ຈີນແລະອາຊຽນຄວນເພີ່ມທະວີການສົນທະນາແລະຮ່ວມມືກັນ
(GMT+08:00) 2013-02-04 10:46:44 cri
ວັນທີ9ມັງກອນຜ່ານມານີ້, ທ່ານເລເລືອງມິງ ອະດີດລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມໄດ້ຂຶ້ນດຳລົງຕຳແໜ່ງເປັນເລຂາທິການໃຫຍ່ອາຊຽນຢ່າງເປັນທາງການ. ຫວ່າງມໍ໋ໆມານີ້, ຢູ່ສຳນັກງານກອງເລຂາອາຊຽນທີ່ຈາກາຕາ, ໃນເວລາທ່ານເລເລືອງມິງຕອບການສຳພາດຂອງນັກຂ່າວ, ທ່ານກ່າວວ່າ, ຈີນແລະອາຊຽນຄວນເພີ່ມທະວີການຮ່ວມມືແລະສົນທະນາກັນຕື່ມອີກ, ຍົກການພົວພັນລະຫວ່າງສອງຝ່າຍຂຶ້ນສູ່ລະດັບສູງກວ່າເກົ່າ.
ໃນເວລາຕີລາຄາການພົວພັນອາຊຽນຈີນ, ທ່ານເລເລືອງມິງກ່າວວ່າ, ນັບແຕ່ຈີນກາຍເປັນປະເທດຄູ່ເຈລະຈາຮອບດ້ານຂອງອາຊຽນໃນປີ1996ເປັນຕົ້ນມາ, ການພົວພັນອາຊຽນກັບຈີນໄດ້ຮັບຄວາມຄືບໜ້າຢ່າງໃຫຍ່ຫຼວງ. ການພົວພັນຄູ່ເຈລະຈາລະຫວ່າງອາຊຽນກັບຈີນແມ່ນການພົວພັນປະເທດຄູ່ເຈລະຈາທີ່ຂະຫຍາຍຕົວໄດ້ໄວກວ່າໝູ່ແລະຮອບດ້ານກວ່າໝູ່ຂອງອາຊຽນ. ອາຊຽນແລະຈີນໄດ້ຜ່ານຈາກຫຼາຍກົນໄກຮ່ວມມືພາກພື້ນ, ເຊັ່ນ: ອາຊຽນບວກ1, ອາຊຽນບວກຈີນ, ຍີ່ປຸ່ນແລະສ.ເກົາຫຼີ, ກອງປະຊຸມລັດຖະມົນຕີການຕ່າງປະເທດພາກພື້ນອາຊຽນ, ກອງປະຊຸມສຸດຍອດອາຊີຕາເວັນອອກສຽງໃຕ້ເປັນຕົ້ນ, ຕັ້ງໜ້າສ້າງການພົວພັນທີ່ແໜ້ນແຟ້ນ, ຮ່ວມໃຈຮ່ວມແຮງກັນເພື່ອຮັບມືກັບຫົວຂໍ້ທີ່ສົນໃຈນຳກັນ.
ທ່ານເລເລືອງມິງກ່າວວ່າ, ອາຊຽນສະແດງຄວາມຊົມເຊີຍຕໍ່ຈີນທີ່ໄດ້ທຳຄວາມພະຍາຍາມເພື່ອສະໜັບສະໜູນການເຊື່ອມໂຍງເຂົ້າກັນຂອງອາຊຽນແລະການສ້າງສາປະຊາຄົມອາຊຽນ. ທ່ານເຊື່ອວ່າ, ອາຊຽນທີ່ເຂັ້ມແຂງ, ມີສະຖຽນລະພາບ, ສະມັກຄີແລະສັນຕິພາບ ສອດຄ່ອງກັບຜົນປະໂຫຍດຂອງປະເທດໃກ້ຄຽງຂອງອາຊຽນ ເຊິ່ງລວມທັງຈີນ.
ເດືອນກໍລະກົດປີ2012, ຈີນໄດ້ແຕ່ງຕັ້ງທ່ານນາງຢາງຊິ້ວຜິງ ເປັນເອກອັກຄະລັດຖະທູດຈີນປະຈຳອາຊຽນຜູ້ທຳອິດ. ກ່ຽວກັບເລື່ອງນີ້, ທ່ານເລເລືອງມິງເຫັນວ່າ, ນີ້ຈະມີຜົນດີຊ່ວຍໃຫ້ເພີ່ມທະວີການຮ່ວມມືແລະປະສານງານລະຫວ່າງຈີນກັບອາຊຽນ.
