ເພີ່ມພະລັງຄວາມສາມັກຄີພາຍໃນແລະສາກົນ ຮ່ວມກັນເປັນເຈົ້າພາບທີ່ດີ ເພື່ອຜົນສຳເລັດຂອງກອງປະຊຸມສຸດຍອດອາຊີ-ເອີລົບ ຄັ້ງທີ 9
(GMT+08:00) 2012-11-05 12:25:12 cri
ຕາມ CRI: ວັນທີ 5 ພະຈິກນີ້, ທີ່ນະຄອນຫລວງວຽງຈັນ, ໜັງສືພິມປະຊາຊົນ ຊຶ່ງເປັນສຽງຂອງສູນກາງພັກປະຊາຊົນປະຕິວັດລາວ ສະບັບວັນທີ 5 ພະຈິກ 2012 ໄດ້ພິມບົດນຳພາຍໃຕ້ຫົວຂໍ້: ເພີ່ມພະລັງຄວາມສາມັກຄີພາຍໃນແລະສາກົນ ຮ່ວມກັນເປັນເຈົ້າພາບທີ່ດີ ເພື່ອຜົນສຳເລັດຂອງກອງປະຊຸມສຸດຍອດອາຊີ-ເອີລົບ ຄັ້ງທີ 9.
ເນື້ອໃນຂອງບົດດັ່ງກ່າວ ຂຽນວ່າ: ອາເຊັມແມ່ນເວທີປຶກສາຫາລືລະຫວ່າງສອງທະວີບຄື: ອາຊີແລະເອີລົບ ໃນລະດັບສູງ ເພື່ອປຶກສາຫາລືກ່ຽວກັບບັນຫາສຳຄັນແລະສິ່ງທ້າທາຍຕ່າງໆ ໃນພາກພື້ນແລະໃນໂລກ ທີ່ຕ່າງຝ່າຍໃຫ້ຄວາມສົນໃຈແລະຮຽກຮ້ອງໃຫ້ມີການແກ້ໄຂຮ່ວມກັນ. ຈຸດປະສົງສຳຄັນຂອງກອງປະຊຸມອາເຊັມແມ່ນປຶກສາຫາລືປັບປຸງການຄຸ້ມຄອງແລະໂຄງສ້າງເສດຖະກິດ-ການເງິນຂອງໂລກ, ບັນຫາການພັດທະນາແບບຍືນຍົງ, ບັນຫາສາກົນແລະພາກພື້ນ, ການປ່ຽນແປງຂອງສະພາບດິນຟ້າອາກາດ, ການສົ່ງເສີມການໄປມາຫາສູ່ລະຫວ່າງປະຊາຊົນໃນພາກພື້ນອາຊີ-ເອີລົບ, ກອງປະຊຸມອາເຊັມຄັ້ງທຳອິດຈັດຂື້ນທີ່ບາງກອກປະເທດໄທ ໃນປີ 1996 , ຄັ້ງທີ 8 ຈັດຂື້ນທີ່ ປະເທດແບນຊິກແລະຄັ້ງທີ 9 ແມ່ນລາວເປັນເຈົ້າພາບ, ການເປັນເຈົ້າພາບກອງປະຊຸມສຸດຍອດອາເຊັມຄັ້ງທີ 9 ຖືວ່າແມ່ນກຽດອັນສູງສົ່ງ, ເປັນເຫດການປະຫວັດສາດອັນຍິ່ງໃຫຍ່ແລະສຳຄັນອັນໜຶ່ງທີ່ບໍ່ເຄີຍມີມາກ່ອນໃນປະເທດລາວ, ຊຶ່ງຈະມີບັນດາຜູ້ນຳ 51 ສະມາຊິກລວມທັງລາວເຂົ້າຮ່ວມກອງປະຊຸມ, ໃນນັ້ນ ລະດັບປະມຸກລັດ 15 ທ່ານ, ລະດັບຫົວໜ້າລັດຖະບານ 21ທ່ານ, ຮອງນາຍົກລັດຖະມົນຕີ 2 ທ່ານ, ລັດຖະມົນຕີວ່າການ 12 ທ່ານ ແລະລະດັບລັດຖະມົນຕີຊ່ວຍວ່າການ 1 ທ່ານ, ມີ 4 ປະເທດສະເໜີຢ້ຽມຢາມລາວຢ່າງເປັນທາງການທັງພົບປະສອງຝ່າຍແລະອີກ 3 ປະເທດທີ່ກຽມເຂົ້າເປັນສະມາຊິກໃໝ່, ພ້ອມທັງການນຳຂັ້ນສູງຂອງອົງການຈັດຕັ້ງສາກົນ ຊຶ່ງຫລາຍກວ່າ 4 ເທົ່າຂອງກອງປະຊຸມສຸດຍອດອາຊຽນທີ່ລາວເຄີຍເປັນເຈົ້າພາບ, ກອງປະຊຸມອາເຊັມ 