ສຳເລັດກອງປະຊຸມຄົບຄະນະຄັ້ງທີ 5 ສະໄໝທີ IX ຂອງຄະນະບໍລິຫານງານສູນກາງພັກ
(GMT+08:00) 2012-12-04 17:32:33 cri
ໃນລະຫວ່າງວັນທີ26ເຖິງວັນທີ30ພະຈິກທີ່ຜ່ານມາ ທີ່ນະຄອນຫລວງວຽງຈັນ,ໄດ້ມີກອງປະຊຸມຄົບຄະນະຂອງຄະນະບໍລິຫານງານສູນກາງພັກປະຊາຊົນປະຕິວັດລາວຄັ້ງທີ5ສະໄຫມທີIXພາຍໃຕ້ການເປັນປະທານຂອງສະຫາຍຈູມມາລີ ໄຊຍະສອນ,ເລຂາທິການໃຫຍ່ຄະນະບໍລິຫານງານສູນກາງພັກ.
ກອງປະຊຸມຄົບຄະນະຄັ້ງນີ້ ໄດ້ປຶກສາຫາລືລົງເລິກຫົວຂໍ້ກ່ຽວກັບສະພາບຄວາມ ເປັນຈິງຂອງວິສາຫະກິດໃນພາກສ່ວນເສດຖະກິດຕ່າງໆຢູ່ປະເທດລາວ ແລະ ທິດທາງ ກ່ຽວກັບການປັບປຸງກໍ່ສ້າງ ແລະ ຂະຫຍາຍໃນຕໍ່ຫນ້າເຊິ່ງກອງປະຊຸມໄດ້ຕີລາຄາເປັນເອກະພາບກັນວ່າ:ໃນ 20ກວ່າປີຜ່ານມາ,ພາຍຫລັງທີ່ພັກເຮົາໄດ້ມີແນວທາງປ່ຽນແປງໃຫມ່,ເປັນຕົ້ນໃນຂົງເຂດເສດຖະກິດໂດຍມີນະໂຍບາຍຊຸກຍູ້ສົ່ງເສີມໃຫ້ທຸກພາກສ່ວນເສດຖະກິດໄດ້ຮັບການຈັດຕັ້ງ,ເຄື່ອນໄຫວ ໂດຍມີຄວາມສະເຫມີພາບຕໍ່ຫນ້າກົດຫມາຍ,ທັງດຳເນີນນະໂຍບາຍເປີດກວ້າງການພົວພັນຮ່ວມມືກັບພາຍນອກ ໂດຍສະເພາະໃນ ຊຸມປີມໍ່ໆມານີ້,ເສດຖະກິດແຫ່ງຊາດຂອງປະເທດເຮົາໄດ້ຮັບການເຕີບໃຫຍ່ຂະຫຍາຍຕົວ ຢ່າງຈະແຈ້ງ;ພາກສ່ວນເສດຖະກິດຕ່າງໆ ໄດ້ກຳເນີດເກີດຂຶ້ນແລະມີຫລາຍຮູບແບບການຜະລິດ ແລະ ການບໍລິການຕາມກົນໄກເສດຖະກິດຕະຫລາດທີ່ມີການນຳພາຂອງ ພັກແລະການຄຸ້ມຄອງຂອງລັດ.ບັນດາພາກສ່ວນເສດຖະກິດເຫລົ່ານັ້ນໄດ້ປະກອບສ່ວນຢ່າງສຳຄັນ ແລະ ໃຫຍ່ຫລວງເຂົ້າໃນການຮັບປະກັນໃຫ້ຈັງຫວະເຕີບໂຕຂອງເສດຖະກິດແຫ່ງຊາດ ໄດ້ເພີ່ມຂຶ້ນຢ່າງຕໍ່ເນື່ອງ.ຊີວິດການເປັນຢູ່ຂອງປະຊາຊົນໄດ້ຮັບການປົວ ແປງໃຫ້ດີຂຶ້ນຕື່ມກ້າວຫນຶ່ງ,ພ້ອມກັນນັ້ນພວກເຮົາກໍ່ສາມາດສ້າງພື້ນຖານໂຄງລ່າງຈຳນວນຫນຶ່ງສຳລັບການນຳເອົາປະເທດເຮົາກ້າວຂຶ້ນຢ່າງຫນັກແຫນ້ນເພື່ອຫຼຸດພົ້ນອອກ ຈາກຄວາມດ້ອຍພັດທະນາໃນປີ 2020.
