ວາລະພິທີເຊີນທຸງຂຶ້ນເສົາຢູ່ທີ່ບ້ານພັກນັກກິລາໃນງານມະຫາກຳກິລາມະຫາວິທະຍາໄລອາຊຽນ ຄັ້ງທີ 16
(GMT+08:00) 2012-12-11 18:48:19 cri
ໃນຕອນບ່າຍຂອງວັນທີ 11 ທັນວານີ້, ໄດ້ມີວາລະພິທີເຊີນທຸງຂຶ້ນເສົາ ຢູ່ທີ່ບ້ານພັກນັກກິລາ ໃນງານມະຫາກຳກິລາມະຫາວິທະຍາໄລອາຊຽນຄັ້ງທີ 16, ເປັນກຽດເຂົ້າຮ່ວມໂດຍທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນ ທັງເປັນປະທານສະມາຄົມທີ່ພັກ ແລະ ອາຫານໃນງານມະຫາກຳກິລາມະຫາວິທະຍາໄລອາຊຽນຄັ້ງທີ 16, ທ່ານ ດຣ. ພັນຄຳ ວິພາວັນ ກຳມະການກົມການເມືອງສູນກາງພັກ, ລັດຖະມົນຕີວ່າການກະຊວງສຶກສາທິການ ແລະ ກິລາ ທັງເປັນປະທານຈັດງານມະຫາກຳກິລາມະຫາວິທະຍາໄລອາຊຽນ ຄັ້ງທີ 16, ທ່ານ ສຈ ດຣ ສຸກກົງແສງ ໄຊຍະເລີດ ກຳມະການກົມການເມືອງສູນກາງພັກ, ອະທິການບໍດີມະຫາວິທະຍາໄລແຫ່ງຊາດ ທັງເປັນຮອງປະທານຈັດງານມະຫາວິທະຍາໄລອາຊຽນຄັ້ງ 16 ນີ້, ພ້ອມດ້ວຍປະທານກິລາມະຫາວິທະຍາໄລ 11 ປະເທດເຂົ້າຮ່ວມ. ທ່ານຮອງເຈົ້າຄອງນະຄອນຫຼວງວຽງຈັນ ໄດ້ມອບຂອງຂວັນທີ່ລະນຶກໃຫ້ແກ່ບັນດາປະທານນັກກິລາທັງ 11 ປະເທດ.