9 ເປັນໂອກາດອັນດີສຳລັບປະເທດລາວ ໃນການຍົກສູງບົດບາດຂອງຕົນຂື້ນອີກລະດັບໜຶ່ງໃນເວທີພາກພື້ນແລະສາກົນ, ເປັນການໂຄສະນາເຜີຍແຜ່ແນວທາງນະໂຍບາຍເປີດກວ້າງການພົວພັນຮ່ວມມືຂອງພັກ-ລັດກັບຕ່າງປະເທດໃນລະດັບພາກພື້ນແລະສາກົນ, ເພື່ອເພີ່ມເພື່ອນມິດແລະຄູ່ຮ່ວມໃຫ້ສອດຄ່ອງຕາມແນວທາງສັນຕິພາບ ເອກະລາດ ມິດຕະພາບ ແລະການຮ່ວມມື, ເປັນການສະແດງເຈດຕະນາລົມດ້ານການເມືອງຂອງລັດຖະບານລາວໃນການເປັນເຈົ້າການຮ່ວມມືຢ່າງຈິງໃຈແລະສ້າງຄວາມໄວ້ເນື້ອເຊື່ອໃຈກັບບັນດາປະເທດສະມາຊິກອາເຊັມກໍຄືສາກົນ, ນຳໃຊ້ກາລະໂອກາດໃນການຈັດກອງປະຊຸມສຸດຍອດຄັ້ງນີ້ເປັນການປະກອບສ່ວນເຂົ້າໃນການປົກປັກຮັກສາສັນຕິພາບ, ສະ ຖຽນລະພາບໃນພາກພື້ນອາຊີ - ເອີລົບແລະໃນໂລກ, ເພື່ອນຳເອົາຜົນປະໂຫຍດ ມາສູ່ການພັດທະນາເສດຖະກິດ-ສັງຄົມຂອງລາວ, ເສີມຂະຫຍາຍການພົວພັນຮ່ວມມືສອງຝ່າຍແລະຫລາຍຝ່າຍ ກັບບັນດາປະເທດທີ່ມີບົດບາດສຳຄັນແລະມີອິດທິພົນທາງດ້ານການເມືອງແລະເສດຖະກິດໃນພາກພື້ນກໍຄືໃນໂລກ. ກອງປະຊຸມອາເຊັມ 9 ຄັ້ງນີ້ຍັງເປັນການເພີ່ມທະວີແລະສົ່ງເສີມການຮ່ວມມືທາງດ້ານເສດຖະກິດກັບບັນດາປະເທດໃນອາຊີແລະເອີລົບ ເພື່ອສົ່ງເສີມການສົ່ງອອກສິນຄ້າຂອງລາວແລະດຶງດູດການລົງທຶນຈາກຕ່າງປະເທດ, ຍາດແຍ່ງການຊ່ວຍທາງດ້ານທຶນຮອນແລະວິຊາການ, ພ້ອມທັງຖອດຖອນບົດຮຽນດ້ານຕ່າງໆ ເພື່ອນຳມາໝູນໃຊ້ເຂົ້າໃນຂະແໜງບູລິມະສິດຂອງລາວ ແລະນຳມາພັດທະນາເສດຖະກິດໃຫ້ມີການຂະຫຍາຍຕົວເປັນກ້າວໆ, ສືບຕໍ່ຍາດແຍ່ງການສະໜັບສະໜູນຈາກບັນດາປະເທດສະມາຊິກອາເຊັມ ເພື່ອອຳນວຍຄວາມສະດວກໃຫ້ແກ່ປະເທດລາວທີ່ຫາກໍ່ໄດ້ເຂົ້າເປັນສະມາຊິກຂອງອົງການຄ້າໂລກໃນທ້າຍເດືອນຕຸລາທີ່ຜ່ານມາ, ພ້ອມກັນນັ້ນຍັງເປັນໂອກາດອັນດີ ເພື່ອໂຄສະນາເຜີຍແຜ່ວັດທະນາທຳແລະຮີດຄອງປະເພນີອັນດີງາມແລະເປັນເອກະລັກຂອງຊາດລາວ ອອກສູ່ສາຍຕາປະຊາຊົນທັງສອງພາກພື້ນ, ລວມທັງດຶງດູດນັກທ່ອງທ່ຽວຈາກພາກພື້ນອາຊີແລະເອີລົບ ໃຫ້ເຂົ້າມາທ່ອງທ່ຽວລາວນັບມື້ນັບຫລາຍຂື້ນ, ປະກອບສ່ວນເຂົ້າໃນການໂຄສະນາເຜີຍແຜ່ປີທ່ອງທ່ຽວລາວ 2012 ໃຫ້ກວ້າງຂວາງຕື່ມອີກ.