ສຳລັບທິດທາງວຽກງານຈຸດສຸມໃນຕໍ່ຫນ້ານັ້ນ,ແມ່ນຈະໄດ້ສຸມໃສ່ຊີ້ນຳນຳພາການສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກໃຫ້ເຂົ້າສູ່ການກະທຳຕົວຈິງ ແລະ ເກີດຫມາກເກີດຜົນເປັນຮູບປະທຳກວ່າເກົ່າ ໂດຍສະເພາະແມ່ນການຈັດ ຕັ້ງປະຕິບັດມະຕິ 3 ສ້າງ, ການແກ້ໄຂຄວາມທຸກຍາກຂອງປະຊາຊົນ ແລະ ບັນລຸເປົ້າຫມາຍສະຫັດສະວັດດ້ານການພັດທະນາ.ຄະນະບໍລິຫານງານສູນກາງພັກຮຽກຮ້ອງມາຍັງທົ່ວພັກ, ທົ່ວກຳລັງປະກອບອາວຸດແລະ ທົ່ວປວງຊົນລາວທັງຊາດຈົ່ງເພີ່ມທະວີຄວາມສາມັກຄີ ເປັນປຶກແຜ່ນຢູ່ອ້ອມຂ້າງພັກ ແລະ ລັດ,ເສີມຂະຫຍາຍນ້ຳໃຈຮັກຊາດຮັກລະບອບໃຫມ່,ຄວາມດຸຫມັ່ນຂະຫຍັນພຽນ,ສຸມສະຕິປັນຍາ ແລະ ຫົວຄິດປະດິດສ້າງເຂົ້າໃນການຈັດຕັ້ງປະຕິບັດບັນດາຄາດຫມາຍທີ່ກອງປະຊຸມໃຫຍ່ຄັ້ງທີ IX ຂອງພັກວາງອອກ,ກໍ່ຄືມະຕິກອງປະຊຸມສູນກາງຄົບຄະນະຄັ້ງທີ 5 ສະໄຫມທີ IX ດ້ວຍຜົນສຳເລັດທີ່ໃຫຍ່ຫລວງກວ່າເກົ່າ.
ກອງປະຊຸມຄົບຄະນະຄັ້ງນີ້ ໄດ້ປຶກສາຫາລືລົງເລິກຫົວຂໍ້ກ່ຽວກັບສະພາບຄວາມ ເປັນຈິງຂອງວິສາຫະກິດໃນພາກສ່ວນເສດຖະກິດຕ່າງໆຢູ່ປະເທດລາວ ແລະ ທິດທາງ ກ່ຽວກັບການປັບປຸງກໍ່ສ້າງ ແລະ ຂະຫຍາຍໃນຕໍ່ຫນ້າເຊິ່ງກອງປະຊຸມໄດ້ຕີລາຄາເປັນເອກະພາບກັນວ່າ:ໃນ 20ກວ່າປີຜ່ານມາ,ພາຍຫລັງທີ່ພັກເຮົາໄດ້ມີແນວທາງປ່ຽນແປງໃຫມ່,ເປັນຕົ້ນໃນຂົງເຂດເສດຖະກິດໂດຍມີນະໂຍບາຍຊຸກຍູ້ສົ່ງເສີມໃຫ້ທຸກພາກສ່ວນເສດຖະກິດໄດ້ຮັບການຈັດຕັ້ງ,ເຄື່ອນໄຫວ ໂດຍມີຄວາມສະເຫມີພາບຕໍ່ຫນ້າກົດຫມາຍ,ທັງດຳເນີນນະໂຍບາຍເປີດກວ້າງການພົວພັນຮ່ວມມືກັບພາຍນອກ ໂດຍສະເພາະໃນ ຊຸມປີມໍ່ໆມານີ້,ເສດຖະກິດແຫ່ງຊາດຂອງປະເທດເຮົາໄດ້ຮັບການເຕີບໃຫຍ່ຂະຫຍາຍຕົວ ຢ່າງຈະແຈ້ງ;ພາກສ່ວນເສດຖະກິດຕ່າງໆ ໄດ້ກຳເນີດເກີດຂຶ້ນແລະມີຫລາຍຮູບແບບການຜະລິດ ແລະ ການບໍລິການຕາມກົນໄກເສດຖະກິດຕະຫລາດທີ່ມີການນຳພາຂອງ ພັກແລະການຄຸ້ມຄອງຂອງລັດ.