ສະພາແຫ່ງຊາດລາວໃຫ້ສັດຕະຍາບັນສັນຍາກ່ຽວກັບສປປລາວເຂົ້າເປັນສະມາຊິກອົງການWTO
(GMT+08:00) 2012-12-07 11:03:02 cri
ກອງປະຊຸມສະໄໝສາມັນເທື່ອທີ4ຂອງສະພາແຫ່ງຊາດລາວຊຸດທີ7ຂອງລາວໄດ້ເລີ່ມຂຶ້ນແຕ່ວັນທີ5ທັນວານີ້ເປັນຕົ້ນໄປ,ຕອນເຊົ້າວັນທີ6ທັນວານີ້,ທີ່ປະຊຸມໄດ້ພິຈາລະນາແລະລົງມະຕິຕໍ່ສັນຍາວ່າດ້ວຍສປປລາວເຂົ້າເປັນສະມາຊິກອົງການການຄ້າໂລກຫຼືWTO,ໂດຍໄດ້ຮັບຮອງສັນຍານີ້ດ້ວຍຄະແນນສຽງເຫັນດີຢ່າງເປັນເອກະສັນ.
ໃນມື້ດຽວກັນ,ທ່ານທອງລຸນ ສີສຸລິດ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດໄດ້ລາຍງານຜົນສຳເລັດຂອງການເຈລະຈາເຂົ້າເປັນສະມາຊິກອົງການ WTOຂອງສປປລາວຢູ່ທີ່ສະພາແຫ່ງຊາດ.ທ່ານທອງລຸນສີສຸລິດຊີ້ອອກວ່າ,ລາວເຂົ້າເປັນສະມາຊິກອົງການ WTOຈະມີຜົນດີຕໍ່ການຊຸກຍູ້ໃຫ້ກົງຈັກລັດຖະບານຖືການຫັນປ່ຽນພາລະບົດບາດເປັນຈຸດສຸມແຫ່ງການພັດທະນາເສດຖະກິດ, ປັບປຸງສະພາບແວດລ້ອມການລົງທຶນໃຫ້ດີຂຶ້ນຕື່ມອີກເພື່ອຊຸກຍູ້ການດຶງດູດນັກທຸລະກິດຕ່າງປະເທດເຂົ້າມາລົງທຶນຢູ່ລາວ,ແລະຍັງມີຜົນດີຕໍ່ການເພີ່ມລາຍໄດ້ການເງິນ,ກະຕຸ້ນຄວາມຕ້ອງການພາຍໃນ,ຊຸກຍູ້ໃຫ້ວິສາຫະກິດລາວກ້າວໄປສູ່ຕະຫຼາດສາກົນແລະຊຸກຍູ້ການປະກອບອາຊີບເຫຼົ່ານີ້ເປັນຕົ້ນ.
ທ່ານທອງລຸນສີສຸລິດກ່າວວ່າ,ໃນຕໍ່ໜ້າ,ລາວຈະສຸມໃສ່ການປັບປຸງລະບຽບກົດໝາຍກ່ຽວກັບການຄ້າດ້ານສິນຄ້າແລະການບໍລິການໃຫ້ສົມບູນຂຶ້ນຕື່ມອີກເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຕາມກົດລະບຽບທີ່ກ່ຽວຂ້ອງຂອງອົງການ WTO.ນອກນີ້,ລາວຍັງຈະສຸມໃສ່ຊຸກຍູ້ການກໍ່ສ້າງພື້ນຖານໂຄງລ່າງໂດຍຖືວຽກງານການຄົມມະນາຄົມ ຂົນສົ່ງເປັນຕົ້ນຕໍ.
ອີງຕາມສັນຍາເຂົ້າເປັນສະມາຊິກອົງການ WTO,ໃນດ້ານການຄ້າສິນຄ້າ,ລາວໃຫ້ຄຳໝັ້ນສັນຍາໃນການຄວບຄຸມອັດຕາພາສີທີ່ປະຕິບັດໃນປະຈຸບັນ,ອັດຕາພາສີສະເລ່ຍຂອງສິນຄ້ານຳເຂົ້າທັງໝົດແມ່ນ18,8%,ໃນນັ້ນ,ຜະລິດຕະພັນກະສິກຳແມ່ນ19,3%,ສ່ວນຜະລິດຕະພັນອື່ນໆແມ່ນ18,7%.ໃນດ້ານການຄ້າການບໍລິການ,ລາວໃຫ້ຄຳໝັ້ນສັນຍາໃນການເປີດຕະຫຼາດ10ຂະແໜງການຕໍ່ພາຍນອກເປັນຕົ້ນແມ່ນການບໍລິການດ້ານການຄ້າ,ການປະກັນໄພ,ທະນາຄານແລະທຸລະກິດດ້ານການທະນາຄານອື່ນໆ,ການບໍລິການຂອງໂຮງໝໍເອກະຊົນ,ການທ່ອງທ່ຽວແລະການຂົນສົ່ງທາງອາກາດເຫຼົ່ານີ້ເປັນຕົ້ນ,ຊຶ່ງໄດ້ກວມເຖິງ79ຂະແໜງການຍ່ອຍ.
