ຈີນຕອບຮັບໂຄງຮ່າງການແຂ່ງຂັນເລືອກຕັ້ງຂອງພັກເສລີປະຊາທິປະໄຕຍີ່ປຸ່ນ ຫວັງໃຫ້ຍີ່ປຸ່ນທົບທວນຄືນປະຫວັດສາດ
(GMT+08:00) 2012-11-23 11:59:58 cri
ຕາມຂ່າວCRI:ໂດຍແນໃສ່ພັກເສລີປະຊາທິປະໄຕຍີ່ປຸ່ນໄດ້ປະກາດໂຄງຮ່າງການແຂ່ງຂັນເລືອກຕັ້ງຂອງຕົນໃນວັນທີ 21 ພະຈິກນີ້ໂດຍສະເໜີວ່າຈະເພີ່ມຄ່າໃຊ້ຈ່າຍທາງການທະຫານ,ແລະຖືຈຸດຢືນທີ່ເຂັ້ມແຂງຕໍ່ຈີນໃນບັນຫາເກາະຕ້ຽວອີ,ວັນທີ 22 ພະຈິກນີ້,ຢູ່ທີ່ປັກກິ່ງ,ທ່ານນາງຮວ້າຊຸ່ນຢີງ,ໂຄສົກກະຊວງການຕ່າງປະເທດຈີນກ່າວວ່າ:ຍ້ອນເຫດການທາງປະຫວັດສາດ,ການເຄື່ອນໄຫວຂອງຍີ່ປຸ່ນໃນຂົງເຂດຄວາມປອດໄພດ້ານການທະຫານເວົ້າສຳລັບປະຊາຊົນຂອງປະເທດທີ່ໄດ້ປະສົບເຄາະຮ້າຍຈາກສົງຄາມຢູ່ອາຊີແລ້ວແມ່ນບັນຫາທີ່ອ່ອນໄຫວທີ່ສຸດມາໂດຍຕະຫຼອດ.ຈີນຫວັງໃຫ້ຍີ່ປຸ່ນທົບທວນຄືນປະຫວັດສາດ,ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ,ແລະເສີມຂະຫຍາຍບົດບາດທີ່ມີລັກສະນະສ້າງສັນເພື່ອສັນຕິພາບ,ສະຖຽນລະພາບແລະການພັດທະນາຂອງພາກພື້ນນີ້.
ທ່ານນາງຮວ້າຊຸ່ນຢີງໃຫ້ທັດສະນະດັ່ງກ່າວໃນງານຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ 22 ພະຈິກນີ້.ນາງກ່າວຢ້ຳວ່າ:ເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງແມ່ນດິນແດນຂອງຈີນມາແຕ່ບູຮານນະການ,ທຸກຄວາມກົດດັນທີ່ມາຈາກພາຍນອກລ້ວນແຕ່ບໍ່ສາມາດປ່ຽນແປງຄວາມຕັ້ງໃຈແລະການຕັດສິນໃຈທີ່ເດັດດ່ຽວໜຽວແໜ້ນຂອງລັດຖະບານແລະປະຊາຊົນຈີນໃນການປົກປັກຮັກສາອະທິປະໄຕດິນແດນແຫ່ງຊາດໄດ້.
ວັນທີ 22 ພະຈິກນີ້,ລັດຖະບານຍີ່ປຸ່ນໄດ້ແຕ່ງຕັ້ງທ່ານກີເຕະ ມາຊາຮີໂຕະເປັນເອກອັກຄະລັດຖະທູດຍີ່ປຸ່ນປະຈຳຈີນຄົນໃໝ່ຢ່າງເປັນທາງການ.ກ່ຽວກັບເລື່ອງນີ້,ທ່ານນາງຮວ້າຊຸ່ນຢີງກ່າວວ່າ:ຈີນກຳລັງດຳເນີນວຽກງານປ່ຽນເອກອັກຄະລັດຖະທູດຍີ່ປຸ່ນປະຈຳຈີນຕາມທຳນຽມສາກົນແລະລະບຽບການທີ່ກ່ຽວຂ້ອງ.ຫວັງວ່າເອກອັກຄະລັດຖະທູດຍີ່ປຸນປະຈຳຈີນຄົນໃໝ່ຈະສາມາດເສີມຂະຫຍາຍບົດບາດອັນຕັ້ງໜ້າເພື່ອປັບປຸງການພົວພັນລະຫວ່າງຈີນກັບຍີ່ປຸ່ນໃຫ້ດີຂຶ້ນ.
