ທ່ານເວີ່ນເຈ່ຍປາວກ່າວຄຳປາໄສໃນກອງປະຊຸມຄັ້ງທຳອິດຂອງຜູ່ນຳປະເທດຕ່າງໆໃນກອງປະຊຸມອາເຊັມຄັ້ງທີ9
ວັນທີ5ພະຈິກນີ້,ກອງປະຊຸມອາເຊັມຄັ້ງທີ9ໄຂຂຶ້ນຢູ່ນະຄອນຫຼວງວຽງຈັນ.ໃນກອງປະຊຸມຄັ້ງທຳອິດຂອງຜູ່ນຳປະເທດຕ່າງໆໃນກອງປະຊຸມອາເຊັມຄັ້ງນີ້,ທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ກ່າວຄຳປາໄສທີ່ມີຫົວຂໍ້ວ່າ "ຮ່ວມກັນຫາບແບກໜ້າທີ່ອັນສຳຄັນທີ່ຊຸກຍູ້ໃຫ້ເສດຖະກິດໂລກເຕີບໂຕຢ່າງໝັ້ນທ່ຽງ".
ໃນເວລາກ່າວເຖິງເສດຖະກິດຈີນ,ທ່ານເວີ່ນເຈ່ຍປາວກ່າວວ່າ,ຈີນແມ່ນປະເທດໃຫຍ່ທີ່ມີຄວາມຮັບຜິດຊອບ,ຍຶດໝັ້ນປະຕິບັດໜ້າທີ່ຂອງຕົນໃຫ້ດີ,ເຮັດໃຫ້ເສດຖະ ກິດຈີນຟື້ນຕົວດ້ວຍຄວາມໝັ້ນທ່ຽງໃນໄລຍະເວລາອັນສັ້ນໆພ້ອມທັງຮັກສາລະດັບການພັດທະນາຢ່າງໝັ້ນທ່ຽງແລະອ່າວໄວ;ຈີນຍຶດໝັ້ນດຳເນີນການໄຂປະຕູສູ່ພາຍນອກແລະການຮ່ວມມື,ຊຸກຍູ້ໃຫ້ການພັດທະນາການຄ້າຂາເຂົ້າກັບຂາອອກມີຄວາມດຸ່ນດ່ຽງກັນ,ແລະເຮັດໃຫ້ການນຳໃຊ້ທຶນຕ່າງປະເທດກັບການລົງທຶນຕໍ່ຕ່າງ ປະເທດປະສານສົມທົບກັນ;ຕັ້ງໜ້າເຂົ້າຮ່ວມການປັບປຸງເສດຖະກິດຂອງໂລກ,ຊຸກ ຍູ້ການປະຕິຮູບລະບົບການເງິນສາກົນ,ສະໜອງການຊ່ວຍເຫຼືອໃຫ້ແກ່ປະເທດທີ່ປະສົບຄວາມຫຍຸ້ງຍາກດ້ານເສດຖະກິດ.ທັງໝົດເຫຼົ່ານີ້ສະແດງໃຫ້ເຫັນວ່າ,ຈີນແມ່ນພະລັງແມ່ແຮງອັນສຳຄັນທີ່ຊຸກຍູ້ການເຕີບໂຕຂອງເສດຖະກິດໂລກ,ແລະໄດ້ເສີມຂະຫຍາຍບົດບາດທີ່ສຳຄັນທີ່ສຸດຕໍ່ການຟື້ນຕົວຂອງເສດຖະກິດໂລກ.
ທ່ານເວີ່ນເຈ່ຍປາວຊີ້ອອກວ່າ,ປະຈຸບັນນີ້,ວິກິດການການເງິນສາກົນຍັງບໍ່ທັນໄດ້ສິ້ນສຸດເທື່ອ,ຍັງມີຫຼາຍປັດໄຈທີ່ບໍ່ທັນມີຄວາມແນ່ນອນແລະມີຄວາມສ່ຽງທີ່ຈະຊຸດໂຊມລົງຕື່ມອີກ.ຖ້າວ່າອາຊີແລະເອີຣົບຮ່ວມແຮງຮ່ວມໃຈກັນ,ດຳເນີນການຮ່ວມມື,ຈຶ່ງຈະມີກຳລັງແຮງຢ່າງພຽງພໍທີ່ສາມາດຫາບແບກພາລະໜ້າທີ່ອັນໜັກໜ່ວງໄດ້ ຄື:ເຮັດໃຫ້ເສດຖະກິດໂລກເຕີບໂຕຢ່າງໝັ້ນທ່ຽງ,ແລະຈະສ້າງຄວາມໝັ້ນໃຈ,ຄວາມກ້າຫານແລະຄວາມຫວັງໃຫ້ແກ່ທົ່ວໂລກ.
