ການສ້າງປະຊາຄົມເສດຖະກິດໃຫ້ສຳເລັດຜົນກາຍເປັນເປົ້າໝາຍທີ່ສຳຄັນທີ່ສຸດຂອງອາຊຽນ
(GMT+08:00) 2012-11-27 16:18:05 cri
ຕາມຂ່າວຈາກໜັງສືພິມ《ປະຊາຊົນລາຍວັນ》:ໃນກອງປະຊຸມສຸດຍອດອາຊຽນຄັ້ງທີ 21 ທີ່ຫາກໍ່ສິ້ນສຸດລົງໃນອາທິດແລ້ວນີ້,ຜູ້ນຳບັນດາປະເທດອາຊຽນຕົກລົງເປັນເອກະພາບກັນວ່າ:ຕ້ອງສ້າງປະຊາຄົມອາຊຽນໃຫ້ສຳເລັດຜົນກ່ອນວັນທີ 31 ທັນວາປີ 2015. ປະຊາຄົມອາຊຽນລວມທັງເນື້ອໃນ 3 ດ້ານຄືເສດຖະກິດ,ສັງຄົມແລະວັດທະນະທຳ,ແຕ່ຜູ້ນຳບັນດາປະເທດອາຊຽນໄດ້ກຳນົດການສ້າງປະຊາຄົມເສດຖະກິດອາຊຽນຫຼື AEC ໃຫ້ສຳເລັດຜົນເປັນໜ້າທີ່ສຳຄັນທີ່ສຸດ.
ເນື່ອງຈາກວ່າບັນດາປະເທດອາຊຽນມີອົງປະກອບການເມືອງທີ່ແຕກຕ່າງກັນ,ລະດັບການພັດທະນາທາງດ້ານເສດຖະກິດກໍ່ບໍ່ດຸ່ນດ່ຽງກັນ,ພ້ອມກັນນັ້ນ,ຍັງມີກົດໝາຍແລະວັດທະນະທຳທີ່ຕ່າງກັນ,ສະນັ້ນ,ລະດັບການຊຸກຍູ້ການສ້າງ AEC ກໍ່ຈະຕ່າງກັນ.ຜົນການຄົ້ນຄວ້າຂອງສະຖາບັນຄົ້ນຄວ້າເສດຖະກິດອາຊີຕາເວັນອອກອາຊຽນສະແດງໃຫ້ເຫັນວ່າ:ປະຈຸບັນ,ຄວາມຄືບໜ້າໃນການຫັນເປັນເສລີທາງດ້ານການເງິນ,ເຕັກນິກຂໍ້ມູນຂ່າວສານແລະສື່ສານ,ການບິນ,ທຶນ,ແຮງງານ,ພະລັງງານແລະອື່ນໆຍັງຊັກຊ້າຢູ່.
ການພິຈາລະນາໄລຍະກາງຕໍ່《ແຜນການສ້າງປະຊາຄົມເສດຖະກິດອາຊຽນ》ທີ່ສະເໜີໂດຍກອງເລຂາອາຊຽນສະແດງໃຫ້ເຫັນວ່າ:ປະຈຸບັນ,ລະຫວ່າງສິງກະໂປ,ມະເລເຊຍ,ອິນໂດເນເຊຍ,ບຣູໄນ,ຟີລິບປິນແລະໄທໄດ້ຍົກເລີກພາສີ 99,65%,ພາສີສະເລ່ຍລະຫວ່າງກຳປູເຈຍ,ລາວ,ມຽນມາແລະຫວຽດນາມກໍ່ໄດ້ຫຼຸດລົງເຖິງ 2,6%. ໃນເດືອນສິງຫາປີນີ້,ທ່ານສຸຣິນ ພິດສຸວັນ,ເລຂາທິການໃຫຍ່ອາຊຽນກ່າວວ່າ:ອາຊຽນກຳລັງພະຍາຍາມກ້າວໄປສູ່ເປົ້າໝາຍ AEC,ການເຊື່ອມໂຍງດ້ານເສດຖະກິດໃນພາກພື້ນກຳລັງກ້າວສູ່ລວງເລິກຢ່າງບໍ່ຢຸດຢັ້ງ.
ຕາມຄາດໝາຍ,ພາຍຫຼັງສຳເລັດການສ້າງຕັ້ງ AEC ແລ້ວ,ອາຊຽນຈະເກີດມີຕະຫຼາດແລະແຫຼ່ງຜະລິດທີ່ເປັນເອກະພາບກັນ.ສິນຄ້າ,ການບໍລິການ,ການລົງທຶນແລະແຮງງານເຕັກນິກຈະຈໍລະຈອນຢ່າງເສລີຢູ່ລະຫວ່າງບັນດາປະເທດສະມາຊິກອາຊຽນ,ການຈໍລະຈອນດ້ານເງິນທຶນກໍ່ຈະມີຄວາມເສລີຫຼາຍກວ່າເກົ່າ,ອາຊຽນຈະມີກຳລັງແຂ່ງຂັນທີ່ເຂັ້ມແຂງກວ່າເກົ່າໃນການແຂ່ງຂັນໃນທົ່ວໂລກ.
