ງານມະຫາກຳການທ່ອງທ່ຽວອາຊຽນ 2013 ໄດ້ໄຂຂຶ້ນຢ່າງເປັນທາງການ ທີ່ນະຄອນຫລວງວຽງຈັນ
(GMT+08:00) 2013-01-21 17:11:29 cri
ງານມະຫາກຳ ທ່ອງທ່ຽວອາຊຽນ 2013 (ATF 2013) ໄດ້ໄຂຂຶ້ນຢ່າງເປັນທາງການໃນຕອນຄ່ຳວັນທີ20ມັງກອນນີ້ທີ່ນະຄອນຫຼວງວຽງຈັນ ພາຍໃຕ້ຄຳຂວັນ: "ອາຊຽນຈັບມືກັນສ້າງສັນອະນາຄົດ" ໂດຍການໃຫ້ກຽດເຂົ້າຮ່ວມແລະກ່າວເປີດພິທີຂອງພະນະທ່ານທອງສິງ ທຳມະວົງ ນາຍົກລັດຖະມົນຕີລາວ,ມີທ່ານສຸກັນ ມະຫາລາດເຈົ້າຄອງນະຄອນຫລວງວຽງຈັນ,ທ່ານສຈ.ດຣ.ບໍ່ແສງຄຳ ວົງດາລາ ລັດຖະມົນຕີ ວ່າການກະຊວງຖະແຫລງຂ່າວ,ວັດທະນະທຳແລະທ່ອງທ່ຽວລາວ; ມີບັນດາລັດຖະມົນຕີທ່ອງທ່ຽວອາຊຽນ,ຈີນ,ຍີ່ປຸ່ນ,ສ.ເກົາຫລີ,ອິນເດຍ, ຣັດເຊຍ, ຜູ້ອຳນວຍການທ່ອງທ່ຽວພາກພື້ນອາຊີ-ປາຊີຟິກ,ອົງການທ່ອງທ່ຽວໂລກແລະແຂກທີ່ຖືກເຊີນເຂົ້າຮ່ວມ.
ໃນເວລາກ່າວເປີດງານ,ພະນະທ່ານທອງສິງ ທຳມະວົງນາຍົກລັດຖະມົນຕີລາວໄດ້ຕາງໜ້າລັດຖະບານລາວ ແລະ ປະຊາຊົນລາວບັນດາເຜົ່າສະແດງຄວາມຍິນດີຕ້ອນຮັບແລະຊົມເຊີຍທຸກທ່ານທຸກພາກສ່ວນທາງພາຍໃນແລະຕ່າງປະເທດທີ່ໄດ້ປະ ກອບສ່ວນເຮັດໃຫ້ງານມະຫາກຳທ່ອງທ່ຽວອາຊຽນເກີດຂຶ້ນຢ່າງມີສີສັນເຕັມໄປດ້ວຍຄວາມອົບອຸ່ນ, ໄມຕີຈິມິດຕະພາບແລະຄວາມເປັນອັນໜຶ່ງອັນດຽວຂອງອາຊຽນເຊິ່ງບາງຕອນທ່ານໄດ້ກ່າວວ່າ:ອາຊຽນແມ່ນວົງຄະນາຍາດໃຫຍ່ໃນພາກພື້ນອາຊີ-ອາຄະເນແລະມີຄວາມຫຼາກຫລາຍທາງດ້ານພາສາ,ວັດທະນະທຳ,ຮີດຄອງປະເພນີອັນດີງາມ ທີ່ໄດ້ສືບທອດຈາກບັນພະບູລຸດມາເປັນເວລາຫລາຍພັນປີ.
ພ້ອມດຽວກັນນັ້ນອາຊຽນຍັງມີຊັບພະຍາກອນທຳມະຊາດທີ່ອຸດົມສົມບູນແລະສວຍສົດ ງົດງາມ,ມີປະຫວັດສາດຮຸ່ງເຮືອງສີວິໄລແລະປູສະນີຍະສະຖານທີ່ມີຊື່ສຽງ,ໜ້າຮັກ ແລະດູດດື່ມ,ອັນເຮັດໃຫ້ອາຊຽນກາຍເປັນຂົງເຂດທີ່ມີທ່າແຮງສູງດ້ານການທ່ອງທ່ຽວຢູ່ໃນທະວີບອາຊີ,ມີການຮ່ວມມືແລະປະສານງານກັນຢ່າງສະໜິດແໜ້ນໃນໄລຍະຜ່ານມາ,ໄດ້ເຮັດໃຫ້ການທ່ອງທ່ຽວອາຊຽນມີການຂະຫຍາຍຕົວແຮງເຊັ່ນ:ໃນປີ 2011 ມີນັກ ທ່ອງທ່ຽວສາກົນມາທ່ອງທ່ຽວຢ້ຽມຢາມປະເທດອາຊຽນເຖິງ 81ລ້ານ2ແສນຄົນ ອັນໄດ້ ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດ,ຊ່ວຍສ້າງວຽກເຮັດງານທຳແລະຊ່ວຍລົບລ້າງຄວາມທຸກຍາກເທື່ອລະກ້າວ,ພ້ອມທັງຊ່ວຍຫລຸດຜ່ອນຄວາມແຕກໂຕນກັນໃນລະດັບການພັດທະນາລະຫວ່າງບັນດາປະເທດສະມາຊິກ ເກົ່າແລະໃໝ່.
