ງານສິລະປະວັດທະນະທຳຂອງປະເທດເຂດລ່ອງແມ່ນ້ຳລ້ານຊ້າງແມ່ນ້ຳຂອງສະແດງສະເໜ່ດ້ານວັດທະນະທຳທີ່ມີສີສັນພິເສດຂອງພາກພື້ນນີ້
(GMT+08:00) 2012-11-29 13:08:03 cri
ຕາມຂ່າວCRI:ຕອນຄ່ຳຂອງວັນທີ27ພະຈິກນີ້,ງານສິລະປະວັດທະນະທຳຂອງປະເທດເຂດລ່ອງແມ່ນ້ຳລ້ານຊ້າງແມ່ນ້ຳຂອງປີ2012ໄດ້ໄຂຂຶ້ນຢ່າງໃຫຍ່ໂຕມະໂຫລານຢູ່ເມືອງຊຽງຮຸ່ງກິ່ງແຂວງປົກຄອງຕົນເອງເຜົ່າລື້ສິບສອງພັ່ນນາແຂວງຢຸນນານ.ນັກສິລະປິນທີ່ມາຈາກບັນດາປະເທດເຂດລ່ອງແມ່ນ້ຳລ້ານຊ້າງແມ່ນ້ຳຂອງ ເຊັ່ນ:ຈີນ,ລາວ,ມຽນມາ,ໄທ,ກຳປູເຈຍ,ຫວຽດນາມໄດ້ພາກັນສະແດງລີລາການຟ້ອນລຳທຳເພງທີ່ປະທັບໃຈ,ແລະສະແດງສະເໜ່ດ້ານວັດທະນະທຳທີ່ມີສີສັນພິເສດຂອງບັນດາປະເທດໃນພາກພື້ນນີ້ຕໍ່ໂລກ.
ໃນພິທີໄຂງານ,ທ່ານນາງຕ່າວຫຼິນອິ່ນ,ເຈົ້າຄອງກິ່ງແຂວງສິບສອງພັ່ນນາກ່າວວ່າ: "ງານສິ ລະປະວັດທະນະທຳຄັ້ງນີ້ໄດ້ສ້າງໂອກາດໃຫ້ພວກເຮົາຮ່ວມກັນສະແດງສິລະປະວັດທະນະທຳທີ່ມີຫຼາກຫຼາຍສີສັນຂອງບັນດາປະເທດໃນເຂດລ່ອງແມ່ນ້ຳລ້ານຊ້າງແມ່ນ້ຳຂອງໃຫ້ໂລກໄດ້ຮັບຮູ້,ສະແດງໂສມໜ້າແລະນ້ຳໃຈທີ່ຮັກຫອມສັນຕິພາບແລະມູນເຊື້ອປະຫວັດສາດທີ່ຢູ່ຮ່ວມກັນໂດຍສັນຕິຂອງປະຊາຊົນບັນດາປະເທດໃນເຂດລ່ອງແມ່ນ້ຳລ້ານຊ້າງແມ່ນ້ຳຂອງໃຫ້ໂລກໄດ້ຮັບຊາບ."
ງານສິລະປະວັດທະນະທຳເຂດລ່ອງແມ່ນ້ຳລ້ານຊ້າງແມ່ນ້ຳຂອງ2012ຈະຈັດເປັນເວລາ3ວັນ,ນອກຈາກງານລາຕີແລ້ວ,ຍັງມີກິດຈະກຳສິລະປະວັດທະນະທຳອື່ນໆທີ່ຫຼາກຫຼາຍເປັນຕົ້ນແມ່ນ:ຄອນເສີດລວມດາລາ,ງານວາງສະແດງຮູບພາບສາກົນສິບສອງພັ່ນນາ,ຖະໜົນວາງຂາຍເຄື່ອງສິລະປະ,ຖະໜົນອາຫານ,ການວາງສະແດງເສື້ອຜ້າອາພອນ,ແລະການວາງສະແດງວັດທະນະທຳຊົນເຜົ່າຕ່າງໆຂອງປະເທດເຂດລ່ອງແມ່ນ້ຳລ້ານຊ້າງແມ່ນ້ຳຂອງ.
