ໄຂກອງປະຊຸມຄະນະກຳມະການປະຈຳສະພາປຶກສາການເມືອງປະຊາຊົນຈີນ ທ່ານຫຼິວຢຸນຊ່ານກ່າວບົດລາຍງານກ່ຽວກັບສະພາບຂອງການດຳເນີນກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນ
ຕາມຂ່າວCRI:ວັນທີ 19 ພະຈິກນີ້,ທ່ານເຈຍຊີ້ງລີນ,ປະທານສະພາປຶກສາການເມືອງປະຊາຊົນຈີນໄດ້ເປັນປະທານກອງປະຊຸມຄະນະກຳມະການປະຈຳສະພາປຶກສາການເມືອງປະຊາຊົນຈີນຄັ້ງທີ 19,ທ່ານຫຼິວຢຸນຊ່ານ,ກຳມະການປະຈຳກົມການເມືອງສູນກາງພັກ,ເລຂາທິການຄະນະເລຂາທິການສູນກາງພັກກອມມູນິດຈີນໄດ້ກ່າວບົດລາຍງານເພື່ອແຈ້ງສະພາບແລະເນື້ອໃນຈິດໃຈຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນໃຫ້ບັນດາທ່ານກຳມະການປະຈຳສະພາປຶກສາການເມືອງຊາບ.
ທ່ານເຈຍຊີ້ງລີນຊີ້ອອກວ່າ:ການຄົ້ນຄວ້າເຊື່ອມຊຶມແລະປະຕິບັດຕາມເນື້ອໃນຈິດໃຈຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນໃຫ້ດີ,ທຳຄວາມພະຍາຍາມບຸກບືນສູ້ຊົນເພື່ອບັນລຸເປົ້າໝາຍແລະສຳເລັດໜ້າທີ່ວຽກງານທີ່ກອງປະຊຸມໃຫຍ່ຄັ້ງທີ 18 ໄດ້ກຳນົດໄວ້,ແມ່ນໜ້າທີ່ການເມືອງທີ່ສຳຄັນທີ່ສຸດໃນປະຈຸບັນແລະໄລຍະຕໍ່ໜ້າ,ມັນແມ່ນໜ້າທີ່ການເມືອງທີ່ສຳຄັນຂອງສະພາປຶກສາການເມືອງປະຊາຊົນຈີນ.
ໃນບົດລາຍງານຂອງທ່ານຫຼິວຢຸນຊ່ານຊີ້ອອກວ່າ:ບົດລາຍງານທີ່ທ່ານຫູຈີນທ່າວຕາງໜ້າຄະນະກຳມະການສູນກາງພັກກອມມູນິດຈີນສະໄໝທີ 17 ກ່າວໃນກອງປະຊຸມໃຫຍ່ຄັ້ງທີ 18 ນັ້ນ,ໄດ້ສ່ອງແສງໃຫ້ເຫັນຄວາມຮຽກຮ້ອງຕ້ອງການຂອງຍຸກສະໄໝແລະຄວາມປາຖະໜາອັນແຮງກ້າຂອງປະຊາຊົນ,ແມ່ນໂຄງການດຳເນີນງານທີ່ຊຸກຍູ້ພາລະກິດຂອງພັກແລະປະເທດຊາດໃຫ້ມີການພັດທະນາແລະຍາດເອົາໄຊຊະນະໃໝ່ໃນການສ້າງສາສັງຄົມນິຍົມທີ່ມີສີສັນພິເສດຂອງຈີນ.ກົດລະບຽບພັກກອມມູນິດຈີນສະບັບດັດແກ້ທີ່ໄດ້ຮັບການພິຈາລະນາຮັບຮອງໃນກອງປະຊຸມໃຫຍ່ຄັ້ງທີ 18 ຈະເສີມຂະຫຍາຍບົດບາດການນຳພາແລະເປັນແບບຢ່າງທີ່ດີກວ່າເກົ່າໃນວຽກງານແລະການສ້າງສາຂອງພັກ.ຄະນະການນຳສູນກາງພັກກອມມູນິດຈີນຊຸດໃໝ່ທີ່ມີທ່ານສີຈິ້ນຜິງເປັນເລຂາທິການໃຫຍ່ເຊິ່ງໄດ້ຮັບການເລືອກຕັ້ງໃນກອງປະຊຸມໃຫຍ່ຄັ້ງທີ 18 ແລະກອງປະຊຸມຄົບຄະນະຄັ້ງທຳອິດຂອງຄະນະກຳມະການສູນກາງພັກກອມມູນິດຈີນສະໄໝທີ 18 ນັ້ນໄດ້ຮັບຄວາມໄວ້ເນື້ອເຊື່ອໃຈຢ່າງເລິກເຊິ່ງຈາກປະຊາຊົນທົ່ວປະເທດ,ແລະໄດ້ຮັບການສະໜັບສະໜູນແລະຄວາມໄວ້ເນື້ອເຊື່ອໃຈຢ່າງເລິກເຊິ່ງຈາກສະມາຊິກພັກກອມມູນິດຈີນທັງໝົດ.
(ທ່ານຫຼິວຢຸນຊ່ານກ່າວບົດລາຍງານ)