ໃນເວລາເວົ້າເຖິງການພົວພັນຈີນອາຊຽນໃນອະນາຄົດ, ທ່ານເລເລືອງມິງເຊື່ອວ່າ, ໂດຍຜ່ານຈາກການຕິດຕໍ່ພົວພັນຢ່າງເລິກເຊິ່ງກວ່າເກົ່າ, ສອງຝ່າຍສາມາດຊຸກຍູ້ການສົນທະນາແລະຮ່ວມມືກັນຕື່ມອີກ, ເພື່ອຍົກການພົວພັນລະຫວ່າງສອງຝ່າຍຂຶ້ນສູ່ລະດັບສູງກວ່າເກົ່າ.
ສຳລັບ "ການພົວພັນຄູ່ເສດຖະກິດຮອບດ້ານໃນພາກພື້ນ" ທີ່ພວມຢູ່ໃນໄລຍະເຈລະຈາກັນ, ທ່ານເລເລືອງມິງກ່າວວ່າ, ສັນຍາດັ່ງກ່າວຈະຊຸກຍູ້ການຮ່ວມມືດ້ານການຄ້າ, ການລົງທຶນແລະດ້ານເສດຖະກິດ ຢູ່ພາຍໃນພາກພື້ນອາຊີຕາເວັນອອກຕື່ມອີກ. "ການພົວພັນຄູ່ເສດຖະກິດຮອບດ້ານໃນພາກພື້ນ" ໄດ້ປົກຄຸມປະເທດທີ່ໄດ້ພັດທະນາແລ້ວ, ປະເທດທີ່ພວມພັດທະນາ, ປະເທດທີ່ດ້ອຍພັດທະນາ, ປະເທດຕ່າງໆມີລະດັບການພັດທະນາທີ່ແຕກຕ່າງກັນ, ຖ້າສາມາດເຊັນສັນຍາດັ່ງກ່າວແລ້ວ, ພາກພື້ນນີ້ຈະໄດ້ລື່ນກາຍຕະຫຼາດດັ້ງເດີມຂອງເອີລົບແລະອາເມລິກາແລ້ວກາຍເປັນຕະຫຼາດທີ່ໃຫຍ່ທີ່ສຸດໃນໂລກ.
ກ່ຽວກັບບັນຫາສະມາຊິກໃໝ່ຂອງອາຊຽນ, ທ່ານເລເລືອງມິງກ່າວວ່າ, ໃນຂະບວນການເຊື່ອມໂຍງເຂົ້າກັນຂອງອາຊຽນ, ອາຊຽນພະຍາຍາມເຮັດໃຫ້ປະເທດສະມາຊິກທັງໝົດລ້ວນແຕ່ໄດ້ຮັບຜົນປະໂຫຍດຫຼາຍທີ່ສຸດ, ປະເທດສະມາຊິກອາຊຽນທີ່ພັດທະນາແລະປະເທດຄູ່ເຈລະຈາຂອງອາຊຽນ ຈະໃຫ້ການສະໜັບສະໜູນດ້ານການສ້າງສາໃຫ້ປະເທດສະມາຊິກໃໝ່ຂອງອາຊຽນ, ຊ່ວຍເຂົາເຈົ້າຫຼຸດຄວາມຫຼຸດໂຕນກັນໃນດ້ານການພັດທະນາ.
ໃນເວລາຕີລາຄາການພົວພັນອາຊຽນຈີນ, ທ່ານເລເລືອງມິງກ່າວວ່າ, ນັບແຕ່ຈີນກາຍເປັນປະເທດຄູ່ເຈລະຈາຮອບດ້ານຂອງອາຊຽນໃນປີ1996ເປັນຕົ້ນມາ, ການພົວພັນອາຊຽນກັບຈີນໄດ້ຮັບຄວາມຄືບໜ້າຢ່າງໃຫຍ່ຫຼວງ. ການພົວພັນຄູ່ເຈລະຈາລະຫວ່າງອາຊຽນກັບຈີນແມ່ນການພົວພັນປະເທດຄູ່ເຈລະຈາທີ່ຂະຫຍາຍຕົວໄດ້ໄວກວ່າໝູ່ແລະຮອບດ້ານກວ່າໝູ່ຂອງອາຊຽນ. ອາຊຽນແລະຈີນໄດ້ຜ່ານຈາກຫຼາຍກົນໄກຮ່ວມມືພາກພື້ນ, ເຊັ່ນ: ອາຊຽນບວກ1, ອາຊຽນບວກຈີນ, ຍີ່ປຸ່ນແລະສ.ເກົາຫຼີ, ກອງປະຊຸມລັດຖະມົນຕີການຕ່າງປະເທດພາກພື້ນອາຊຽນ, ກອງປະຊຸມສຸດຍອດອາຊີຕາເວັນອອກສຽງໃຕ້ເປັນຕົ້ນ, ຕັ້ງໜ້າສ້າງການພົວພັນທີ່ແໜ້ນແຟ້ນ, ຮ່ວມໃຈຮ່ວມແຮງກັນເພື່ອຮັບມືກັບຫົວຂໍ້ທີ່ສົນໃຈນຳກັນ.