ກ່ຽວກັບການເຈລະຈາໃນບັນຫາເຂດການຄ້າເສລີຈີນ,ຍີ່ປຸ່ນແລະສ.ເກົາຫຼີ,ທ່ານນາງຮວ້າຊຸ່ນຢີງກ່າວວ່າ:ຈີນ,ຍີ່ປຸ່ນແລະສ.ເກົາຫຼີລ້ວນແຕ່ແມ່ນອົງກອນເສດຖະກິດທີ່ສຳຄັນໃນໂລກ,ໃນປີ 2011,ຍອດປະລິມານເສດຖະກິດຂອງ 3 ປະເທດດັ່ງກ່າວໄດ້ກວມປະມານ 20% ຂອງຍອດປະລິມານໃນທົ່ວໂລກ.ການສ້າງເຂດການຄ້າເສລີລະຫວ່າງ 3 ປະເທດນັ້ນໄດ້ສ່ອງແສງໃຫ້ເຫັນຄວາມຮຽກຮ້ອງຕ້ອງການຕົວຈິງຂອງ 3 ປະເທດໃນການຮ່ວມມືດ້ານເສດຖະກິດການຄ້າ,ມີຄວາມໝາຍທີ່ເລິກເຊິ່ງຍາວໄກຕໍ່ການເພີ່ມທະວີການພົວພັນດ້ານເສດຖະກິດການຄ້າລະຫວ່າງ 3 ປະເທດແລະການຊຸກຍູ້ໃຫ້ເສດຖະກິດໃນພາກພື້ນອາຊີຕາເວັນອອກເຊື່ອມໂຍງເຂົ້າກັນ.
ທ່ານນາງຮວ້າຊຸ່ນຢີງໃຫ້ທັດສະນະດັ່ງກ່າວໃນງານຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນວັນທີ 22 ພະຈິກນີ້.ນາງກ່າວຢ້ຳວ່າ:ເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງແມ່ນດິນແດນຂອງຈີນມາແຕ່ບູຮານນະການ,ທຸກຄວາມກົດດັນທີ່ມາຈາກພາຍນອກລ້ວນແຕ່ບໍ່ສາມາດປ່ຽນແປງຄວາມຕັ້ງໃຈແລະການຕັດສິນໃຈທີ່ເດັດດ່ຽວໜຽວແໜ້ນຂອງລັດຖະບານແລະປະຊາຊົນຈີນໃນການປົກປັກຮັກສາອະທິປະໄຕດິນແດນແຫ່ງຊາດໄດ້.
ວັນທີ 22 ພະຈິກນີ້,ລັດຖະບານຍີ່ປຸ່ນໄດ້ແຕ່ງຕັ້ງທ່ານກີເຕະ ມາຊາຮີໂຕະເປັນເອກອັກຄະລັດຖະທູດຍີ່ປຸ່ນປະຈຳຈີນຄົນໃໝ່ຢ່າງເປັນທາງການ.ກ່ຽວກັບເລື່ອງນີ້,ທ່ານນາງຮວ້າຊຸ່ນຢີງກ່າວວ່າ:ຈີນກຳລັງດຳເນີນວຽກງານປ່ຽນເອກອັກຄະລັດຖະທູດຍີ່ປຸ່ນປະຈຳຈີນຕາມທຳນຽມສາກົນແລະລະບຽບການທີ່ກ່ຽວຂ້ອງ.ຫວັງວ່າເອກອັກຄະລັດຖະທູດຍີ່ປຸນປະຈຳຈີນຄົນໃໝ່ຈະສາມາດເສີມຂະຫຍາຍບົດບາດອັນຕັ້ງໜ້າເພື່ອປັບປຸງການພົວພັນລະຫວ່າງຈີນກັບຍີ່ປຸ່ນໃຫ້ດີຂຶ້ນ.
ກ່ຽວກັບການເຈລະຈາໃນບັນຫາເຂດການຄ້າເສລີຈີນ,ຍີ່ປຸ່ນແລະສ.ເກົາຫຼີ,ທ່ານນາງຮວ້າຊຸ່ນຢີງກ່າວວ່າ:ຈີນ,ຍີ່ປຸ່ນແລະສ.ເກົາຫຼີລ້ວນແຕ່ແມ່ນອົງກອນເສດຖະກິດທີ່ສຳຄັນໃນໂລກ,ໃນປີ 2011,ຍອດປະລິມານເສດຖະກິດຂອງ 3 ປະເທດດັ່ງກ່າວໄດ້ກວມປະມານ 20% ຂອງຍອດປະລິມານໃນທົ່ວໂລກ.ການສ້າງເຂດການຄ້າເສລີລະຫວ່າງ 3 ປະເທດນັ້ນໄດ້ສ່ອງແສງໃຫ້ເຫັນຄວາມຮຽກຮ້ອງຕ້ອງການຕົວຈິງຂອງ 3 ປະເທດໃນການຮ່ວມມືດ້ານເສດຖະກິດການຄ້າ,ມີຄວາມໝາຍທີ່ເລິກເຊິ່ງຍາວໄກຕໍ່ການເພີ່ມທະວີການພົວພັນດ້ານເສດຖະກິດການຄ້າລະຫວ່າງ 3 ປະເທດແລະການຊຸກຍູ້ໃຫ້ເສດຖະກິດໃນພາກພື້ນອາຊີຕາເວັນອອກເຊື່ອມໂຍງເຂົ້າກັນ.
