ງານກິລາ ມ. ອາຊຽນອັດລົງດ້ວຍຜົນສຳເລັດອັນຈົບງາມ ອິນໂດເນເຊຍຮັບກຽດເປັນເຈົ້າພາບຄັ້ງທີ17ປີ2014
(GMT+08:00) 2012-12-21 16:44:56 cri
ໃນວັນທີ 20 ທັນວານີ້, ທີ່ສະໝາມກິລາແຫ່ງຊາດຫລັກ 16 ນະຄອນຫລວງວຽງຈັນ, ງານມະຫະກຳກິລາມະຫາວິທະຍາໄລອາຊຽນ ຄັ້ງທີ 16 ໄດ້ອັດລົງດ້ວຍຜົນສຳເລັດອັນຈົບງາມ, ໂດຍການເຂົ້າຮ່ວມຂອງທ່ານ ອາຊາງ ລາວລີ ຮອງນາຍົກລັດຖະມົນຕີ ທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາ ປະທານຈັດງານມະຫະກຳກິລາມະຫາວິທະຍາໄລອາຊຽນຄັ້ງທີ 16 ພ້ອມດ້ວຍບັນດາແຂກຖຶກເຊີນ.
ທ່ານສາດສະດາຈານ ດ໊ອກເຕີ ສຸກກົງແສງ ໄຊຍະເລີດ ອະທິການບໍດີມະຫາວິທະຍາໄລແຫ່ງຊາດ ຮອງປະທານຈັດງານມະຫະກຳກິລາມະຫາວິທະຍາໄລອາຊຽນຄັ້ງທີ 16 ກ່າວວ່າ: ງານມະຫະກຳກິລາມະຫາວິທະຍາໄລອາຊຽນຄັ້ງທີ 16 ທີ່ມະຫາວິທະຍາໄລແຫ່ງຊາດລາວເປັນເຈົ້າພາບ ມີນັກກິລາລະດັບມະຫາວິທະຍາໄລເຂົ້າຮ່ວມທັງໝົດ 2.533 ຄົນ, ແລະໄດ້ສຳເລັດການແຂ່ງຂັນທັງໝົດທຸກໆລາຍການຂອງແຕ່ລະປະເພດກິລາ, ເຊິ່ງສາມາດສະຫລຸບຜົນຂອງການແຂ່ງຂັນໄດ້ດັ່ງນີ້: ອັນດັບ 1 ປະເທດມາເລເຊຍ ໄດ້ 60 ຫຼຽນຄຳ, 48 ຫລຽນ ເງີນ ແລະ 72ຫລຽນທອງ ລວມ180ຫຼຽນ, ອັນດັບ 2 ປະເທດຫວຽດນາມໄດ້ 56 ຫລຽນຄຳ, 35 ຫລຽນເງີນ ແລະ 28 ຫລຽນທອງ ລວມ119ຫຼຽນ, ອັນດັບ 3 ປະເທດໄທໄດ້ 45 ຫລຽນຄຳ, 52 ຫລຽນເງີນ ແລະ 61ຫລຽນທອງ ລວມ153ຫຼຽນ, ສ່ວນລາວເຈົ້າພາບໄດ້ 32 ຫລຽນຄຳ, 35ຫລຽນເງີນ ແລະ 46 ຫລຽນທອງ ລວມ113ຫຼຽນຢູ່ອັນດັບທີ 5.
ຜ່ານການຈັດການແຂ່ງຂັນຄັ້ງນີ້ ສາມາດຕີລາຄາໄດ້ໂດຍລວມຄື: ຄະນະກຳມະການຈັດການແຂ່ງຂັນກິລາທຸກປະເພດລ້ວນແຕ່ໄດ້ປະຕິບັດຕາມລະບຽບ ຫລັກການ, ການຕັດສິນແມ່ນມີຄວາມເປັນທຳ, ຊື່ສັດ ແລະ ໃສສະອາດ, ສຳລັບນັກກິລາເຂົ້າຮ່ວມການແຂ່ງຂັນແມ່ນໄດ້ປະຕິບັດຕາມຕາຕະລາງຂອງການແຂ່ງ ຂັນຢູ່ແຕ່ລະສະໜາມໄດ້ດີເຄົາລົບນັບຖືກົດກະຕິກາຢ່າງເຂັ້ມງວດພິເສດນັກກິລາທັງໝົດລ້ວນແລ້ວແຕ່ມີນ້ຳໃຈນັກກິລາ, ມີໄມຕີຈິດ, ມິດຕະພາບ, ຮູ້ເສຍ-ຮູ້ຊະນະ ຮູ້ໃຫ້ອາໄພເຊິ່ງກັນ ແລະ ກັນ.
ສ່ວນເຈົ້າພາບທີ່ຈະຈັດງານມະຫະກຳກິລາມະຫາວິທະຍາໄລອາຊຽນຄັ້ງທີ 17 ໃນປີ 2014 ແມ່ນເປັນປະເທດອິນໂດເນເຊຍ, ໂດຍທ່ານ ສຈ. ດຣ. ສຸກກົງແສງ ໄຊຍະເລີດ ມອບທຸງກິລາມະຫາວິທະຍາໄລອາຊຽນຄືນໃຫ້ ທ່ານ ຮສ. ດຣ. ຮາຕິ ກາຊິມ ຣາຈິ ມານຊໍ ປະທານສະພາມະຫາວິທະຍາໄລອາຊຽນ ແລະ ໄດ້ມອບຕໍ່ໃຫ້ທ່ານເຄຼຍຟາມີ ຣັດສະມີບູ ເອກອັກຄະລັດຖະທູດແຫ່ງປະເທດອິນໂດເນເຊຍປະຈຳລາວ, ໃນນາມຕ່າງໜ້າເຈົ້າພາບກິລາມະຫາວິທະຍາໄລອາຊຽນຄັ້ງທີ 17 ຊຶ່ງອິນໂດເນເຊຍ ໄດ້ຈັດຂຶ້ນເປັນຄັ້ງທີ່ 4 ແລ້ວຄື: ຄັ້ງທີ 1 ໃນປີ 1982, ຄັ້ງທີ5 ໃນປີ 1990ແລະ ຄັ້ງທີ 12 ໃນປີ 2004.
