ຜູ້ນຳປະເທດ,ພັກການເມືອງພ້ອມດ້ວຍສະມາຄົມມິດຕະພາບຈຳນວນໜຶ່ງສົ່ງໂທລະເລກແລະສານອວຍພອນເພື່ອຊົມເຊີຍຢ່າງສຸດໃຈຕໍ່ທ່ານສີຈິ້ນຜິງທີ່ໄດ້ຮັບເລືອກຕັ້ງເປັນເລຂາທິການໃຫຍ່ສູນກາງພັກກອມມູນິດຈີນ
(GMT+08:00) 2012-11-19 14:22:14 cri
ຕາມຂ່າວສານຊິນຮວາລາຍງານວ່າ:ຫວ່າງມໍ່ໆມານີ້,ຜູ້ນຳຂອງປະເທດແລະພັກການເມືອງພ້ອມດ້ວຍສະມາຄົມມິດຕະພາບຈຳນວນໜຶ່ງໄດ້ສົ່ງໂທລະເລກແລະສານອວຍພອນໄປຍັງທ່ານສີຈິ້ນຜິງເພື່ອຊົມເຊີຍຢ່າງສຸດໃຈຕໍ່ທ່ານທີ່ໄດ້ຮັບເລືອກຕັ້ງເປັນເລຂາທິການໃຫຍ່ຄະນະກຳມະການສູນກາງສະໄໝທີ18ຂອງພັກກອມມູນິດຈີນ.
ໃນສານອວຍພອນຂອງທ່ານຟຼັ່ງຊົວ ອອນລອງ ປະທານາທິບໍດີຝະຣັ່ງຂຽນວ່າ:ຂ້າພະເຈົ້າຂໍສະແດງຄວາມຊົມເຊີຍຢ່າງສຸດໃຈຕໍ່ທ່ານທີ່ໄດ້ຮັບການເລືອກຕັ້ງເປັນເລຂາທິການໃຫຍ່ສູນກາງພັກກອມມູນິດຈີນ.ຂ້າພະເຈົ້າຄອງຄອຍຈະຮ່ວມກັບທ່ານທຳຄວາມພະຍາຍາມບົນຈິດໃຈ"ໄວ້ເນື້ອເຊື່ອໃຈກັນແລະຫັນໜ້າໄປສູ່ອະນາຄົດ"ແລະຢູ່ພາຍໃຕ້ຂອບການພົວພັນຄູ່ຮ່ວມມືຍຸດທະສາດຮອບດ້ານຝະຣັ່ງ-ຈີນ,ລົງເລິກການຂະຫຍາຍການພົວພັນລະຫວ່າງສອງປະເທດຕື່ມອີກ.ມິດຕະພາບລະຫວ່າງຝະຣັ່ງກັບຈີນມີປະຫວັດອັນຍາວນານ,ການພົວພັນຄູ່ຮ່ວມມືລະຫວ່າງສອງປະເທດມີບົດບາດການນຳພາ.ພວກຂ້າພະເຈົ້າຈະສະເຫຼີມສະຫຼອງສອງປະເທດສ້າງຕັ້ງສາຍພົວພັນທາງການທູດຄົບຮອບ50ປີໃນປີ2014,ຊຶ່ງເປັນເຫດການໃຫຍ່ໃນການພົວພັນລະຫວ່າງສອງປະເທດ,ແລະຈະອຳນວຍໂອກາດຫຼາຍກວ່າເກົ່າໃຫ້ແກ່ການຮັດແໜ້ນການພົວພັນແລະການຮ່ວມມືລະຫວ່າງສອງຝ່າຍໃຫ້ແໜ້ນແຟ້ນຕື່ມອີກ.
ໃນສານອວຍພອນຂອງທ່ານຄານາຣ໌ ປະທານພັກກອມມູນິດເນປານ,ອະດີດນາຍົກລັດຖະມົນຕີເນປານໄດ້ຂຽນວ່າ:ຫວັງວ່າພາຍໃຕ້ການນຳພາຂອງທ່ານ,ພັກກອມມູນິດຈີນຈະສືບຕໍ່ນຳພາປະຊາຊົນທົ່ວປະເທດພັດທະນາເສດຖະກິດຕະຫຼາດສັງຄົມນິຍົມ,ສ້າງປະເທດຈີນໃຫ້ກາຍເປັນປະເທດທີ່ຈະເລີນຮຸ່ງເຮືອງ,ມີກຳລັງຕົວຈິງອັນເຂັ້ມແຂງໃນດ້ານວັດທະນະທຳ.ພວກຂ້າພະເຈົ້າດີໃຈຫຼາຍທີ່ໄດ້ເຫັນວ່າ,ເຖິງວ່າຈີນໄດ້ກາຍເປັນປະເທດເຂັ້ມແຂງໃນໂລກແລ້ວກໍ່ຕາມ,ແຕ່ຍັງຍຶດໝັ້ນປະຕິບັດນະໂຍບາຍການພັດທະນາໂດຍສັນຕິ,ຄັດຄ້ານລັດທິມະຫາອຳນາດທຸກຮູບແບບ.