ໃນມື້ດຽວກັນ,ທ່ານທອງລຸນ ສີສຸລິດ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດໄດ້ລາຍງານຜົນສຳເລັດຂອງການເຈລະຈາເຂົ້າເປັນສະມາຊິກອົງການ WTOຂອງສປປລາວຢູ່ທີ່ສະພາແຫ່ງຊາດ.ທ່ານທອງລຸນສີສຸລິດຊີ້ອອກວ່າ,ລາວເຂົ້າເປັນສະມາຊິກອົງການ WTOຈະມີຜົນດີຕໍ່ການຊຸກຍູ້ໃຫ້ກົງຈັກລັດຖະບານຖືການຫັນປ່ຽນພາລະບົດບາດເປັນຈຸດສຸມແຫ່ງການພັດທະນາເສດຖະກິດ, ປັບປຸງສະພາບແວດລ້ອມການລົງທຶນໃຫ້ດີຂຶ້ນຕື່ມອີກເພື່ອຊຸກຍູ້ການດຶງດູດນັກທຸລະກິດຕ່າງປະເທດເຂົ້າມາລົງທຶນຢູ່ລາວ,ແລະຍັງມີຜົນດີຕໍ່ການເພີ່ມລາຍໄດ້ການເງິນ,ກະຕຸ້ນຄວາມຕ້ອງການພາຍໃນ,ຊຸກຍູ້ໃຫ້ວິສາຫະກິດລາວກ້າວໄປສູ່ຕະຫຼາດສາກົນແລະຊຸກຍູ້ການປະກອບອາຊີບເຫຼົ່ານີ້ເປັນຕົ້ນ.
ທ່ານທອງລຸນສີສຸລິດກ່າວວ່າ,ໃນຕໍ່ໜ້າ,ລາວຈະສຸມໃສ່ການປັບປຸງລະບຽບກົດໝາຍກ່ຽວກັບການຄ້າດ້ານສິນຄ້າແລະການບໍລິການໃຫ້ສົມບູນຂຶ້ນຕື່ມອີກເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຕາມກົດລະບຽບທີ່ກ່ຽວຂ້ອງຂອງອົງການ WTO.ນອກນີ້,ລາວຍັງຈະສຸມໃສ່ຊຸກຍູ້ການກໍ່ສ້າງພື້ນຖານໂຄງລ່າງໂດຍຖືວຽກງານການຄົມມະນາຄົມ ຂົນສົ່ງເປັນຕົ້ນຕໍ.
ອີງຕາມສັນຍາເຂົ້າເປັນສະມາຊິກອົງການ WTO,ໃນດ້ານການຄ້າສິນຄ້າ,ລາວໃຫ້ຄຳໝັ້ນສັນຍາໃນການຄວບຄຸມອັດຕາພາສີທີ່ປະຕິບັດໃນປະຈຸບັນ,ອັດຕາພາສີສະເລ່ຍຂອງສິນຄ້ານຳເຂົ້າທັງໝົດແມ່ນ18,8%,ໃນນັ້ນ,ຜະລິດຕະພັນກະສິກຳແມ່ນ19,3%,ສ່ວນຜະລິດຕະພັນອື່ນໆແມ່ນ18,7%.ໃນດ້ານການຄ້າການບໍລິການ,ລາວໃຫ້ຄຳໝັ້ນສັນຍາໃນການເປີດຕະຫຼາດ10ຂະແໜງການຕໍ່ພາຍນອກເປັນຕົ້ນແມ່ນການບໍລິການດ້ານການຄ້າ,ການປະກັນໄພ,ທະນາຄານແລະທຸລະກິດດ້ານການທະນາຄານອື່ນໆ,ການບໍລິການຂອງໂຮງໝໍເອກະຊົນ,ການທ່ອງທ່ຽວແລະການຂົນສົ່ງທາງອາກາດເຫຼົ່ານີ້ເປັນຕົ້ນ,ຊຶ່ງໄດ້ກວມເຖິງ79ຂະແໜງການຍ່ອຍ.
