ວຸດທີສະພາອາເມລິກາຮັບຮອງມະຕິທີ່ເກາະຕ້ຽວອີເໝາະໃຊ້ "ສົນທິສັນຍາປ້ອງກັນຄວາມປອດໄພອາເມລິກາ-ຍີ່ປຸ່ນ
ວັນທີ29 ພະຈິກແລ້ວນີ້ຕາມເວລາທ້ອງຖິ່ນ, ກອງປະຊຸມຄົບຄະນະຂອງວຸດທິສະພາອາເມລິກາຕົກລົງວ່າ, ຈະເພີ່ມຂໍ້ມາດຕາຕື່ມໃສ່ໃນ "ຍັດຕິມອບສິດການປ້ອງກັນຊາດ"ປີ2013, ກຳນົດຢ່າງຈະແຈ້ງວ່າຂໍ້ມາດຕາທີ5ຂອງ "ສົນທິສັນຍາປ້ອງກັນຄວາມປອດໄພອາເມລິກາຍີ່ປຸ່ນ"ທີ່ອາເມລິກາມີພັນທະຕໍ່ການປ້ອງກັນຍີ່ປຸ່ນແມ່ນເໝົາະໃຊ້ເກາະຕ້ຽວອີ. ທ່ານກ່າວຫົງ ຮອງຫົວໜ້າສະຖາບັນຄົ້ນຄວ້າຍີ່ປຸ່ນຂອງສະພາບັນດິດວິທະຍາສາດສັງຄົມຈີນເຫັນວ່າ, ການກະທຳຂອງອາເມລິກາທີ່ເຂົ້າຂ້າງຝ່າຍຍີ່ປຸ່ນໃນຄວາມຂັດແຍ່ງກັນກ່ຽວກັບເກາະຕ້ຽວອີລະຫວ່າງຈີນກັບຍີ່ປຸ່ນຈະທຳລາຍຄວາມໝັ້ນຄົງແລະສັນຕິພາບຂອງເຂດອາຊີປາຊີຟິກ, ແລະກໍ່ຈະທຳລາຍຜົນປະໂຫຍດຍຸດທະສາດຂອງອາເມລິກາຢູ່ເຂດອາຊີປາຊີຟິກ.
ທ່ານກ່າວຫົງເຫັນວ່າ, ປັດຈຸບັນ, ຈີນກັບຍີ່ປຸ່ນຍັງຮັກສາສະພາບຢຸດຈື້ງກ່ຽວກັບບັນຫາເກາະຕ້ຽວອີ, ຖ້າບັນຫາເກາະຕ້ຽວອີຖືຈັດເຂົ້າໃນ "ສົນທິສັນຍາປ້ອງກັນຄວາມປອດໄພຍີ່ປຸ່ນອາເມລິກາ"ໃນທີ່ສຸດ, ຈະໃຫ້ການສະໜັບສະໜູນແກ່ອິດທິກຳລັງປີກຂວາຍີ່ປຸ່ນ, ຈະໃນທີສຸດທຳລາຍສັນຕິພາບແລະສະຖຽນລະພາບຂອງເຂດອາຊີປາຊີຟິກ.
ການເລືອກຕັ້ງຂອງສະພາສູງຍີ່ປຸ່ນຈະຈັດຂຶ້ນໃນໄວໆນີ້, ການອະພິປາຍກ່ອນການເລືອກຕັ້ງລະຫວ່າງບັນດາພັກຝ່າຍຍີ່ປຸ່ນຈະມີທ່າອຽງທີ່ເຄັ່ງຕຶງຂຶ້ນ, ຫຼາຍພັກການເມືອງຍັງສະແດງໃຫ້ເຫັນເຖິງຫຼັກໝັ້ນອັນແຂງກະດ້າງໃນບັນຫານີ້ເພື່ອໂຄສະນາຫາສຽງ. ທ່ານສາສະດາຈານກ່າວຫົງເຫັນວ່າ ໃນເວລານີ້, ວຸດທິສະພາອາເມລິກາຮັບຮອງຍັດຕິນີ້, ແນ່ນອນຈະເພີ່ມກຳລັງແນວໜ້າແລະຖັນແຖວການເລືອກຕັ້ງຂອງອິດທິກຳລັງປີກຂວາຍິ່ງກວ່ານັ້ນອິດທິກຳລັງປີກຂວາທີ່ສຸດ, ບຸກຄົນປີກຂວາທີ່ສຸດ, ຈະມີບົດບາດທາງລົບຕໍ່ການເລືອກຕັ້ງຂອງຍີ່ປຸ່ນ."
