ໄຂກອງປະຊຸມສຸດຍອດອາຊຽນຄັ້ງທີ21
(GMT+08:00) 2012-11-18 15:30:03 cri
ຕາມຂ່າວສານຊິນຮວາ, ຕອນເຊົ້າວັນທີ18ພະຈິກນີ້, ກອງປະຊຸມສຸດຍອດອາຊຽນຄັ້ງທີ21 ໄດ້ໄຂຂຶ້ນຢູ່ນະຄອນຫຼວງພະນົມເປັນຂອງກຳປູເຈຍ, ຜູ້ນຳຂອງ10ປະເທດອາຊຽນຈະສຸມໃສ່ປຶກສາຫາລືກ່ຽວກັບການລົງເລິກການຮ່ວມມືພາກພື້ນ, ຊຸກຍູ້ຂະບວນການເຊື່ອມໂຍງເຂົ້າກັນ, ຕັ້ງໜ້າຮັບມືກັບສິ່ງທ້າທາຍໃນຂອບເຂດທົ່ວໂລກຍ້ອນວິກິດການໜີ້ສິນເອີລົບແລະເສດຖະກິດໂລກອ່ອນເພຍ.
ໃນພິທີໄຂກອງປະຊຸມ, ທ່ານຮຸນເຊັນ ນາຍົກລັດຖະມົນຕີກຳປູເຈຍ ປະເທດປະທານໝູນວຽນອາຊຽນກ່າວຄຳປາໄສ, ໂດຍກ່າວວ່າ, ອາຊຽນໄດ້ຮັບຜົນສຳເລັດຢ່າງຫຼວງຫຼາຍໃນຂະບວນການພັດທະນາ45ປີ, ແລະໄດ້ຮັບຄວາມຄືບໜ້າໃຫຍ່ໃນຂະບວນການເຊື່ອມໂຍງເຂົ້າກັນ. ແຕ່ວ່າ, ປະຈຸບັນນີ້, ອາຊຽນພວມປະເຊີນໜ້າກັບສິ່ງທ້າທາຍທົ່ວໂລກແລະພາກພື້ນຫຼາຍຢ່າງ ເປັນຕົ້ນແມ່ນ: ເສດຖະກິດໂລກຟື້ນຕົວຊ້າ, ຈັງຫວະການເຕີບໂຕຂອງເສດຖະກິດປະເທດພວມພັດທະນາຊ້າລົງ, ສະຖານະການອາຊີຕາເວັນຕົກແລະອາຟຼິກາເໜືອບໍ່ໝັ້ນຄົງ, ຄວາມປອດໄພດ້ານພະລັງງານ, ການປ່ຽນແປງຂອງດິນຟ້າອາກາດແລະໄພທຳມະຊາດ. ກອງປະຊຸມຄັ້ງນີ້ໄດ້ເປັນເວທີທີ່ດີເພື່ອຊຸກຍູ້ຂະບວນການເຊື່ອມໂຍງເຂົ້າກັນອາຊຽນ, ເພີ່ມທະວີຖານະບົດບາດຂອງອາຊຽນຕື່ມອີກແລະປົກປັກຮັກສາສັນຕິພາບແລະການພັດທະນາຂອງພາກພື້ນ.
ທ່ານຮຸນເຊັນຍັງໄດ້ກ່າວເນັ້ນເຖິງຄວາມສຳຄັນທີ່ສ້າງສຳເລັດປະຊາຄົມເສດຖະກິດອາຊຽນໃນປີ2015ຕາມເວລາກຳນົດ.
ໃນພິທີໄຂກອງປະຊຸມ, ຜູ້ນຳອາຊຽນຍັງໄດ້ຮ່ວມກັນລິເລີ່ມອົງການສັນຕິພາບແລະປອງດອງກັນ ທີ່ມີຈຸດປະສົງປົກປັກຮັກສາສັນຕິພາບແລະສະຖຽນລະພາບຂອງພາກພື້ນອາຊຽນ.
ໃນພິທີໄຂກອງປະຊຸມ, ທ່ານຮຸນເຊັນ ນາຍົກລັດຖະມົນຕີກຳປູເຈຍ ປະເທດປະທານໝູນວຽນອາຊຽນກ່າວຄຳປາໄສ, ໂດຍກ່າວວ່າ, ອາຊຽນໄດ້ຮັບຜົນສຳເລັດຢ່າງຫຼວງຫຼາຍໃນຂະບວນການພັດທະນາ45ປີ, ແລະໄດ້ຮັບຄວາມຄືບໜ້າໃຫຍ່ໃນຂະບວນການເຊື່ອມໂຍງເຂົ້າກັນ. ແຕ່ວ່າ, ປະຈຸບັນນີ້, ອາຊຽນພວມປະເຊີນໜ້າກັບສິ່ງທ້າທາຍທົ່ວໂລກແລະພາກພື້ນຫຼາຍຢ່າງ ເປັນຕົ້ນແມ່ນ: ເສດຖະກິດໂລກຟື້ນຕົວຊ້າ, ຈັງຫວະການເຕີບໂຕຂອງເສດຖະກິດປະເທດພວມພັດທະນາຊ້າລົງ, ສະຖານະການອາຊີຕາເວັນຕົກແລະອາຟຼິກາເໜືອບໍ່ໝັ້ນຄົງ, ຄວາມປອດໄພດ້ານພະລັງງານ, ການປ່ຽນແປງຂອງດິນຟ້າອາກາດແລະໄພທຳມະຊາດ. ກອງປະຊຸມຄັ້ງນີ້ໄດ້ເປັນເວທີທີ່ດີເພື່ອຊຸກຍູ້ຂະບວນການເຊື່ອມໂຍງເຂົ້າກັນອາຊຽນ, ເພີ່ມທະວີຖານະບົດບາດຂອງອາຊຽນຕື່ມອີກແລະປົກປັກຮັກສາສັນຕິພາບແລະການພັດທະນາຂອງພາກພື້ນ.
ທ່ານຮຸນເຊັນຍັງໄດ້ກ່າວເນັ້ນເຖິງຄວາມສຳຄັນທີ່ສ້າງສຳເລັດປະຊາຄົມເສດຖະກິດອາຊຽນໃນປີ2015ຕາມເວລາກຳນົດ.
ໃນພິທີໄຂກອງປະຊຸມ, ຜູ້ນຳອາຊຽນຍັງໄດ້ຮ່ວມກັນລິເລີ່ມອົງການສັນຕິພາບແລະປອງດອງກັນ ທີ່ມີຈຸດປະສົງປົກປັກຮັກສາສັນຕິພາບແລະສະຖຽນລະພາບຂອງພາກພື້ນອາຊຽນ.