ທ່ານນາງມາລີນີ ລໍ ພັນສະກຸນ,ຫົວໜ້າຄະນະຜູ່ແທນໄທ,ຫົວໜ້າຫ້ອງການສຳພັນຕ່າງປະເທດຂອງຈັງຫວັດຊຽງໄໝ່ຂອງໄທກ່າວວ່າ,ກິດຈະກຳເຫຼົ່ານີ້ຈະເຮັດໃຫ້ປະຊາຊົນຂອງບັນດາປະເທດເພີ່ມຄວາມເຂົ້າໃຈແລະມິດຕະພາບເຊິ່ງກັນແລະກັນ.ນາງກ່າວວ່າ:"ຖະໜົນວາງຂາຍອາຫານເລີດລົດຂອງປະເທດຕ່າງໆເຮັດໃຫ້ປະຊາຊົນຈີນແລະປະຊາຊົນຂອງ5ປະເທດທີ່ຢູ່ລຽບຕາມແມ່ນ້ຳຂອງມີໂອກາດສຳຜັດກັບວັດທະນະທຳອາຫານການກິນຂອງປະເທດອື່ນ,ແລະຈະເຫັນວ່າ ອາຫານການກິນຂອງປະເທດເຫຼົ່ານີ້ຄ້າຍຄືກັນຫຼາຍ,ຊຶ່ງຈະເພີ່ມຄວາມເຂົ້າໃຈເຊິ່ງກັນແລະກັນ,ແລະຈະພົບວ່າ ປະເທດເຫຼົ່ານີ້ມີຮາກເຫງົ້າອັນດຽວກັນ,ມີວັດທະ ນະທຳຄ້າຍຄືກັນ,ນີ້ຈະຊ່ວຍຮັດແໜ້ນມິດຕະພາບລະຫວ່າງປະຊາຊົນຂອງປະເທດເຫຼົ່ານີ້.ສ່ວນງານວາງສະແດງຮູບພາບຈະເຮັດໃຫ້ຜູ່ຊົມສາມາດຮູ້ຈັກໂສມໜ້າສັງຄົມຂອງປະເທດອື່ນໂດຍກົງ, ຈະຮູ້ສຶກໄດ້ເຖິງສາຍສຳພັນອັນສະໜິດແໜ້ນທີ່ບໍ່ສາມາດຕັດແຍກອອກຈາກກັນໄດ້ລະຫວ່າງປະເທດຕ່າງໆທີ່ຢູ່ລຽບຕາມລຳແມ່ນ້ຳລ້ານຊ້າງແມ່ນ້ຳຂອງ."
ໃນພິທີໄຂງານ,ທ່ານນາງຕ່າວຫຼິນອິ່ນ,ເຈົ້າຄອງກິ່ງແຂວງສິບສອງພັ່ນນາກ່າວວ່າ: "ງານສິ ລະປະວັດທະນະທຳຄັ້ງນີ້ໄດ້ສ້າງໂອກາດໃຫ້ພວກເຮົາຮ່ວມກັນສະແດງສິລະປະວັດທະນະທຳທີ່ມີຫຼາກຫຼາຍສີສັນຂອງບັນດາປະເທດໃນເຂດລ່ອງແມ່ນ້ຳລ້ານຊ້າງແມ່ນ້ຳຂອງໃຫ້ໂລກໄດ້ຮັບຮູ້,ສະແດງໂສມໜ້າແລະນ້ຳໃຈທີ່ຮັກຫອມສັນຕິພາບແລະມູນເຊື້ອປະຫວັດສາດທີ່ຢູ່ຮ່ວມກັນໂດຍສັນຕິຂອງປະຊາຊົນບັນດາປະເທດໃນເຂດລ່ອງແມ່ນ້ຳລ້ານຊ້າງແມ່ນ້ຳຂອງໃຫ້ໂລກໄດ້ຮັບຊາບ."
