ກອງປະຊຸມສຸດຍອດອາຊີ-ເອີລົບເພີ່ມພະລັງແຮງໃໝ່ເຂົ້າໃນການຮ່ວມມືລະຫວ່າງອາຊີ-ເອີລົບ
(GMT+08:00) 2012-11-03 16:04:20 cri
ຕາມຂ່າວສານຊີນຮວາ: ກອງປະຊຸມສຸດຍອດອາຊີ-ເອີລົບຫຼືອາເຊັມທີ່2ປີຈັດຂຶ້ນເທື່ອໜຶ່ງຈະຈຶ້ນຂຶ້ນຢູ່ນະຄອນຫຼວງວຽງຈັນຂອງລາວແຕ່ວັນທີ5ຫາວັນທີ6ພະຈິກນີ້.
ກອງປະຊຸມສຸດຍອດອາຊີ-ເອີລົບຄັ້ງນີ້ມີຫົວຂໍ້ວ່າ "ເພື່ອນມິດເພື່ອສັນຕິພາບ,ຄູ່ຮ່ວມມືເພື່ອຄວາມສົມບູນພູນສຸກ". ຜູ້ນຳແລະຜູ້ແທນທີ່ມາຈາກ 51ປະເທດແລະອົງການຈັດຕັ້ງພາກພື້ນຂອງອາຊີ-ເອີລົບຈະເຕົ້າໂຮມກັນຢູ່ນະຄອນຫຼວງວຽງຈັນເພື່ອຈັດການເຈະລາ. ຫົວຂໍ້ທີ່ສຳຄັນໜຶ່ງໃນກອງປະຊຸມສຸດຍອດຄັ້ງນີ້ແມ່ນເສດຖະກິດແລະການເງິນຂອງໂລກ. ຜູ້ນຳຂອງອາຊີ-ເອີລົບຈະນຳໃຊ້ເວທີນີ້, ແລກປ່ຽນຄວາມຄິດຄວາມເຫັນແລະນະໂຍບາຍຮັບມືກ່ຽວກັບສະຖານະການເສດຖະກິດຂອງໂລກປະຈຸບັນ, ແລະເນັ້ນໜັກເຖິງຄວາມຈຳເປັນຂອງການເຕີບໂຕທາງເສດຖະກິດ, ຄວາມໝັ້ນທ່ຽງດ້ານການເງິນ, ປັບປຸງການປະກອບອາຊີບ, ປະຕິຮູບເສດຖະກິດສາກົນແລະການປົກຄອງການເງິນ, ຄັດຄ້ານລັດທິປົກປ້ອງການຄ້າໃນຮູບການຕ່າງໆ.
ຈຸດພິເສດອີກອັນໜຶ່ງຂອງກອງປະຊຸມສຸດຍອດຄັ້ງນີ້ແມ່ນໄດ້ມີທາງການ,ປະຊາຊົນ, ການເມືອງ, ການຄ້າແລະວົງການຕ່າງໆເຂົ້າຮ່ວມຢ່າງຮອບດ້ານ. ກ່ອນການຈັດກອງປະຊຸມສຸດຍອດຄັ້ງນີ້, ເວທີປຶກສາຫາລືພາກປະຊາຊົນອາຊີ-ເອີລົບ, ກອງປະຊຸມຄູ່ຮ່ວມມືສະພາອາຊີ-ເອີລົບ, ກອງປະຊຸມສຸດຍອດວົງການອຸດສາຫະກຳການຄ້າອາຊີ-ເອີລົບກໍ່ໄດ້ຈັດຂຶ້ນຢູ່ນະຄອນຫຼວງວຽງຈັນ, ໄດ້ສະແດງໃຫ້ເຫັນວັດຖຸປະສົງຂອງກອງປະຊຸມອາຊີ-ເອີລົບໃນການຊຸກຍູ້ "ການແລກປ່ຽນລະຫວ່າງຄົນກັບຄົນ".
