ລາວຈະດຳເນີນການສຳຫຼວດເສດຖະກິດທົ່ວປະເທດໃນເດືອນພຶດສະພາປີໜ້າ
(GMT+08:00) 2012-12-28 15:19:07 cri
ວັນທີ 27 ທັນວານີ້, ທີ່ ກະຊວງແຜນການ ແລະ ການລົງທຶນ ສູນສະຖິຕິແຫ່ງຊາດ ລາວໄດ້ຈັດກອງປະຊຸມຄັ້ງປະຖົມມະເລີກຂອງຄະນະຊີ້ນຳສຳຫຼວດເສດຖະກິດທົ່ວປະເທດຂຶ້ນ ໂດຍມີທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະ ການລົງທຶນ,ມີພະນັກງານ ແລະ ຜູ້ຕາງໜ້າຈາກ3ກະຊວງທີ່ກ່ຽວຂ້ອງຄື: ກະຊວງແຜນການ ແລະ ການລົງທຶນ, ກະຊວງການເງິນ ແລະ ກະຊວງອຸດສາຫະກຳ ແລະ ການຄ້າເຂົ້າຮ່ວມ.
ໃນກອງປະຊຸມ ຜູ້ເຂົ້າຮວ່ມໄດ້ປຶກສາຫາລືກ່ຽວກັບການຈັດຕັ້ງປະຕິບັດວຽກງານສຳຫຼວດເສດຖະກິດທົ່ວປະເທດ ເປັນຕົ້ນແມ່ນການເກັບກຳຂໍ້ມູນການກຳນົດຫົວໜ່ວຍເສດຖະກິດ ເຊິ່ງປີ2006 ລັດຖະບານລາວໄດ້ຕົກລົງໃຫ້ຈັດຕັ້ງປະຕິບັດ ການສຳຫຼວດເສດຖະກິດເປັນຄັ້ງທຳອິດ ຜົນການສຳຫຼວດດັ່ງກ່າວໄດ້ສ່ອງໃຫ້ເຫັນໂຄງປະກອບສ້າງເສດຖະກິດຂອງລາວ ສາມາດກຳນົດທີ່ຕັ້ງຫົວໜ່ວຍເສດຖະກິດຂອງປະເທດໄດ້ຢ່າງຊັດເຈນ ແລະ ລັດຖະບານລາວກໍ່ຕົກລົງເຫັນດີກຳນົດໃຫ້ຈັດດຕັ້ງປະຕິບັດວຽກງານສຳຫຼວດເສດຖະກິດຂອງປະເທດໃນທຸກໆ 5 ປີ.
ການສຳຫຼວດເສດຖະກິດທົ່ວປະເທດຂອງລາວ ຈະເລີ່ມຈັດຕັ້ງປະຕິບັດພາຍໃນເດືອນພຶດສະພາປີ 2013 ຄາດວ່າຈະນຳໃຊ້ບຸກຄະລາກອນ ປະມານ5ພັນຄົນ ເຊິ່ງຈະໃຫ້ສຳເລັດພາຍໃນ15ວັນ.
ໃນກອງປະຊຸມ ຜູ້ເຂົ້າຮວ່ມໄດ້ປຶກສາຫາລືກ່ຽວກັບການຈັດຕັ້ງປະຕິບັດວຽກງານສຳຫຼວດເສດຖະກິດທົ່ວປະເທດ ເປັນຕົ້ນແມ່ນການເກັບກຳຂໍ້ມູນການກຳນົດຫົວໜ່ວຍເສດຖະກິດ ເຊິ່ງປີ2006 ລັດຖະບານລາວໄດ້ຕົກລົງໃຫ້ຈັດຕັ້ງປະຕິບັດ ການສຳຫຼວດເສດຖະກິດເປັນຄັ້ງທຳອິດ ຜົນການສຳຫຼວດດັ່ງກ່າວໄດ້ສ່ອງໃຫ້ເຫັນໂຄງປະກອບສ້າງເສດຖະກິດຂອງລາວ ສາມາດກຳນົດທີ່ຕັ້ງຫົວໜ່ວຍເສດຖະກິດຂອງປະເທດໄດ້ຢ່າງຊັດເຈນ ແລະ ລັດຖະບານລາວກໍ່ຕົກລົງເຫັນດີກຳນົດໃຫ້ຈັດດຕັ້ງປະຕິບັດວຽກງານສຳຫຼວດເສດຖະກິດຂອງປະເທດໃນທຸກໆ 5 ປີ.
ການສຳຫຼວດເສດຖະກິດທົ່ວປະເທດຂອງລາວ ຈະເລີ່ມຈັດຕັ້ງປະຕິບັດພາຍໃນເດືອນພຶດສະພາປີ 2013 ຄາດວ່າຈະນຳໃຊ້ບຸກຄະລາກອນ ປະມານ5ພັນຄົນ ເຊິ່ງຈະໃຫ້ສຳເລັດພາຍໃນ15ວັນ.
