ກຳປັ່ນລາດຕະເວນຂະໜາດໃຫຍ່ຂອງຈີນຈະສາມາດຮັບມືກັບກຳປັ່ນຍີ່ປຸ່ນແລ່ນມາຕຳຢູ່ເຂດທະເລຕ້ຽວອີຢ່າງບັງເກີດຜົນ
ຫວ່າງບໍ່ດົນມານີ້,ກຳປັ່ນລາດຕະເວນລະດັບ 3 ພັນໂຕນສອງລຳໄດ້ສ້າງສຳເລັດແລະເລິ່ມເຂົ້າຮ່ວມການລາດຕະເວນທະເລຂອງຈີນ,ໂດຍຈະໄປລາດຕະເວນເປັນປະຈຳເພື່ອປົກປ້ອງອະທິປະໄຕຢູ່ເຂດທະເລຕາເວັນອອກ ແລະ ເຂດທະເລເຫຼືອງ. ຜູ້ຊ່ຽວຊານກ່າວວ່າ, ການນຳໃຊ້ກຳປັ່ນລາດຕະເວນລະດັບ 3 ພັນໂຕນສອງລຳນີ້,ໄດ້ຍົກສູງຄວາມສາມາດຕິດຕາມກວດກາ ແລະ ປະຕິບັດກົດໝາຍເທິງທະເລຂອງຈີນໂດຍລວມ, ແລະຈະສາມາດຮັບມືກັບສະພາບທີ່ກຳປັ່ນຍີ່ປຸ່ນແລ່ນມາຕຳຢູ່ເຂດທະເລເກາະຕ້ຽວອີຢ່າງບັງເກີດຜົນໃນອະນາຄົດ.
ແຕ່ກ່ອນ, ຂະໜາດກຳປັ່ນລາດຕະເວນຂອງຈີນລ້ວນແຕ່ຕ່ຳກວ່າລະດັບ1-2ພັນໂຕນ, ແມ່ນກຳປັ່ນລາດຕະເວນຂະໜາດອ່າວນ້ອຍ.
ໃນເວລາໃຫ້ສຳພາດຕໍ່ນັກຂ່າວCRI, ທ່ານລີເຈ໋ ນັກຄົ້ນຄວ້າສະຖາບັນຄົ້ນຄວ້າວິຊາການທະຫານຂອງກອງທັບເຮືອຈີນ, ຜູ້ຊ່ຽວຊານການທະຫານກ່າວວ່າ, ກຳປັ່ນລາດຕະເວນ 137 ແລະ ກຳປັ່ນລາດຕະເວນ 110 ເຊິ່ງເປັນກຳປັ່ນລາດຕະເວນລະດັບ 3 ພັນໂຕນສອງລຳເລິ່ມປະຕິບັດງານ, ໄດ້ຍົກສູງຄວາມສາມາດຕິດຕາມກວດກາ ແລະ ປະຕິບັດກົດໝາຍເທິງທະເລຂອງຈີນຕື່ມອີກ, ມີຄວາມໝາຍອັນສຳຄັນໃນການປົກປ້ອງສິດແລະຜົນປະໂຫຍດແຫ່ງຊາດທາງທະເລຢ່າງບັງເກີດຜົນ.