ປະຈຸບັນ,ມີການວິເຄາະເຫັນວ່າ:ຄາດວ່າ,ພາຍໃນອາຊຽນຈະຈໍ່ຕົວມີສອງລະດັບຄືອ່າວພັດທະນາແລະດ້ອຍພັດທະນາ.ສ່ວນຜົນປະໂຫຍດໃຫຍ່ທີ່ສຸດທີ່ AEC ຈະນຳເອົາມາໃນອະນາຄົດນັ້ນອາດຈະແມ່ນ,ສ້າງການພົວພັນແລກປ່ຽນແລະຊ່ວຍເຫຼືອກັນທີ່ແໜ້ນແຟ້ນກວ່າເກົ່າລະຫວ່າງສອງລະດັບນີ້,ເຮັດໃຫ້ປະເທດທີ່ຢູ່ໃນສອງລະດັບນີ້ລ້ວນແຕ່ສາມາດໄດ້ຮັບຜົນປະໂຫຍດຮ່ວມກັນ.
ເນື່ອງຈາກວ່າບັນດາປະເທດອາຊຽນມີອົງປະກອບການເມືອງທີ່ແຕກຕ່າງກັນ,ລະດັບການພັດທະນາທາງດ້ານເສດຖະກິດກໍ່ບໍ່ດຸ່ນດ່ຽງກັນ,ພ້ອມກັນນັ້ນ,ຍັງມີກົດໝາຍແລະວັດທະນະທຳທີ່ຕ່າງກັນ,ສະນັ້ນ,ລະດັບການຊຸກຍູ້ການສ້າງ AEC ກໍ່ຈະຕ່າງກັນ.ຜົນການຄົ້ນຄວ້າຂອງສະຖາບັນຄົ້ນຄວ້າເສດຖະກິດອາຊີຕາເວັນອອກອາຊຽນສະແດງໃຫ້ເຫັນວ່າ:ປະຈຸບັນ,ຄວາມຄືບໜ້າໃນການຫັນເປັນເສລີທາງດ້ານການເງິນ,ເຕັກນິກຂໍ້ມູນຂ່າວສານແລະສື່ສານ,ການບິນ,ທຶນ,ແຮງງານ,ພະລັງງານແລະອື່ນໆຍັງຊັກຊ້າຢູ່.
ການພິຈາລະນາໄລຍະກາງຕໍ່《ແຜນການສ້າງປະຊາຄົມເສດຖະກິດອາຊຽນ》ທີ່ສະເໜີໂດຍກອງເລຂາອາຊຽນສະແດງໃຫ້ເຫັນວ່າ:ປະຈຸບັນ,ລະຫວ່າງສິງກະໂປ,ມະເລເຊຍ,ອິນໂດເນເຊຍ,ບຣູໄນ,ຟີລິບປິນແລະໄທໄດ້ຍົກເລີກພາສີ 99,65%,ພາສີສະເລ່ຍລະຫວ່າງກຳປູເຈຍ,ລາວ,ມຽນມາແລະຫວຽດນາມກໍ່ໄດ້ຫຼຸດລົງເຖິງ 2,6%. ໃນເດືອນສິງຫາປີນີ້,ທ່ານສຸຣິນ ພິດສຸວັນ,ເລຂາທິການໃຫຍ່ອາຊຽນກ່າວວ່າ:ອາຊຽນກຳລັງພະຍາຍາມກ້າວໄປສູ່ເປົ້າໝາຍ AEC,ການເຊື່ອມໂຍງດ້ານເສດຖະກິດໃນພາກພື້ນກຳລັງກ້າວສູ່ລວງເລິກຢ່າງບໍ່ຢຸດຢັ້ງ.
ຕາມຄາດໝາຍ,ພາຍຫຼັງສຳເລັດການສ້າງຕັ້ງ AEC ແລ້ວ,ອາຊຽນຈະເກີດມີຕະຫຼາດແລະແຫຼ່ງຜະລິດທີ່ເປັນເອກະພາບກັນ.ສິນຄ້າ,ການບໍລິການ,ການລົງທຶນແລະແຮງງານເຕັກນິກຈະຈໍລະຈອນຢ່າງເສລີຢູ່ລະຫວ່າງບັນດາປະເທດສະມາຊິກອາຊຽນ,ການຈໍລະຈອນດ້ານເງິນທຶນກໍ່ຈະມີຄວາມເສລີຫຼາຍກວ່າເກົ່າ,ອາຊຽນຈະມີກຳລັງແຂ່ງຂັນທີ່ເຂັ້ມແຂງກວ່າເກົ່າໃນການແຂ່ງຂັນໃນທົ່ວໂລກ.
ປະຈຸບັນ,ມີການວິເຄາະເຫັນວ່າ:ຄາດວ່າ,ພາຍໃນອາຊຽນຈະຈໍ່ຕົວມີສອງລະດັບຄືອ່າວພັດທະນາແລະດ້ອຍພັດທະນາ.ສ່ວນຜົນປະໂຫຍດໃຫຍ່ທີ່ສຸດທີ່ AEC ຈະນຳເອົາມາໃນອະນາຄົດນັ້ນອາດຈະແມ່ນ,ສ້າງການພົວພັນແລກປ່ຽນແລະຊ່ວຍເຫຼືອກັນທີ່ແໜ້ນແຟ້ນກວ່າເກົ່າລະຫວ່າງສອງລະດັບນີ້,ເຮັດໃຫ້ປະເທດທີ່ຢູ່ໃນສອງລະດັບນີ້ລ້ວນແຕ່ສາມາດໄດ້ຮັບຜົນປະໂຫຍດຮ່ວມກັນ.