ໃນສານອວຍພອນຂອງທ່ານດາອີຊາຄຸ ອິເຄດະ ປະທານກິດຕິມະສັກຂອງສະມາຄົມໂຊຄະ ກັກຄາອິ ຍີ່ປຸ່ນໄດ້ສະແດງຄວາມຊົມເຊີຍຢ່າງຈິງໃຈຕໍ່ກອງປະຊຸມໃຫຍ່ຄັ້ງທີ18ຂອງພັກກອມມູນິດຈີນໄດ້ອັດລົງດ້ວຍຜົນສຳເລັດຢ່າງຈົບງາມແລະທ່ານສີຈິ້ນຜິງທີ່ໄດ້ຮັບການເລືອກຕັ້ງເປັນເລຂາທິການໃຫຍ່ສູນກາງພັກກອມມູນິດຈີນ.ສາຍອວຍພອນຂຽນວ່າ:ຈີນຈະມີບົດບາດສຳຄັນກວ່າເກົ່າໃນປະຊາຄົມໂລກ,ມິດຕະພາບຍີ່ປຸ່ນຈີນແມ່ນຂໍກະແຈໃນການປົກປັກຮັກສາສັນຕິພາບແລະສະຖຽນລະພາບຂອງອາຊີກໍ່ຄືຂອງໂລກ.ພວກຂ້າພະເຈົ້າຕັດສິນໃຈຈະຮ່ວມມືກັບຈີນ,ລົງເລິກການແລກປ່ຽນໃນຂົງເຂດຕ່າງໆເປັນຕົ້ນແມ່ນວັດທະນະທຳແລະການສຶກສາຢ່າງກວ້າງຂວາງ.
ໃນສານອວຍພອນຂອງທ່ານໂຄໂຄໄລ ຫົວໜ້າທີ່ປຶກສາການເມືອງຂອງປະທານາທິບໍດີມຽນມາ,ປະທານສູນຄົ້ນຄວ້າຍຸດທະສາດກັບສາກົນຂອງສະຖາບັນຄົ້ນຄວ້າຊັບພະຍາກອນການພັດທະນາມຽນມາໄດ້ຂຽນວ່າ: ພວກຂ້າພະເຈົ້າເຊື່ອໝັ້ນວ່າ,ພາຍໃຕ້ການນຳພາຂອງຄະນະນຳຊຸດໃໝ່ຂອງພັກອມມູນິດຈີນໂດຍມີທ່ານສີຈິ້ນຜິງເປັນເລຂາທິການໃຫຍ່,ພັກກອມມູນິດຈີນຈະນຳພາຈີນແລະປະຊາຊົນຈີນບັນລຸການພັດທະນາແບບຍືນຍົງ,ແລະໄດ້ຮັບຜົນສຳເລັດທີ່ສະຫງ່າລາສີກວ່າເກົ່າຢູ່ບົນເສັ້ນທາງອັນຖືກຕ້ອງທີ່ດຳເນີນການປະຕິຮູບແລະໄຂປະຕູສູ່ໂລກພາຍນອກ.
ໃນສານອວຍພອນຂອງທ່ານຟຼັ່ງຊົວ ອອນລອງ ປະທານາທິບໍດີຝະຣັ່ງຂຽນວ່າ:ຂ້າພະເຈົ້າຂໍສະແດງຄວາມຊົມເຊີຍຢ່າງສຸດໃຈຕໍ່ທ່ານທີ່ໄດ້ຮັບການເລືອກຕັ້ງເປັນເລຂາທິການໃຫຍ່ສູນກາງພັກກອມມູນິດຈີນ.ຂ້າພະເຈົ້າຄອງຄອຍຈະຮ່ວມກັບທ່ານທຳຄວາມພະຍາຍາມບົນຈິດໃຈ"ໄວ້ເນື້ອເຊື່ອໃຈກັນແລະຫັນໜ້າໄປສູ່ອະນາຄົດ"ແລະຢູ່ພາຍໃຕ້ຂອບການພົວພັນຄູ່ຮ່ວມມືຍຸດທະສາດຮອບດ້ານຝະຣັ່ງ-ຈີນ,ລົງເລິກການຂະຫຍາຍການພົວພັນລະຫວ່າງສອງປະເທດຕື່ມອີກ.ມິດຕະພາບລະຫວ່າງຝະຣັ່ງກັບຈີນມີປະຫວັດອັນຍາວນານ,ການພົວພັນຄູ່ຮ່ວມມືລະຫວ່າງສອງປະເທດມີບົດບາດການນຳພາ.ພວກຂ້າພະເຈົ້າຈະສະເຫຼີມສະຫຼອງສອງປະເທດສ້າງຕັ້ງສາຍພົວພັນທາງການທູດຄົບຮອບ50ປີໃນປີ2014,ຊຶ່ງເປັນເຫດການໃຫຍ່ໃນການພົວພັນລະຫວ່າງສອງປະເທດ,ແລະຈະອຳນວຍໂອກາດຫຼາຍກວ່າເກົ່າໃຫ້ແກ່ການຮັດແໜ້ນການພົວພັນແລະການຮ່ວມມືລະຫວ່າງສອງຝ່າຍໃຫ້ແໜ້ນແຟ້ນຕື່ມອີກ.