ປັດຈຸບັນອາເຊັມມີ 48 ສະມາຊິກ ໂດຍມີ 19 ປະເທດໃນທະວີບອາຊີແລະກອງເລຂາອາຊຽນ, 27 ປະເທດຈາດທະວີບເອີລົບ ແລະຄະະນະກຳມາທິການເອີລົບ, ໃນກອງປະຊຸມອາເຊັມ 9 ໄດ້ຮັບເອົາສະມາຊິກໃໝ່ຕື່ມອີກ 3 ປະເທດຄື ບັງກາລາເດັສ, ນອກແວ ແລະສະວິສ.
ເນື້ອໃນຂອງບົດດັ່ງກ່າວ ຂຽນວ່າ: ອາເຊັມແມ່ນເວທີປຶກສາຫາລືລະຫວ່າງສອງທະວີບຄື: ອາຊີແລະເອີລົບ ໃນລະດັບສູງ ເພື່ອປຶກສາຫາລືກ່ຽວກັບບັນຫາສຳຄັນແລະສິ່ງທ້າທາຍຕ່າງໆ ໃນພາກພື້ນແລະໃນໂລກ ທີ່ຕ່າງຝ່າຍໃຫ້ຄວາມສົນໃຈແລະຮຽກຮ້ອງໃຫ້ມີການແກ້ໄຂຮ່ວມກັນ. ຈຸດປະສົງສຳຄັນຂອງກອງປະຊຸມອາເຊັມແມ່ນປຶກສາຫາລືປັບປຸງການຄຸ້ມຄອງແລະໂຄງສ້າງເສດຖະກິດ-ການເງິນຂອງໂລກ, ບັນຫາການພັດທະນາແບບຍືນຍົງ, ບັນຫາສາກົນແລະພາກພື້ນ, ການປ່ຽນແປງຂອງສະພາບດິນຟ້າອາກາດ, ການສົ່ງເສີມການໄປມາຫາສູ່ລະຫວ່າງປະຊາຊົນໃນພາກພື້ນອາຊີ-ເອີລົບ, ກອງປະຊຸມອາເຊັມຄັ້ງທຳອິດຈັດຂື້ນທີ່ບາງກອກປະເທດໄທ ໃນປີ 1996 , ຄັ້ງທີ 8 ຈັດຂື້ນທີ່ ປະເທດແບນຊິກແລະຄັ້ງທີ 9 ແມ່ນລາວເປັນເຈົ້າພາບ, ການເປັນເຈົ້າພາບກອງປະຊຸມສຸດຍອດອາເຊັມຄັ້ງທີ 9 ຖືວ່າແມ່ນກຽດອັນສູງສົ່ງ, ເປັນເຫດການປະຫວັດສາດອັນຍິ່ງໃຫຍ່ແລະສຳຄັນອັນໜຶ່ງທີ່ບໍ່ເຄີຍມີມາກ່ອນໃນປະເທດລາວ, ຊຶ່ງຈະມີບັນດາຜູ້ນຳ 51 ສະມາຊິກລວມທັງລາວເຂົ້າຮ່ວມກອງປະຊຸມ, ໃນນັ້ນ ລະດັບປະມຸກລັດ 15 ທ່ານ, ລະດັບຫົວໜ້າລັດຖະບານ 21ທ່ານ, ຮອງນາຍົກລັດຖະມົນຕີ 2 ທ່ານ, ລັດຖະມົນຕີວ່າການ 12 ທ່ານ ແລະລະດັບລັດຖະມົນຕີຊ່ວຍວ່າການ 1 ທ່ານ, ມີ 4 ປະເທດສະເໜີຢ້ຽມຢາມລາວຢ່າງເປັນທາງການທັງພົບປະສອງຝ່າຍແລະອີກ 3 ປະເທດທີ່ກຽມເຂົ້າເປັນສະມາຊິກໃໝ່, ພ້ອມທັງການນຳຂັ້ນສູງຂອງອົງການຈັດຕັ້ງສາກົນ ຊຶ່ງຫລາຍກວ່າ 4 ເທົ່າຂອງກອງປະຊຸມສຸດຍອດອາຊຽນທີ່ລາວເຄີຍເປັນເຈົ້າພາບ, ກອງປະຊຸມອາເຊັມ 9 ເປັນໂອກາດອັນດີສຳລັບປະເທດລາວ ໃນການຍົກສູງບົດບາດຂອງຕົນຂື້ນອີກລະດັບໜຶ່ງໃນເວທີພາກພື້ນແລະສາກົນ, ເປັນການໂຄສະນາເຜີຍແຜ່ແນວທາງນະໂຍບາຍເປີດກວ້າງການພົວພັນຮ່ວມມືຂອງພັກ-ລັດກັບຕ່າງປະເທດໃນລະດັບພາກພື້ນແລະສາກົນ, ເພື່ອເພີ່ມເພື່ອນມິດແລະຄູ່ຮ່ວມໃຫ້ສອດຄ່ອງຕາມແນວທາງສັນຕິພາບ ເອກະລາດ ມິດຕະພາບ ແລະການຮ່ວມມື, ເປັນການສະແດງເຈດຕະນາລົມດ້ານການເມືອງຂອງລັດຖະບານລາວໃນການເປັນເຈົ້າການຮ່ວມມືຢ່າງຈິງໃຈແລະສ້າງຄວາມໄວ້ເນື້ອເຊື່ອໃຈກັບບັນດາປະເທດສະມາຊິກອາເຊັມກໍຄືສາກົນ, ນຳໃຊ້ກາລະໂອກາດໃນການຈັດກອງປະຊຸມສຸດຍອດຄັ້ງນີ້ເປັນການປະກອບສ່ວນເຂົ້າໃນການປົກປັກຮັກສາສັນຕິພາບ, ສະ ຖຽນລະພາບໃນພາກພື້ນອາຊີ - ເອີລົບແລະໃນໂລກ, ເພື່ອນຳເອົາຜົນປະໂຫຍດ ມາສູ່ການພັດທະນາເສດຖະກິດ-ສັງຄົມຂອງລາວ, ເສີມຂະຫຍາຍການພົວພັນຮ່ວມມືສອງຝ່າຍແລະຫລາຍຝ່າຍ ກັບບັນດາປະເທດທີ່ມີບົດບາດສຳຄັນແລະມີອິດທິພົນທາງດ້ານການເມືອງແລະເສດຖະກິດໃນພາກພື້ນກໍຄືໃນໂລກ. ກອງປະຊຸມອາເຊັມ 9 ຄັ້ງນີ້ຍັງເປັນການເພີ່ມທະວີແລະສົ່ງເສີມການຮ່ວມມືທາງດ້ານເສດຖະກິດກັບບັນດາປະເທດໃນອາຊີແລະເອີລົບ ເພື່ອສົ່ງເສີມການສົ່ງອອກສິນຄ້າຂອງລາວແລະດຶງດູດການລົງທຶນຈາກຕ່າງປະເທດ, ຍາດແຍ່ງການຊ່ວຍທາງດ້ານທຶນຮອນແລະວິຊາການ, ພ້ອມທັງຖອດຖອນບົດຮຽນດ້ານຕ່າງໆ ເພື່ອນຳມາໝູນໃຊ້ເຂົ້າໃນຂະແໜງບູລິມະສິດຂອງລາວ ແລະນຳມາພັດທະນາເສດຖະກິດໃຫ້ມີການຂະຫຍາຍຕົວເປັນກ້າວໆ, ສືບຕໍ່ຍາດແຍ່ງການສະໜັບສະໜູນຈາກບັນດາປະເທດສະມາຊິກອາເຊັມ ເພື່ອອຳນວຍຄວາມສະດວກໃຫ້ແກ່ປະເທດລາວທີ່ຫາກໍ່ໄດ້ເຂົ້າເປັນສະມາຊິກຂອງອົງການຄ້າໂລກໃນທ້າຍເດືອນຕຸລາທີ່ຜ່ານມາ, ພ້ອມກັນນັ້ນຍັງເປັນໂອກາດອັນດີ ເພື່ອໂຄສະນາເຜີຍແຜ່ວັດທະນາທຳແລະຮີດຄອງປະເພນີອັນດີງາມແລະເປັນເອກະລັກຂອງຊາດລາວ ອອກສູ່ສາຍຕາປະຊາຊົນທັງສອງພາກພື້ນ, ລວມທັງດຶງດູດນັກທ່ອງທ່ຽວຈາກພາກພື້ນອາຊີແລະເອີລົບ ໃຫ້ເຂົ້າມາທ່ອງທ່ຽວລາວນັບມື້ນັບຫລາຍຂື້ນ, ປະກອບສ່ວນເຂົ້າໃນການໂຄສະນາເຜີຍແຜ່ປີທ່ອງທ່ຽວລາວ 2012 ໃຫ້ກວ້າງຂວາງຕື່ມອີກ.
ປັດຈຸບັນອາເຊັມມີ 48 ສະມາຊິກ ໂດຍມີ 19 ປະເທດໃນທະວີບອາຊີແລະກອງເລຂາອາຊຽນ, 27 ປະເທດຈາດທະວີບເອີລົບ ແລະຄະະນະກຳມາທິການເອີລົບ, ໃນກອງປະຊຸມອາເຊັມ 9 ໄດ້ຮັບເອົາສະມາຊິກໃໝ່ຕື່ມອີກ 3 ປະເທດຄື ບັງກາລາເດັສ, ນອກແວ ແລະສະວິສ.
