ກອງປະຊຸມລັດຖະມົນຕີວ່າການກະຊວງການຕ່າງປະເທດອາຊຽນຈັດຂຶ້ນຢູ່ນະຄອນຫຼວງພະນົມເປັນ
(GMT+08:00) 2012-11-18 13:52:31 cri
ວັນທີ17ພະຈິກນີ້, ກອງປະຊຸມລັດຖະມົນຕີວ່າການກະຊວງານຕ່າງປະເທດອາຊຽນຈັດຂຶ້ນຢູ່ນະຄອນຫຼວງພະນົມເປັນຂອງກຳປູເຈຍ, ລັດຖະມົນຕີວ່າການກະຊວງການຕ່າງປະເທດຂອງປະເທດຕ່າງໆທີ່ຮ່ວມປະຊຸມໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບຫົວຂໍ້ຕ່າງໆ ເຊັ່ນ: ການລົງນາມໃນຄຳຖະແຫຼງການສິດທິມະນຸດຂອງອາຊຽນແລະອື່ນໆ.
ພາຍຫຼັງກອງປະຊຸມ, ທ່ານກາວກິມໂຮນ ເລຂາລັດຖະກິດກະຊວງການຕ່າງປະເທດແລະຮ່ວມມືສາກົນກຳປູເຈຍເປີດເຜີຍວ່າ, ລັດຖະມົນຕີວ່າການກະຊວງການຕ່າງປະເທດຂອງບັນດາປະເທດອາຊຽນຍັງຈະສືບຕໍ່ປຶກສາຫາລືກັນເພື່ອກ້າວເຖິງຂັ້ນມີຄວາມຮັບຮູ້ຄືກັນໃນການບັນລຸຫຼັກມາດຖານແຫ່ງການປະພຶດຂອງບັນດາຝ່າຍຢູ່ທະເລຈີນໃຕ້, ແລະຈະຕິດຕາມຄວາມຄືບໜ້າຂອງການປຶກສາຫາລືກັນ. ນອກນີ້, ໃນກອງປະຊຸມຄັ້ງນີ້, ອາຊຽນຈະຍົກການພົວພັນຄູ່ຮ່ວມກັບອາເມລິກາຂຶ້ນເປັນການພົວພັນຄູ່ຮ່ວມຍຸດທະສາດ.
ມື້ດຽວກັນ, ຢູ່ນະຄອນຫຼວງພະນົມເປັນຍັງຈະຈັດກອງປະຊຸມສະພາປະຊາຄົມການເມືອງແລະຄວາມໝັ້ນຄົງອາຊຽນ, ກອງປະຊຸມລັດຖະມົນຕີວ່າການກະຊວງເສດຖະກິດອາຊຽນ, ກອງປະຊຸມສະພາປະສານງານອາຊຽນ. ເບຼຊິນໄດ້ລົງນາມໃນອະນຸສັນຍາເຂົ້າຮ່ວມສົນທິສັນຍາໄມຕີຈິດແລະການຮ່ວມມືອາຊີຕາເວັນອອກສຽງໃຕ້.