ສຳລັບງານ ມະຫາກຳການທ່ອງທ່ຽວອາຊຽນ 2013 ນີ້ ແມ່ນຈະດຳເນີນໄປເຖິງວັນທີ24ມັງກອນຈຶ່ງຈະອັດລົງ.
ໃນເວລາກ່າວເປີດງານ,ພະນະທ່ານທອງສິງ ທຳມະວົງນາຍົກລັດຖະມົນຕີລາວໄດ້ຕາງໜ້າລັດຖະບານລາວ ແລະ ປະຊາຊົນລາວບັນດາເຜົ່າສະແດງຄວາມຍິນດີຕ້ອນຮັບແລະຊົມເຊີຍທຸກທ່ານທຸກພາກສ່ວນທາງພາຍໃນແລະຕ່າງປະເທດທີ່ໄດ້ປະ ກອບສ່ວນເຮັດໃຫ້ງານມະຫາກຳທ່ອງທ່ຽວອາຊຽນເກີດຂຶ້ນຢ່າງມີສີສັນເຕັມໄປດ້ວຍຄວາມອົບອຸ່ນ, ໄມຕີຈິມິດຕະພາບແລະຄວາມເປັນອັນໜຶ່ງອັນດຽວຂອງອາຊຽນເຊິ່ງບາງຕອນທ່ານໄດ້ກ່າວວ່າ:ອາຊຽນແມ່ນວົງຄະນາຍາດໃຫຍ່ໃນພາກພື້ນອາຊີ-ອາຄະເນແລະມີຄວາມຫຼາກຫລາຍທາງດ້ານພາສາ,ວັດທະນະທຳ,ຮີດຄອງປະເພນີອັນດີງາມ ທີ່ໄດ້ສືບທອດຈາກບັນພະບູລຸດມາເປັນເວລາຫລາຍພັນປີ.
ພ້ອມດຽວກັນນັ້ນອາຊຽນຍັງມີຊັບພະຍາກອນທຳມະຊາດທີ່ອຸດົມສົມບູນແລະສວຍສົດ ງົດງາມ,ມີປະຫວັດສາດຮຸ່ງເຮືອງສີວິໄລແລະປູສະນີຍະສະຖານທີ່ມີຊື່ສຽງ,ໜ້າຮັກ ແລະດູດດື່ມ,ອັນເຮັດໃຫ້ອາຊຽນກາຍເປັນຂົງເຂດທີ່ມີທ່າແຮງສູງດ້ານການທ່ອງທ່ຽວຢູ່ໃນທະວີບອາຊີ,ມີການຮ່ວມມືແລະປະສານງານກັນຢ່າງສະໜິດແໜ້ນໃນໄລຍະຜ່ານມາ,ໄດ້ເຮັດໃຫ້ການທ່ອງທ່ຽວອາຊຽນມີການຂະຫຍາຍຕົວແຮງເຊັ່ນ:ໃນປີ 2011 ມີນັກ ທ່ອງທ່ຽວສາກົນມາທ່ອງທ່ຽວຢ້ຽມຢາມປະເທດອາຊຽນເຖິງ 81ລ້ານ2ແສນຄົນ ອັນໄດ້ ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດ,ຊ່ວຍສ້າງວຽກເຮັດງານທຳແລະຊ່ວຍລົບລ້າງຄວາມທຸກຍາກເທື່ອລະກ້າວ,ພ້ອມທັງຊ່ວຍຫລຸດຜ່ອນຄວາມແຕກໂຕນກັນໃນລະດັບການພັດທະນາລະຫວ່າງບັນດາປະເທດສະມາຊິກ ເກົ່າແລະໃໝ່.
ສຳລັບງານ ມະຫາກຳການທ່ອງທ່ຽວອາຊຽນ 2013 ນີ້ ແມ່ນຈະດຳເນີນໄປເຖິງວັນທີ24ມັງກອນຈຶ່ງຈະອັດລົງ.