ໃນກອງປະຊຸມອາຊີ-ເອີລົບຄັ້ງນີ້, ຜູ້ນຳຂອງປະເທດຕ່າງໆຈະປະເຊີນກັບເລື່ອງຈິງ3ອັນທີ່ນັບມື້ນັບພົ້ນເດັ່ນຂຶ້ນ: ໜຶ່ງແມ່ນຄວາມສຳຄັນຂອງອາຊີໃນເສດຖະກິດໂລກແລະການເມືອງພາກພື້ນສືບຕໍ່ພົ້ນເດັ່ນຂຶ້ນ; ສອງແມ່ນວິກິດການໜີ້ສິນເອີລົບອາດຈະແກ່ຍາວໄປ; ສາມແມ່ນອາຊີກັບເອີລົບຕ່າງເພິ່ງພາອາໄສກັນນັບມື້ນັບຫຼາຍຂຶ້ນ.
ກອງປະຊຸມສຸດຍອດອາຊີ-ເອີລົບຄັ້ງນີ້ຈະຮັບເອົາ3ສະມາຊິກໃໝ່ຢ່າງເປັນທາງການ,ຄື: ບັງກະລາເດັດ, ນັອກແວແລະສະວິສ. ຊ່ຽວຊານເຫັນວ່າ, ລັກສະນະຄວາມຫຼາກຫຼາຍແລະຄວາມອອບອ້ອມອາລີແມ່ນຊັບສົມບັດທີ່ສຳຄັນທີ່ສຸດຂອງກອງປະຊຸມອາຊີ-ເອີລົບ.
ຈີນໄດ້ມີຄວາມເອົາໃຈໃສ່ມາໂດຍຕະຫຼອດຕໍ່ກອງປະຊຸມອາຊີ-ເອີລົບທີ່ເປັນກົນໄກສົນທະນາຫຼາຍຝ່າຍ. ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວໃນວັນທີ2ຕຸລາແລ້ວນີ້ວ່າ, ກອງປະຊຸມອາຊີ-ເອີລົບແມ່ນເວທີທີ່ສຳຄັນທີ່ໃຫ້ປະເທດຕ່າງໆຂອງອາຊີ-ເອີລົບເພີ່ມຄວາມເຂົ້າໃຈກັນ, ເພີ່ມຄວາມເຫັນເປັນເອກະສັນກັນແລະລົງເລິກການຮ່ວມມື. ຈີນຈະຮ່ວມກັບຝ່າຍຕ່າງໆຂອງອາຊີ-ເອີລົບທຳຄວາມພະຍາຍາມ, ຊຸກຍູ້ການຮ່ວມມືລະຫວ່າງອາຊີກັບເອີລົບຮັບໝາກຜົນອັນຕັ້ງໜ້າຫຼາຍກວ່າເກົ່າ.
ກອງປະຊຸມສຸດຍອດອາຊີ-ເອີລົບຄັ້ງນີ້ມີຫົວຂໍ້ວ່າ "ເພື່ອນມິດເພື່ອສັນຕິພາບ,ຄູ່ຮ່ວມມືເພື່ອຄວາມສົມບູນພູນສຸກ". ຜູ້ນຳແລະຜູ້ແທນທີ່ມາຈາກ 51ປະເທດແລະອົງການຈັດຕັ້ງພາກພື້ນຂອງອາຊີ-ເອີລົບຈະເຕົ້າໂຮມກັນຢູ່ນະຄອນຫຼວງວຽງຈັນເພື່ອຈັດການເຈະລາ. ຫົວຂໍ້ທີ່ສຳຄັນໜຶ່ງໃນກອງປະຊຸມສຸດຍອດຄັ້ງນີ້ແມ່ນເສດຖະກິດແລະການເງິນຂອງໂລກ. ຜູ້ນຳຂອງອາຊີ-ເອີລົບຈະນຳໃຊ້ເວທີນີ້, ແລກປ່ຽນຄວາມຄິດຄວາມເຫັນແລະນະໂຍບາຍຮັບມືກ່ຽວກັບສະຖານະການເສດຖະກິດຂອງໂລກປະຈຸບັນ, ແລະເນັ້ນໜັກເຖິງຄວາມຈຳເປັນຂອງການເຕີບໂຕທາງເສດຖະກິດ, ຄວາມໝັ້ນທ່ຽງດ້ານການເງິນ, ປັບປຸງການປະກອບອາຊີບ, ປະຕິຮູບເສດຖະກິດສາກົນແລະການປົກຄອງການເງິນ, ຄັດຄ້ານລັດທິປົກປ້ອງການຄ້າໃນຮູບການຕ່າງໆ.
