ຄະນະແນວໂຮມເອກະພາບສູນກາງພັກກອມມູນິດຈີນເຜີຍແຜ່ຈິດໃຈຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກກອມມູນິດຈີນຕໍ່ບຸກຄົນທີ່ບໍ່ແມ່ນສະມາຊິກພັກກອມມູນິດຈີນ
ຕາມຂ່າວCRI: ໂດຍໄດ້ຮັບການມອບໝາຍຈາກສູນກາງພັກກອມມູນິດຈີນ, ວັນທີ 16 ພະຈິກນີ້, ຄະນະແນວໂຮມເອກະພາບສູນກາງພັກກອມມູນິດຈີນໄດ້ຈັດກອງປະຊຸມ, ເພື່ອເຜີຍແຜ່ຈິດໃຈຂອງກອງປະຊຸມໃຫຍ່ຜູ້ແທນພັກທົ່ວປະເທດຄັ້ງທີ 18 ຂອງກອມມູນິດຈີນ ແລະ ກອງປະຊຸມຄົບຄະນະຄັ້ງທີ 1 ຂອງຄະນະກຳມະການສູນກາງພັກກອມມູນິດຈີນສະໄໝທີ 18 ຕໍ່ສູນກາງບັນດາພັກປະຊາທິປະໄຕ, ຜູ້ນຳສະຫະພັນອຸດສາຫະກຳການຄ້າທົ່ວປະເທດຈີນ ແລະ ບຸກຄົນບໍ່ສັງກັດພັກຝ່າຍໃດ.
ໃນກອງປະຊຸມ, ທ່ານຕູ້ຊີ່ງລີນ ເລຂາຄະນະເລຂາສູນກາງພັກກອມມູນິດຈີນຊີ້ອອກວ່າ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນທີ່ຈັດຂຶ້ນໃນໄລຍະຕັດສິນຊີ້ຂາດຂອງການສ້າງສາສັງຄົມອີ່ມໜຳສຳລານຮອບດ້ານຂຶ້ນມາໄດ້ເຕົ້າໂຮມສະຕິປັນຍາຂອງທົ່ວພັກ, ແບກຫາບຄວາມຮັບຜິດຊອບເພື່ອຄວາມຫວັງຂອງປະຊາຊົນ, ສະແດງໃຫ້ເຫັນເຖິງຄວາມຮັບຮູ້ຄືກັນທີ່ກວ້າງຂວາງທີ່ສຸດ, ແມ່ນກອງປະຊຸມໃຫຍ່ເທື່ອໜຶ່ງທີ່ເຊີດຊູຄັນທຸງໃຫ້ສູງ, ສືບທອດພາລະກິດຂອງຄົນລຸ້ນກ່ອນແລະບຸກເບີກເສັ້ນທາງພັດທະນາໃນອະນາຄົດ,ສາມັກຄີເປັນປຶກແຜ່ນດຽວກັນແລະບືນຕົວກ້າວໄປໜ້າ.
ທ່ານຕູ້ຊີ່ງລີນກ່າວເນັ້ນວ່າ, ແນວໂຮມເອກກະພາບຕ້ອງເຕົ້າໂຮມສະຕິປັນຍາ ແລະ ກຳລັງວັງຊາເຂົ້າໃນການເຮັດຫຼ້ອນໜ້າທີ່ຕ່າງໆທີ່ລະບຸໄວ້ໃນກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 18, ນຳພາສະມາຊິກອັນໄພສານຕັ້ງໜ້າເຂົ້າຮ່ວມພຶດຕິກຳຂອງການສ້າງສາສັງຄົມທີ່ອີ່ມໜຳສຳລານຮອບດ້ານຂຶ້ນມາ, ຮ່ວມກັນສຸມໃສ່ພັດທະນາປະຊາທິປະໄຕປະຊາຊົນທີ່ຍິ່ງກວ້າງຂວາງກວ່າເກົ່າ,ຍິ່ງເຕັມທີ່ເກົ່າກວ່າ ລະ ຍິ່ງສົມບູນກວ່າເກົ່າ, ເພີ່ມທະວີການກໍ່ສ້າງຖັນແຖວບຸກຄົນຜູ້ຕາງໜ້າທີ່ບໍ່ແມ່ນສະມາຊິກພັກກອມມູນິດຈີນ, ພະຍາຍາມຊຸກຍູ້ໃຫ້ການພົວພັນລະຫວ່າງພັກການເມືອງ, ການພົວພັນລະຫວ່າງຊົນເຜົ່າ, ການພົວພັນລະຫວ່າງສາດສະໜາ, ການພົວພັນລະຫວ່າງຊັ້ນຄົນຕ່າງໆ ແລະ ການພົວພັນລະຫວ່າງພີ່ນ້ອງຮ່ວມຊາດພາຍໃນ ແລະ ຕ່າງປະເທດມີຄວາມກົມກຽວປອງດອງກັນ, ເພື່ອບັນລຸໃຫ້ພາລະກິດແນວໂຮມເອກກະພາບໄດ້ຮັບການພັດທະນາຢ່າງຕໍ່ເນື່ອງ ແລະ ປອດໃສ.