ໃນສານອວຍພອນຂອງທ່ານຄານາຣ໌ ປະທານພັກກອມມູນິດເນປານ,ອະດີດນາຍົກລັດຖະມົນຕີເນປານໄດ້ຂຽນວ່າ:ຫວັງວ່າພາຍໃຕ້ການນຳພາຂອງທ່ານ,ພັກກອມມູນິດຈີນຈະສືບຕໍ່ນຳພາປະຊາຊົນທົ່ວປະເທດພັດທະນາເສດຖະກິດຕະຫຼາດສັງຄົມນິຍົມ,ສ້າງປະເທດຈີນໃຫ້ກາຍເປັນປະເທດທີ່ຈະເລີນຮຸ່ງເຮືອງ,ມີກຳລັງຕົວຈິງອັນເຂັ້ມແຂງໃນດ້ານວັດທະນະທຳ.ພວກຂ້າພະເຈົ້າດີໃຈຫຼາຍທີ່ໄດ້ເຫັນວ່າ,ເຖິງວ່າຈີນໄດ້ກາຍເປັນປະເທດເຂັ້ມແຂງໃນໂລກແລ້ວກໍ່ຕາມ,ແຕ່ຍັງຍຶດໝັ້ນປະຕິບັດນະໂຍບາຍການພັດທະນາໂດຍສັນຕິ,ຄັດຄ້ານລັດທິມະຫາອຳນາດທຸກຮູບແບບ.
ໃນສານອວຍພອນຂອງທ່ານດາອີຊາຄຸ ອິເຄດະ ປະທານກິດຕິມະສັກຂອງສະມາຄົມໂຊຄະ ກັກຄາອິ ຍີ່ປຸ່ນໄດ້ສະແດງຄວາມຊົມເຊີຍຢ່າງຈິງໃຈຕໍ່ກອງປະຊຸມໃຫຍ່ຄັ້ງທີ18ຂອງພັກກອມມູນິດຈີນໄດ້ອັດລົງດ້ວຍຜົນສຳເລັດຢ່າງຈົບງາມແລະທ່ານສີຈິ້ນຜິງທີ່ໄດ້ຮັບການເລືອກຕັ້ງເປັນເລຂາທິການໃຫຍ່ສູນກາງພັກກອມມູນິດຈີນ.ສາຍອວຍພອນຂຽນວ່າ:ຈີນຈະມີບົດບາດສຳຄັນກວ່າເກົ່າໃນປະຊາຄົມໂລກ,ມິດຕະພາບຍີ່ປຸ່ນຈີນແມ່ນຂໍກະແຈໃນການປົກປັກຮັກສາສັນຕິພາບແລະສະຖຽນລະພາບຂອງອາຊີກໍ່ຄືຂອງໂລກ.ພວກຂ້າພະເຈົ້າຕັດສິນໃຈຈະຮ່ວມມືກັບຈີນ,ລົງເລິກການແລກປ່ຽນໃນຂົງເຂດຕ່າງໆເປັນຕົ້ນແມ່ນວັດທະນະທຳແລະການສຶກສາຢ່າງກວ້າງຂວາງ.
ໃນສານອວຍພອນຂອງທ່ານໂຄໂຄໄລ ຫົວໜ້າທີ່ປຶກສາການເມືອງຂອງປະທານາທິບໍດີມຽນມາ,ປະທານສູນຄົ້ນຄວ້າຍຸດທະສາດກັບສາກົນຂອງສະຖາບັນຄົ້ນຄວ້າຊັບພະຍາກອນການພັດທະນາມຽນມາໄດ້ຂຽນວ່າ: ພວກຂ້າພະເຈົ້າເຊື່ອໝັ້ນວ່າ,ພາຍໃຕ້ການນຳພາຂອງຄະນະນຳຊຸດໃໝ່ຂອງພັກອມມູນິດຈີນໂດຍມີທ່ານສີຈິ້ນຜິງເປັນເລຂາທິການໃຫຍ່,ພັກກອມມູນິດຈີນຈະນຳພາຈີນແລະປະຊາຊົນຈີນບັນລຸການພັດທະນາແບບຍືນຍົງ,ແລະໄດ້ຮັບຜົນສຳເລັດທີ່ສະຫງ່າລາສີກວ່າເກົ່າຢູ່ບົນເສັ້ນທາງອັນຖືກຕ້ອງທີ່ດຳເນີນການປະຕິຮູບແລະໄຂປະຕູສູ່ໂລກພາຍນອກ.
