ເອກອັກຄະລັດຖະທູດຈີນຈັດງານບັນລະຍາຍກ່ຽວກັບຜົນງານກອງປະຊຸມໃຫຍ່ຄັ້ງທີ18ຂອງພັກຄອມມູນິດຈີນໃຫ້ພະນັກງານລາວຊາບ
(GMT+08:00) 2013-01-17 16:55:09 cri
ກອງປະຊຸມທີ່ສະຖາບັນການຕ່າງປະເທດລາວ
ຜູ່ຮ່ວມປະຊຸມຖາມບັນຫາຢູ່ສະຖາບັນການຕ່າງປະເທດລາວ
ກອງປະຊຸມທີ່ສະຖາບັນການເມືອງແລະການປົກຄອງແຫ່ງຊາດລາວ
ນອກນີ້, ທ່ານນາງປູ້ຈ້ຽນກົວຍັງໄດ້ສຸມໃສ່ບັນລະຍາຍນ້ຳໃຈສຳຄັນດ້ານນະໂຍບາຍການຕ່າງປະເທດໃນບົດລາຍງານກອງປະຊຸມໃຫຍ່ຄັ້ງທີ18ຂອງພັກຄອມມູນິດຈີນຈາກ6ດ້ານ, ຄື: ໜຶ່ງ,ຖື"ການສືບຕໍ່ຊຸກຍູ້ພາລະກິດອັນສູງສົ່ງແຫ່ງສັນຕິພາບແລະການພັດທະນາຂອງມະນຸດ"ເປັນຫົວຂໍ້, ນີ້ເປັນການສະຫຼຸບເປົ້າໝາຍແລະໜ້າທີ່ວຽກງານການຕ່າງປະເທດຂອງຈີນໃນປະຈຸບັນ, ທັງສະແດງໃຫ້ເຫັນຄວາມປາຖະໜາແລະອຸດົມຄະຕິອັນສູງສົ່ງຂອງຈີນໃນວຽກງານການຕ່າງ ປະເທດຕະຫຼອດມາ;ສອງ,ການວິເຄາະຄົ້ນຄວ້າກ່ຽວກັບສະຖານະການສາກົນໃນປະຈຸບັນ;ສາມ, ຈີນຈະສືບຕໍ່ຊູທຸງສັນຕິພາບ,ການພັດທະນາ,ແລະການຮ່ວມມື,ເນັ້ນໜັກເຖິງຄວາມສຳຄັນແລະຄວາມຈຳເປັນຂອງ"ຕ່າງຝ່າຍຕ່າງມີຜົນປະໂຫຍດ";ສີ່,ກ່າວຢ້ຳວ່າ,ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງສະເໝີຕົ້ນສະເໝີປາຍ,ພ້ອມທັງກ່າວເນັ້ນວ່າ ຈະເດັດດ່ຽວປົກປັກຮັກສາອະທິປະໄຕ,ຄວາມໝັ້ນຄົງ,ຜົນປະໂຫຍດໃນການພັດທະນາ, ຈະບໍ່ອ່ອນ ຍອມຕໍ່ກຳລັງບັງຄັບໃດໆຈາກພາຍນອກ;ຫ້າ,ຈີນຈະປັບປຸງແລະຂະຫຍາຍການພົວພັນກັບປະເທດທີ່ພັດທະນາແລ້ວ, ເປີດກວ້າງຂົງເຂດການຮ່ວມມື,ແກ້ໄຂຄວາມຂັດແຍ່ງກັນໃຫ້ດີ, ຊຸກຍູ້ການສ້າງການພົວພັນລະຫວ່າງປະເທດໃຫຍ່ທີ່ໝັ້ນຄົງຍາວນານ,ແລະປອດໃສ;ຫົກ,ຈີນຈະຍຶດໝັ້ນທິດທາງທີ່"ມີໄມຕີຈິດມິດຕະພາບກັບປະເທດໃກ້ຄຽງ, ຖືປະເທດໃກ້ຄຽງເປັນໝູ່ຄູ່",ຮັດແໜ້ນການພົວພັນໄມຕີຈິດມິດຕະພາບຖານບ້ານໃກ້ເຮືອນຄຽງ, ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດ,ພະຍາຍາມເຮັດໃຫ້ການພັດທະນາຂອງຕົນເປັນການສ້າງຜົນປະໂຫຍດໃຫ້ແກ່ປະເທດໃກ້ຄຽງໃຫ້ດີກວ່າເກົ່າ.
ທ່ານນາງປູ້ຈ້ຽນກົວກ່າວວ່າ, ໃນຖານະເປັນພັກກຳອຳນາດທີ່ມີອຸດົມຄະຕິແລະເປົ້າໝາຍສູ້ຊົນທີ່ຄ້າຍຄືກັນ,ພວກຂ້າພະເຈົ້າຍິນດີຮ່ວມກັບຝ່າຍລາວ,ກຳແໜ້ນໂອກາດການພັດທະນາ,ຕັ້ງໜ້າຮັບມືກັບຄວາມຫຍຸ້ງຍາກແລະສິ່ງທ້າທາຍຕ່າງໆ, ຖອດຖອນບົດຮຽນທາງທິດສະດີແລະພຶດຕິກຳເຊິ່ງກັນແລະກັນ,ຂະຫຍາຍການຮ່ວມມືທີ່ມີການປະຕິບັດຕົວຈິງໃນຂົງເຂດຕ່າງໆໃຫ້ລົງສູ່ລວງເລິກ.ພ້ອມກັນນັ້ນ,ຈີນຈະສືບຕໍ່ໃຫ້ການຊ່ວຍເຫຼືອຕາມຄວາມສາມາດຂອງຕົນແກ່ພາ ລະກິດປ່ຽນແປງໃໝ່ເປີດປະຕູສູ່ພາຍນອກ, ແລະການພັດທະນາເສດຖະກິດສັງຄົມຂອງປະເທດລາວ.
ຫຼັງການລາຍງານ, ທ່ານນາງປູ້ຈ້ຽນກົວຍັງໄດ້ຕອບຄຳຖາມຂອງຜູ້ຮ່ວມປະຊຸມກ່ຽວກັບບັນ ຫາຈຸດຮ້ອນຂອງສາກົນກໍ່ຄືຂອງພາກພື້ນ.