ທ່ານສາດສະດາຈານ ດ໊ອກເຕີ ສຸກກົງແສງ ໄຊຍະເລີດ ອະທິການບໍດີມະຫາວິທະຍາໄລແຫ່ງຊາດ ຮອງປະທານຈັດງານມະຫະກຳກິລາມະຫາວິທະຍາໄລອາຊຽນຄັ້ງທີ 16 ກ່າວວ່າ: ງານມະຫະກຳກິລາມະຫາວິທະຍາໄລອາຊຽນຄັ້ງທີ 16 ທີ່ມະຫາວິທະຍາໄລແຫ່ງຊາດລາວເປັນເຈົ້າພາບ ມີນັກກິລາລະດັບມະຫາວິທະຍາໄລເຂົ້າຮ່ວມທັງໝົດ 2.533 ຄົນ, ແລະໄດ້ສຳເລັດການແຂ່ງຂັນທັງໝົດທຸກໆລາຍການຂອງແຕ່ລະປະເພດກິລາ, ເຊິ່ງສາມາດສະຫລຸບຜົນຂອງການແຂ່ງຂັນໄດ້ດັ່ງນີ້: ອັນດັບ 1 ປະເທດມາເລເຊຍ ໄດ້ 60 ຫຼຽນຄຳ, 48 ຫລຽນ ເງີນ ແລະ 72ຫລຽນທອງ ລວມ180ຫຼຽນ, ອັນດັບ 2 ປະເທດຫວຽດນາມໄດ້ 56 ຫລຽນຄຳ, 35 ຫລຽນເງີນ ແລະ 28 ຫລຽນທອງ ລວມ119ຫຼຽນ, ອັນດັບ 3 ປະເທດໄທໄດ້ 45 ຫລຽນຄຳ, 52 ຫລຽນເງີນ ແລະ 61ຫລຽນທອງ ລວມ153ຫຼຽນ, ສ່ວນລາວເຈົ້າພາບໄດ້ 32 ຫລຽນຄຳ, 35ຫລຽນເງີນ ແລະ 46 ຫລຽນທອງ ລວມ113ຫຼຽນຢູ່ອັນດັບທີ 5.
ຜ່ານການຈັດການແຂ່ງຂັນຄັ້ງນີ້ ສາມາດຕີລາຄາໄດ້ໂດຍລວມຄື: ຄະນະກຳມະການຈັດການແຂ່ງຂັນກິລາທຸກປະເພດລ້ວນແຕ່ໄດ້ປະຕິບັດຕາມລະບຽບ ຫລັກການ, ການຕັດສິນແມ່ນມີຄວາມເປັນທຳ, ຊື່ສັດ ແລະ ໃສສະອາດ, ສຳລັບນັກກິລາເຂົ້າຮ່ວມການແຂ່ງຂັນແມ່ນໄດ້ປະຕິບັດຕາມຕາຕະລາງຂອງການແຂ່ງ ຂັນຢູ່ແຕ່ລະສະໜາມໄດ້ດີເຄົາລົບນັບຖືກົດກະຕິກາຢ່າງເຂັ້ມງວດພິເສດນັກກິລາທັງໝົດລ້ວນແລ້ວແຕ່ມີນ້ຳໃຈນັກກິລາ, ມີໄມຕີຈິດ, ມິດຕະພາບ, ຮູ້ເສຍ-ຮູ້ຊະນະ ຮູ້ໃຫ້ອາໄພເຊິ່ງກັນ ແລະ ກັນ.
ສ່ວນເຈົ້າພາບທີ່ຈະຈັດງານມະຫະກຳກິລາມະຫາວິທະຍາໄລອາຊຽນຄັ້ງທີ 17 ໃນປີ 2014 ແມ່ນເປັນປະເທດອິນໂດເນເຊຍ, ໂດຍທ່ານ ສຈ. ດຣ. ສຸກກົງແສງ ໄຊຍະເລີດ ມອບທຸງກິລາມະຫາວິທະຍາໄລອາຊຽນຄືນໃຫ້ ທ່ານ ຮສ. ດຣ. ຮາຕິ ກາຊິມ ຣາຈິ ມານຊໍ ປະທານສະພາມະຫາວິທະຍາໄລອາຊຽນ ແລະ ໄດ້ມອບຕໍ່ໃຫ້ທ່ານເຄຼຍຟາມີ ຣັດສະມີບູ ເອກອັກຄະລັດຖະທູດແຫ່ງປະເທດອິນໂດເນເຊຍປະຈຳລາວ, ໃນນາມຕ່າງໜ້າເຈົ້າພາບກິລາມະຫາວິທະຍາໄລອາຊຽນຄັ້ງທີ 17 ຊຶ່ງອິນໂດເນເຊຍ ໄດ້ຈັດຂຶ້ນເປັນຄັ້ງທີ່ 4 ແລ້ວຄື: ຄັ້ງທີ 1 ໃນປີ 1982, ຄັ້ງທີ5 ໃນປີ 1990ແລະ ຄັ້ງທີ 12 ໃນປີ 2004.