ບັນດາພາກສ່ວນເສດຖະກິດເຫລົ່ານັ້ນໄດ້ປະກອບສ່ວນຢ່າງສຳຄັນ ແລະ ໃຫຍ່ຫລວງເຂົ້າໃນການຮັບປະກັນໃຫ້ຈັງຫວະເຕີບໂຕຂອງເສດຖະກິດແຫ່ງຊາດ ໄດ້ເພີ່ມຂຶ້ນຢ່າງຕໍ່ເນື່ອງ.ຊີວິດການເປັນຢູ່ຂອງປະຊາຊົນໄດ້ຮັບການປົວ ແປງໃຫ້ດີຂຶ້ນຕື່ມກ້າວຫນຶ່ງ,ພ້ອມກັນນັ້ນພວກເຮົາກໍ່ສາມາດສ້າງພື້ນຖານໂຄງລ່າງຈຳນວນຫນຶ່ງສຳລັບການນຳເອົາປະເທດເຮົາກ້າວຂຶ້ນຢ່າງຫນັກແຫນ້ນເພື່ອຫຼຸດພົ້ນອອກ ຈາກຄວາມດ້ອຍພັດທະນາໃນປີ 2020.
ສຳລັບທິດທາງວຽກງານຈຸດສຸມໃນຕໍ່ຫນ້ານັ້ນ,ແມ່ນຈະໄດ້ສຸມໃສ່ຊີ້ນຳນຳພາການສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກໃຫ້ເຂົ້າສູ່ການກະທຳຕົວຈິງ ແລະ ເກີດຫມາກເກີດຜົນເປັນຮູບປະທຳກວ່າເກົ່າ ໂດຍສະເພາະແມ່ນການຈັດ ຕັ້ງປະຕິບັດມະຕິ 3 ສ້າງ, ການແກ້ໄຂຄວາມທຸກຍາກຂອງປະຊາຊົນ ແລະ ບັນລຸເປົ້າຫມາຍສະຫັດສະວັດດ້ານການພັດທະນາ.ຄະນະບໍລິຫານງານສູນກາງພັກຮຽກຮ້ອງມາຍັງທົ່ວພັກ, ທົ່ວກຳລັງປະກອບອາວຸດແລະ ທົ່ວປວງຊົນລາວທັງຊາດຈົ່ງເພີ່ມທະວີຄວາມສາມັກຄີ ເປັນປຶກແຜ່ນຢູ່ອ້ອມຂ້າງພັກ ແລະ ລັດ,ເສີມຂະຫຍາຍນ້ຳໃຈຮັກຊາດຮັກລະບອບໃຫມ່,ຄວາມດຸຫມັ່ນຂະຫຍັນພຽນ,ສຸມສະຕິປັນຍາ ແລະ ຫົວຄິດປະດິດສ້າງເຂົ້າໃນການຈັດຕັ້ງປະຕິບັດບັນດາຄາດຫມາຍທີ່ກອງປະຊຸມໃຫຍ່ຄັ້ງທີ IX ຂອງພັກວາງອອກ,ກໍ່ຄືມະຕິກອງປະຊຸມສູນກາງຄົບຄະນະຄັ້ງທີ 5 ສະໄຫມທີ IX ດ້ວຍຜົນສຳເລັດທີ່ໃຫຍ່ຫລວງກວ່າເກົ່າ.
