃນຂະບວນການທີ່ລາວເຂົ້າເປັນສະມາຊິກອົງການການຄ້າໂລກ, ຈີນໃນຖານະທີ່ເປັນປະ ທານໜ່ວຍງານກ່ຽວກັບລາວເຂົ້າເປັນສະມາຊິກWTO,ໄດ້ສະໜັບສະໜູນລາວຢ່າງເດັດດ່ຽວດ້ວຍຫຼາຍຮູບຫຼາຍແບບ,ຊ່ວຍເຫຼືອລາວເຂົ້າຮ່ວມການຮ່ວມມືສາກົນດ້ວຍການກະທຳຕົວຈິງ.
ໃນໄລຍະຢ້ຽມຢາມລາວ, ທ່າເວີນເຈ່ຍປາວຈະເຂົ້າຢ້ຽມຂ່ຳນັບທ່ານຈູມມາລີ ໄຊຍະສອນ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດລາວ, ແລະເຂົ້າຮ່ວມພິທີຕ້ອນຮັບທີ່ທ່ານທອງສິງ ທຳມະວົງ,ນາຍົກລັດຖະມົນຕີລາວຈັດຂຶ້ນແລະເຂົ້າຮ່ວມການພົບປະເຈລະຈາ,ເພື່ອແລກປ່ຽນຄວາມເຫັນກ່ຽວກັບການລົງເລິກການຮ່ວມມືຍຸດທະສາດຮອບດ້ານລະຫວ່າງຈີນກັບລາວພ້ອມດ້ວຍບັນຫາພາກພື້ນແລະສາກົນທີ່ສອງຝ່າຍມີຄວາມສົນໃຈນຳກັນ.ຈີນຫວັງວ່າຜ່ານການຢ້ຽມຢາມລາວຄັ້ງນີ້ຈະເປັນການປັບປຸງການພົວພັນຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບລາວຕື່ມອີກ, ເພີ່ມທະວີຄວາມໄວ້ເນື້ອເຊື່ອໃຈກັນທາງດ້ານຍຸດທະສາດ,ຊຸກຍູ້ການຮ່ວມມືຢ່າງແທ້ຈິງແລະຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບລາວໃຫ້ຂຶ້ນສູ່ລະດັບສູງກວ່າເກົ່າ.
ທ່ານນາງປູ້ຈ້ຽນກົວກ່າວຕໍ່ໄປວ່າ,ການຈັດກອງປະຊຸມສຸດຍອດອາເຊັມຄັ້ງທີ 9 ແມ່ນເລື່ອງສຳຄັນທີ່ສຸດໃນປີນີ້ຂອງທົ່ວພັກແລະປະຊາຊົນຊົນເຜົ່າຕ່າງໆທົ່ວປະເທດລາວ, ຈີນສະໜັບສະໜູນລາວຈັດກອງປະຊຸມຢ່າງຮອບດ້ານ. ໂຄງການສຳ ຄັນຕ່າງໆທີ່ຈີນຊ່ວຍສ້າງເຫຼົ່ານັ້ນ ເຊັ່ນ,ຫໍປະຊຸມແຫ່ງຊາດລາວ, ໂຄງການປັບປຸງຍົກລະດັບສະໜາມບິນສາກົນວັດໄຕວຽງຈັນແລະ ບ່ອນພັກຂອງຫົວໜ້າຄະນະຜູ້ແທນເປັນຕົ້ນ ໄດ້ສ້າງສຳເລັດ ແລະ ມອບໃຫ້ນຳໃຊ້ແລ້ວ.