ມົງໂກລີແລະລາວເພີ່ມທະວີການພົວພັນມິດຕະພາບແລະເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ
(GMT+08:00) 2012-11-16 17:22:23 cri
ກອງປະຊຸມຄັ້ງທີ9ຂອງຄະນະກຳມະການຮ່ວມມືທາງດ້ານເສດຖະກິດການຄ້າວິທະຍາສາດເຕັກໂນໂລຊີລະຫວ່າງລັດຖະບານມົງໂກລີກັບລາວໄດ້ຈັດຂຶ້ນໃນວັນທີ15ພະຈິກນີ້ທີ່ກະຊວງການຕ່າງປະເທດມົງໂກລີ,ສອງຝ່າຍໄດ້ກ່າວເນັ້ນວ່າຈະເພີ່ມທະວີການພົວພັນມິດຕະພາບຕື່ມອີກແລະເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ເຈົ້າໜ້າທີ່ກະຊວງການຕ່າງປະເທດມົງໂກລີກ່າວວ່າ,ເພື່ອເປີດກວ້າງການຮ່ວມມືທາງດ້ານເສດຖະກິດໃນໄລຍະຍາວ,ມົງໂກລີຈະເຊົ່າທີ່ດິນ1ໝື່ນເຮັກຕາຈາກລາວເພື່ອພັດທະນາການປູກຝັງແລະສ້າງຕັ້ງໂຮງງານປຸງແຕ່ງໄມ້ ເປັນໄລຍະຍາວ,ນອກນີ້,ມົງໂກລີຍັງຈະເຊົ່າທີ່ດິນ20ເຮັກຕາຢູ່ໃນເຂດເສດຖະກິດພິເສດຂອງລາວເພື່ອນຳໃຊ້ເຂົ້າໃນການພັດທະນາການຄ້າ,ການຜະລິດແລະການບໍລິການ.
ມື້ດຽວກັນ,ສອງຝ່າຍຍັງໄດ້ລົງນາມໃນອະນຸສັນຍາກອງປະຊຸມ,ແຜນການຮ່ວມມືທາງດ້ານວິທະຍາສາດເຕັກໂນໂລຊີລະຫວ່າງສອງປະເທດປີ2012ຫາ2016,ແຜນການຮ່ວມມືທາງດ້ານສາທາລະນະສຸກລະຫວ່າງສອງປະເທດປີ2012ຫາປີ2014ຕື່ມອີກ.