ຈຸດພິເສດອີກອັນໜຶ່ງຂອງກອງປະຊຸມສຸດຍອດຄັ້ງນີ້ແມ່ນໄດ້ມີທາງການ,ປະຊາຊົນ, ການເມືອງ, ການຄ້າແລະວົງການຕ່າງໆເຂົ້າຮ່ວມຢ່າງຮອບດ້ານ. ກ່ອນການຈັດກອງປະຊຸມສຸດຍອດຄັ້ງນີ້, ເວທີປຶກສາຫາລືພາກປະຊາຊົນອາຊີ-ເອີລົບ, ກອງປະຊຸມຄູ່ຮ່ວມມືສະພາອາຊີ-ເອີລົບ, ກອງປະຊຸມສຸດຍອດວົງການອຸດສາຫະກຳການຄ້າອາຊີ-ເອີລົບກໍ່ໄດ້ຈັດຂຶ້ນຢູ່ນະຄອນຫຼວງວຽງຈັນ, ໄດ້ສະແດງໃຫ້ເຫັນວັດຖຸປະສົງຂອງກອງປະຊຸມອາຊີ-ເອີລົບໃນການຊຸກຍູ້ "ການແລກປ່ຽນລະຫວ່າງຄົນກັບຄົນ".
ໃນກອງປະຊຸມອາຊີ-ເອີລົບຄັ້ງນີ້, ຜູ້ນຳຂອງປະເທດຕ່າງໆຈະປະເຊີນກັບເລື່ອງຈິງ3ອັນທີ່ນັບມື້ນັບພົ້ນເດັ່ນຂຶ້ນ: ໜຶ່ງແມ່ນຄວາມສຳຄັນຂອງອາຊີໃນເສດຖະກິດໂລກແລະການເມືອງພາກພື້ນສືບຕໍ່ພົ້ນເດັ່ນຂຶ້ນ; ສອງແມ່ນວິກິດການໜີ້ສິນເອີລົບອາດຈະແກ່ຍາວໄປ; ສາມແມ່ນອາຊີກັບເອີລົບຕ່າງເພິ່ງພາອາໄສກັນນັບມື້ນັບຫຼາຍຂຶ້ນ.
ກອງປະຊຸມສຸດຍອດອາຊີ-ເອີລົບຄັ້ງນີ້ຈະຮັບເອົາ3ສະມາຊິກໃໝ່ຢ່າງເປັນທາງການ,ຄື: ບັງກະລາເດັດ, ນັອກແວແລະສະວິສ. ຊ່ຽວຊານເຫັນວ່າ, ລັກສະນະຄວາມຫຼາກຫຼາຍແລະຄວາມອອບອ້ອມອາລີແມ່ນຊັບສົມບັດທີ່ສຳຄັນທີ່ສຸດຂອງກອງປະຊຸມອາຊີ-ເອີລົບ.
ຈີນໄດ້ມີຄວາມເອົາໃຈໃສ່ມາໂດຍຕະຫຼອດຕໍ່ກອງປະຊຸມອາຊີ-ເອີລົບທີ່ເປັນກົນໄກສົນທະນາຫຼາຍຝ່າຍ. ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວໃນວັນທີ2ຕຸລາແລ້ວນີ້ວ່າ, ກອງປະຊຸມອາຊີ-ເອີລົບແມ່ນເວທີທີ່ສຳຄັນທີ່ໃຫ້ປະເທດຕ່າງໆຂອງອາຊີ-ເອີລົບເພີ່ມຄວາມເຂົ້າໃຈກັນ, ເພີ່ມຄວາມເຫັນເປັນເອກະສັນກັນແລະລົງເລິກການຮ່ວມມື. ຈີນຈະຮ່ວມກັບຝ່າຍຕ່າງໆຂອງອາຊີ-ເອີລົບທຳຄວາມພະຍາຍາມ, ຊຸກຍູ້ການຮ່ວມມືລະຫວ່າງອາຊີກັບເອີລົບຮັບໝາກຜົນອັນຕັ້ງໜ້າຫຼາຍກວ່າເກົ່າ.