ຈີນຍັງໄດ້ແນະນຳບົດຮຽນແລະຜົນສຳເລັດອັນຈົບງາມຂອງຈີນໃນການເປັນເຈົ້າພາບຈັດກອງປະຊຸມສຸດຍອດອາເຊັມໃນປີ2008ໃຫ້ພາກສ່ວນຕ່າງໆຂອງລາວ.ພວກຂ້າພະເຈົ້າດີໃຈຫຼາຍທີ່ໄດ້ເຫັນ,ພາຍໃຕ້ການນຳພາອັນເດັດດ່ຽວໜຽວແໜ້ນຂອງພັກແລະ ລັດຖະບານລາວ, ວຽກງານກະກຽມກອງປະຊຸມສຸດຍອດອາເຊັມໃນດ້ານຕ່າງໆໄດ້ສຳເລັດແລ້ວ,ພວກຂ້າພະເຈົ້າເຊື່ອໝັ້ນວ່າ ກອງປະຊຸມຍ່ອມຈະໄດ້ຮັບຜົນສຳເລັດ.ເມື່ອເວົ້າເຖິງການພົວພັນຈີນ-ລາວ,ທ່ານນາງປູ້ຈ້ຽນກົວກ່າວວ່າ,ຈີນກັບລາວແມ່ນປະເທດບ້ານໃກ້ເຮືອນຄຽງທີ່ດີທີ່ມີສາຍພູແລະແມ່ນ້ຳຕິດຈອດກັນ,ມິດຕະພາບລະຫວ່າງປະຊາຊົນສອງຊາດມີມາແຕ່ບູຮານນະການ.ນັບແຕ່ສ້າງການພົວພັນທາງການທູດເປັນເວລາ51ປີມານີ້, ໂດຍສະເພາະແມ່ນສອງປະເທດໄດ້ສ້າງການພົວພັນຄູ່ຮ່ວມມືຍຸດທະສາດຮອບດ້ານໃນປີ 2009 ມານີ້,ການຂະຫຍາຍການພົວພັນລະຫວ່າງສອງປະເທດມີທ່ວງທ່າທີ່ດີຂຶ້ນ,ການພົວພັນລະຫວ່າງສອງປະເທດມີຈຸດພິເສດ 3 ຢ່າງຄື:ໜຶ່ງ,ຜູ້ນຳຊັ້ນສູງສອງປະເທດໄປມາຫາສູ່ແລກປ່ຽນ ຊຶ່ງກັນແລະກັນເລື່ອຍໆ.ນັບແຕ່ຕົ້ນປີນີ້,ຜູ້ນຳທ່ານຕ່າງໆຂອງຈີນ ເຊັ່ນ,ທ່ານເຮີ້ກົວຊຽງ ກຳມະການປະຈຳກົມການເມືອງສູນກາງພັກ,ເລຂາຄະນະກຳມະການກວດກາລະບຽບວິໄນສູນກາງພັກກອມມູນິດຈີນ, ທ່ານລຽງກວ່າງເລ້ ລັດຖະມົນຕີວ່າການກະຊວງປ້ອງກັນປະເທດ,ທ່ານເມີ້ງຈ້ຽນຈູ້,ລັດຖະມົນຕີວ່າການກະຊວງປ້ອງກັນຄວາມສະຫງົບຈີນເປັນຕົ້ນໄດ້ຢ້ຽມຢາມລາວຕາມລຳດັບ,ທ່ານທອງສິງ ທຳມະວົງ ນາຍົກລັດຖະມົນ,ທ່ານບຸນຍັງ ວໍລະຈິດ ຮອງປະທານປະເທດ,ທ່ານປານີ ຢາທໍຕູ ປະທານສະພາແຫ່ງຊາດລາວ,ທ່ານອາຊາງ ລາວລີ ຮອງນາຍົກລັດຖະມົນຕີ ແລະ ທ່ານສົມສະຫາດ ເລັ່ງສະຫວັດ ຮອງນາຍົກລັດຖະມົນຕີລາວກໍ່ໄດ້ຢ້ຽມຢາມແລະຈະມາຢ້ຽມຢາມຈີນ ຫຼື ເຂົ້າຮ່ວມກອງປະຊຸມສາກົນທີ່ຈະຈັດຂຶ້ນຢູ່ປະເທດຈີນ.
