ໄປສະນີລາວ-ກຳປູເຈຍເພີ່ມທະວີການຮ່ວມມື
(GMT+08:00) 2013-01-14 13:24:35 cri
ວັນທີ 11 ມັງກອນນີ້ ທີ່ນະຄອນຫຼວງວຽງຈັນ ໄດ້ມີພິທີເຊັນສັນຍາຮ່ວມມືທາງດ້ານໄປສະນີ ໂທລະຄົມມະນາຄົມ ແລະ ການສື່ສານ ຂອງລາວ ແລະ ກຳປູເຈຍຂຶ້ນ, ການເຊັນສັນຍາຄັ້ງນີ້ ທັງສອງຝ່າຍໄດ້ຕົກລົງໃຫ້ມີການຍົກລະດັບ ລະບົບສາຍໄຍແກ້ວເຊື່ອມຕໍ່ລະຫວ່າງປະເທດ ໃຫ້ມີຄວາມໄວສູງກວ່າເກົ່າ ແລະ ຂະຫຍາຍການເຊື່ອມໂຍງເຂົ້າກັບບັນດາປະເທດລຸ່ມແມ່ນນ້ຳຂອງ ໄດ້ຍົກລະດັບການບໍລິການຂົນສົ່ງທາງດ້ານວັດສະດຸພັນໄປສະນີລະຫວ່າງ 2 ປະເທດໃຫ້ວ່ອງໄວ ແລະ ຖືກກັບມາດຕະຖານສາກົນ, ນອກຈາກນັ້ນ ທັງ 2 ຝ່າຍຍັງຈະຂະຫຍາຍການຮ່ວມມືທາງດ້ານຄວາມປອດໄພ ແລະ ການຕ້ານອາດຊະຍາກຳເອເລັກໂຕຣນິກ, ການຄຸ້ມຄອງຄື້ນສັນຍານຄວາມຖີ່ລຽບຕາມຊາຍແດນຂອງ 2 ປະເທດ, ການບໍລິການຂ້າມຜ່ານ 2 ປະເທດຕາມແຜນແມ່ບົດອາຊຽນ.
ໃຫ້ກຽດເຂົ້າຮ່ມໃນພິທີດັ່ງກ່າວ ມີທ່ານ ຫຽມ ພົມມະຈັນ ລັດຖະມົນຕີວ່າການກະຊວງໄປສະນີ ໂທລະຄົມມະນາຄົມ ແລະ ການສື່ສານຂອງລາວ ແລະ ທ່ານ ດຣ. ໂຊຄຸນ ລັດຖະມນຕີວ່າການກະຊວງໄປສະນີ ແລະ ໂທລະຄົມມະນາຄົມ ຂອງກຳປູເຈຍ ພ້ອມດ້ວຍພະນັກງານທັງທີ່ກ່ຽວຂອງທັງ 2 ຝ່າຍເຂົ້າຮ່ວມ.
ໃຫ້ກຽດເຂົ້າຮ່ມໃນພິທີດັ່ງກ່າວ ມີທ່ານ ຫຽມ ພົມມະຈັນ ລັດຖະມົນຕີວ່າການກະຊວງໄປສະນີ ໂທລະຄົມມະນາຄົມ ແລະ ການສື່ສານຂອງລາວ ແລະ ທ່ານ ດຣ. ໂຊຄຸນ ລັດຖະມນຕີວ່າການກະຊວງໄປສະນີ ແລະ ໂທລະຄົມມະນາຄົມ ຂອງກຳປູເຈຍ ພ້ອມດ້ວຍພະນັກງານທັງທີ່ກ່ຽວຂອງທັງ 2 ຝ່າຍເຂົ້າຮ່ວມ.
