ຫາລືໂຄງການກໍ່ສ້າງຂົວຂາມນ້ຳຂອງມິດຕະພາບລາວ-ມຽນມ້າ
(GMT+08:00) 2013-01-14 13:26:29 cri
ຫວ່າງມໍ່ໆມານີ້ ທີ່ນະຄອນຫລວງ ເນປິຕໍ ປະເທດມຽນມາໄດ້ມີກອງປະຊຸມ ປຶກສາຫາລືໂຄງການກໍ່ສ້າງຂົວຂ້າມແມ່ນ້ຳຂອງມິດຕະພາບລາວ-ມຽນມາ. ທ່ານສົມມາດ ພົນເສນາ ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ມຽນມາ ຕາມຄຳເຊີນຂອງທ່ານ ຈໍ ລິນ ລັດຖະມົນຕິວ່າການກະຊວງກໍ່ສ້າງ ມຽນມາ ຈຸດປະສົງເພື່ອສືບຕໍ່ປຶກສາຫາລືກັບກະຊວງກໍ່ສ້າງມຽນມາກ່ຽວກັບການຈັດຕັ້ງປະຕິບັດໂຄງການກໍ່ສ້າງຂົວຂາມນ້ຳຂອງມິດຕະພາບລາວ-ມຽນມາ ລະຫວ່າງຊຽງກົກ (ແຂວງຫລວງນ້ຳທາ ລາວ) ແລະ ແກ້ງລາບ (ມຽນມາ)
ທັງສອງຝ່າຍໄດ້ປຶກສາຫາລື ແລກປ່ຽນຄຳຄິດເຫັນ ແລະ ຕົກລົງເປັນເອກ ກະພາບກັນ ກ່ຽວກັບບັນຫາດ້ານເຕັກນິກການກໍ່ສ້າງການຈັດຊື້ຈັດຈ້າງງານບໍລິສັດທີປຶກສາຄວບຄຸມການກໍ່ສ້າງ ແລະ ບໍລິສັດຜູ້ຮັບເໝົາກໍ່ສ້າງ ການກຳນົດເຂດກໍ່ສ້າງ ແລະ ວັນເວລາວາງສີລາລືກເປີດການກໍ່ສ້າງຂົວດັ່ງກ່າວຊຶ່ງຈະໄດ້ຈັດຂື້ນໃນວັນທີ 16ກຸມພາທີ່ຈະມາເຖິງນີ້.
ທັງສອງຝ່າຍໄດ້ປຶກສາຫາລື ແລກປ່ຽນຄຳຄິດເຫັນ ແລະ ຕົກລົງເປັນເອກ ກະພາບກັນ ກ່ຽວກັບບັນຫາດ້ານເຕັກນິກການກໍ່ສ້າງການຈັດຊື້ຈັດຈ້າງງານບໍລິສັດທີປຶກສາຄວບຄຸມການກໍ່ສ້າງ ແລະ ບໍລິສັດຜູ້ຮັບເໝົາກໍ່ສ້າງ ການກຳນົດເຂດກໍ່ສ້າງ ແລະ ວັນເວລາວາງສີລາລືກເປີດການກໍ່ສ້າງຂົວດັ່ງກ່າວຊຶ່ງຈະໄດ້ຈັດຂື້ນໃນວັນທີ 16ກຸມພາທີ່ຈະມາເຖິງນີ້.