ງານສິລະປະວັດທະນະທຳເຂດລ່ອງແມ່ນ້ຳລ້ານຊ້າງແມ່ນ້ຳຂອງ2012ຈະຈັດເປັນເວລາ3ວັນ,ນອກຈາກງານລາຕີແລ້ວ,ຍັງມີກິດຈະກຳສິລະປະວັດທະນະທຳອື່ນໆທີ່ຫຼາກຫຼາຍເປັນຕົ້ນແມ່ນ:ຄອນເສີດລວມດາລາ,ງານວາງສະແດງຮູບພາບສາກົນສິບສອງພັ່ນນາ,ຖະໜົນວາງຂາຍເຄື່ອງສິລະປະ,ຖະໜົນອາຫານ,ການວາງສະແດງເສື້ອຜ້າອາພອນ,ແລະການວາງສະແດງວັດທະນະທຳຊົນເຜົ່າຕ່າງໆຂອງປະເທດເຂດລ່ອງແມ່ນ້ຳລ້ານຊ້າງແມ່ນ້ຳຂອງ.
ທ່ານນາງມາລີນີ ລໍ ພັນສະກຸນ,ຫົວໜ້າຄະນະຜູ່ແທນໄທ,ຫົວໜ້າຫ້ອງການສຳພັນຕ່າງປະເທດຂອງຈັງຫວັດຊຽງໄໝ່ຂອງໄທກ່າວວ່າ,ກິດຈະກຳເຫຼົ່ານີ້ຈະເຮັດໃຫ້ປະຊາຊົນຂອງບັນດາປະເທດເພີ່ມຄວາມເຂົ້າໃຈແລະມິດຕະພາບເຊິ່ງກັນແລະກັນ.ນາງກ່າວວ່າ:"ຖະໜົນວາງຂາຍອາຫານເລີດລົດຂອງປະເທດຕ່າງໆເຮັດໃຫ້ປະຊາຊົນຈີນແລະປະຊາຊົນຂອງ5ປະເທດທີ່ຢູ່ລຽບຕາມແມ່ນ້ຳຂອງມີໂອກາດສຳຜັດກັບວັດທະນະທຳອາຫານການກິນຂອງປະເທດອື່ນ,ແລະຈະເຫັນວ່າ ອາຫານການກິນຂອງປະເທດເຫຼົ່ານີ້ຄ້າຍຄືກັນຫຼາຍ,ຊຶ່ງຈະເພີ່ມຄວາມເຂົ້າໃຈເຊິ່ງກັນແລະກັນ,ແລະຈະພົບວ່າ ປະເທດເຫຼົ່ານີ້ມີຮາກເຫງົ້າອັນດຽວກັນ,ມີວັດທະ ນະທຳຄ້າຍຄືກັນ,ນີ້ຈະຊ່ວຍຮັດແໜ້ນມິດຕະພາບລະຫວ່າງປະຊາຊົນຂອງປະເທດເຫຼົ່ານີ້.ສ່ວນງານວາງສະແດງຮູບພາບຈະເຮັດໃຫ້ຜູ່ຊົມສາມາດຮູ້ຈັກໂສມໜ້າສັງຄົມຂອງປະເທດອື່ນໂດຍກົງ, ຈະຮູ້ສຶກໄດ້ເຖິງສາຍສຳພັນອັນສະໜິດແໜ້ນທີ່ບໍ່ສາມາດຕັດແຍກອອກຈາກກັນໄດ້ລະຫວ່າງປະເທດຕ່າງໆທີ່ຢູ່ລຽບຕາມລຳແມ່ນ້ຳລ້ານຊ້າງແມ່ນ້ຳຂອງ."