ສອງ,ການຮ່ວມມືທີ່ໃກ້ຊິດຕິດແທດຕົວຈິງໄດ້ຮັບຄວາມຄືບໜ້າອັນສຳຄັນ. ໂຄງການສຳຄັນຕ່າງໆ ເຊັ່ນ,ດາວທຽມ ແລະໂຄງການສຳລັບກອງປະຊຸມສຸດຍອດອາເຊັມເປັນຕົ້ນໄດ້ດຳເນີນໄປຢ່າງສະດວກ. ປີ2011, ມູນຄ່າການຄ້າລະຫວ່າງຈີນກັບລາວໄດ້ມີເຖິງ 1 ຕື້ 300 ລ້ານໂດລາສະຫະລັດ, ເພິ່ມຂຶ້ນ 20,4% ເມື່ອທຽບກັບໄລຍະດຽວກັນຂອງປີ2010.ໃນເດືອນພຶດສະພາປີນີ້,ພາຍໃຕ້ການປະສານສົມທົບອັນແໜ້ນແຟ້ນຂອງສອງປະເທດຈີນລາວ,ລາວໄດ້ຈັບໜໍ່ຄຳ ຜູ້ກໍ່ຄະດີຕາມລຳແມ່ນ້ຳຂອງໃນວັນທີ 5 ຕຸລາປີ2011, ແລະມອບໃຫ້ຝ່າຍຈີນໂດຍທັນທີ.
ສາມ,ສອງປະເທດໄດ້ສະໜັບສະໜູນຢ່າງໝັ້ນໜຽວຕໍ່ຝ່າຍກົງກັນຂ້າມໃນຫຼາຍກໍລະນີ.ບໍ່ວ່າຢູ່ເວທີສາກົນແລະ ພາກພື້ນຕ່າງໆ ເຊັ່ນ,ສະຫະປະຊາຊາດ,ການຮ່ວມມືໃນອາຊີຕາເວັນອອກແລະ ການຮ່ວມມືເສດຖະກິດອະນຸພາກພື້ນແມ່ນ້ຳຂອງເປັນຕົ້ນ,ຈີນກັບລາວຮັກສາການປະສານສົມທົບຢ່າງໃກ້ຊິດ, ໄດ້ປົກປັກຮັກສາຜົນປະໂຫຍດຂອງສອງຝ່າຍຢ່າງມີປະສິດທິຜົນ. ເມື່ອບໍ່ດົນມານີ້, ໃນຂະບວນການທີ່ລາວເຂົ້າເປັນສະມາຊິກອົງການການຄ້າໂລກ, ຈີນໃນຖານະທີ່ເປັນປະ ທານໜ່ວຍງານກ່ຽວກັບລາວເຂົ້າເປັນສະມາຊິກWTO,ໄດ້ສະໜັບສະໜູນລາວຢ່າງເດັດດ່ຽວດ້ວຍຫຼາຍຮູບຫຼາຍແບບ,ຊ່ວຍເຫຼືອລາວເຂົ້າຮ່ວມການຮ່ວມມືສາກົນດ້ວຍການກະທຳຕົວຈິງ.
ໃນໄລຍະຢ້ຽມຢາມລາວ, ທ່າເວີນເຈ່ຍປາວຈະເຂົ້າຢ້ຽມຂ່ຳນັບທ່ານຈູມມາລີ ໄຊຍະສອນ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດລາວ, ແລະເຂົ້າຮ່ວມພິທີຕ້ອນຮັບທີ່ທ່ານທອງສິງ ທຳມະວົງ,ນາຍົກລັດຖະມົນຕີລາວຈັດຂຶ້ນແລະເຂົ້າຮ່ວມການພົບປະເຈລະຈາ,ເພື່ອແລກປ່ຽນຄວາມເຫັນກ່ຽວກັບການລົງເລິກການຮ່ວມມືຍຸດທະສາດຮອບດ້ານລະຫວ່າງຈີນກັບລາວພ້ອມດ້ວຍບັນຫາພາກພື້ນແລະສາກົນທີ່ສອງຝ່າຍມີຄວາມສົນໃຈນຳກັນ.ຈີນຫວັງວ່າຜ່ານການຢ້ຽມຢາມລາວຄັ້ງນີ້ຈະເປັນການປັບປຸງການພົວພັນຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບລາວຕື່ມອີກ, ເພີ່ມທະວີຄວາມໄວ້ເນື້ອເຊື່ອໃຈກັນທາງດ້ານຍຸດທະສາດ,ຊຸກຍູ້ການຮ່ວມມືຢ່າງແທ້ຈິງແລະຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບລາວໃຫ້ຂຶ້ນສູ່ລະດັບສູງກວ່າເກົ່າ.
