ມະຫະກຳທ່ອງທ່ຽວອາຊຽນຄັ້ງທີ32ອັດລົງດ້ວຍຜົນສຳເລັດອັນຈົບງາມ
(GMT+08:00) 2013-01-25 11:45:03 cri
ໃນພິທີທ່ານ ຈະເລີນ ວາລິນທະລາສັກ ລັດຖະມົນຕີຊ່ວຍວ່າການກະຊວງຖະແຫລງຂ່າວ,ວັດທະນະທຳ ແລະ ທ່ອງທ່ຽວ ໄດ້ລາຍງານຜົນສຳເລັດກອງປະຊຸມເອທີເອຟ2013ພາຍຫລັງດຳເນີນມາແຕ່ວັນທີ18ມັງກອນຜ່ານມາວ່າ: ຜູ້ແທນຈາກບັນດາປະເທດຄູ່ຮ່ວມເຈລະຈາ,ຜູ້ແທນກອງເລຂາອາຊຽນ,ຜູ້ຊື້-ຜູ້ຂາຍ,ພາກລັດ ແລະພາກທຸລະກິດແລະກອງປະຊຸມເຈົ້າຫນ້າທີ່ອາວຸໂສອາຊຽນດ້ານການທ່ອງທ່ຽວ,ກອງປະຊຸມເຈົ້າຫນ້າທີ່ອາວຸໂສອາຊຽນ + 3 (ຈີນ , ຍີ່ປຸ່ນ ແລະ ສ.ເກົາຫລີ);ອາຊຽນ+ອິນເດຍ;ອາຊຽນ + ຣັດເຊຍ;ກອງປະຊຸມລັດຖະມົນຕີທ່ອງທ່ຽວອາຊຽນ+3(ຈີນ,ຍີ່ປຸ່ນ ແລະ ສ.ເກົາຫລີ)ຄັ້ງທີ 12;ອາຊຽນ+ອິນເດຍ ຄັ້ງທີ 4 ໂດຍໄດ້ຕົກລົງຮັບຮອງເອົາຖະແຫລງການວຽງຈັນ ແນໃສ່ພັດທະນາ ແລະ ສົ່ງເສີມການທ່ອງທ່ຽວຂອງອາຊຽນໃຫ້ກ້າວຂຶ້ນສູ່ຄຸນນະພາບໃຫມ່ ລະດັບໂລກ,ທັງຮັບປະກັນຄວາມຍືນຍົງ,ຮັບປະກັນສະພາບແວດລ້ອມ ແລະ ຄວາມປອດໄພຕາມຄຳຂວັນ"ອາຊຽນຈັບ ມືກັນສ້າງສັນອະນາຄົດ" ໂດຍສະເພາະເລັງໃສ່ປະຕິບັດການເຂົ້າເປັນປະຊາຄົມເສດຖະກິດອາຊຽນ ປີ 2015ພິເສດສະເພາະລະດັບລັດຖະມົນຕີອາ ຊຽນ+ອິນເດຍຍັງໄດ້ບັນລຸຂໍ້ຕົກລົງ ແລະ ໄດ້ເຊັນສັນຍາບົດບັນທຶກການຮ່ວມມືດ້ານການທ່ອງທ່ຽວນຳກັນ.ສຳລັບງານວາງສະແດງສິນຄ້າຜະລິດຕະພັນທ່ອງທ່ຽວອາຊຽນຄັ້ງນີ້ ມີທັງຫມົດ498ຫ້ອງວາງສະແດງ,ມີຜູ້ຂາຍເກືອບ1000ຄົນຈາກ 10 ປະເທດອາຊຽນ,ຜູ້ຊື້ 455 ຄົນມາຈາກທົ່ວໂລກ, ສື່ມວນຊົນທັງລາວ ແລະ ຕ່າງປະເທດ 150 ຄົນ.
ສ່ວນງານມະຫະກຳທ່ອງທ່ຽວອາຊຽນ 2014 ຄັ້ງທີ 33 ຫລື ATF ແມ່ນຈະຈັດຂຶ້ນໃນລະຫວ່າງວັນທີ 16-23 ມັງກອນ 2014 ທີ່ເມືອງກູຊິງ ປະເທດມາເລເຊຍພາຍໃຕ້ຄຳຂວັນ"ອາຊຽນພ້ອມກັນພັດທະນາການທ່ອງທ່ຽວໃຫ້ກ້າວໄກ".