ທ່ານເລເລືອງມິງກ່າວວ່າ, ອາຊຽນສະແດງຄວາມຊົມເຊີຍຕໍ່ຈີນທີ່ໄດ້ທຳຄວາມພະຍາຍາມເພື່ອສະໜັບສະໜູນການເຊື່ອມໂຍງເຂົ້າກັນຂອງອາຊຽນແລະການສ້າງສາປະຊາຄົມອາຊຽນ. ທ່ານເຊື່ອວ່າ, ອາຊຽນທີ່ເຂັ້ມແຂງ, ມີສະຖຽນລະພາບ, ສະມັກຄີແລະສັນຕິພາບ ສອດຄ່ອງກັບຜົນປະໂຫຍດຂອງປະເທດໃກ້ຄຽງຂອງອາຊຽນ ເຊິ່ງລວມທັງຈີນ.
ເດືອນກໍລະກົດປີ2012, ຈີນໄດ້ແຕ່ງຕັ້ງທ່ານນາງຢາງຊິ້ວຜິງ ເປັນເອກອັກຄະລັດຖະທູດຈີນປະຈຳອາຊຽນຜູ້ທຳອິດ. ກ່ຽວກັບເລື່ອງນີ້, ທ່ານເລເລືອງມິງເຫັນວ່າ, ນີ້ຈະມີຜົນດີຊ່ວຍໃຫ້ເພີ່ມທະວີການຮ່ວມມືແລະປະສານງານລະຫວ່າງຈີນກັບອາຊຽນ.
ໃນເວລາເວົ້າເຖິງການພົວພັນຈີນອາຊຽນໃນອະນາຄົດ, ທ່ານເລເລືອງມິງເຊື່ອວ່າ, ໂດຍຜ່ານຈາກການຕິດຕໍ່ພົວພັນຢ່າງເລິກເຊິ່ງກວ່າເກົ່າ, ສອງຝ່າຍສາມາດຊຸກຍູ້ການສົນທະນາແລະຮ່ວມມືກັນຕື່ມອີກ, ເພື່ອຍົກການພົວພັນລະຫວ່າງສອງຝ່າຍຂຶ້ນສູ່ລະດັບສູງກວ່າເກົ່າ.
ສຳລັບ "ການພົວພັນຄູ່ເສດຖະກິດຮອບດ້ານໃນພາກພື້ນ" ທີ່ພວມຢູ່ໃນໄລຍະເຈລະຈາກັນ, ທ່ານເລເລືອງມິງກ່າວວ່າ, ສັນຍາດັ່ງກ່າວຈະຊຸກຍູ້ການຮ່ວມມືດ້ານການຄ້າ, ການລົງທຶນແລະດ້ານເສດຖະກິດ ຢູ່ພາຍໃນພາກພື້ນອາຊີຕາເວັນອອກຕື່ມອີກ. "ການພົວພັນຄູ່ເສດຖະກິດຮອບດ້ານໃນພາກພື້ນ" ໄດ້ປົກຄຸມປະເທດທີ່ໄດ້ພັດທະນາແລ້ວ, ປະເທດທີ່ພວມພັດທະນາ, ປະເທດທີ່ດ້ອຍພັດທະນາ, ປະເທດຕ່າງໆມີລະດັບການພັດທະນາທີ່ແຕກຕ່າງກັນ, ຖ້າສາມາດເຊັນສັນຍາດັ່ງກ່າວແລ້ວ, ພາກພື້ນນີ້ຈະໄດ້ລື່ນກາຍຕະຫຼາດດັ້ງເດີມຂອງເອີລົບແລະອາເມລິກາແລ້ວກາຍເປັນຕະຫຼາດທີ່ໃຫຍ່ທີ່ສຸດໃນໂລກ.
ກ່ຽວກັບບັນຫາສະມາຊິກໃໝ່ຂອງອາຊຽນ, ທ່ານເລເລືອງມິງກ່າວວ່າ, ໃນຂະບວນການເຊື່ອມໂຍງເຂົ້າກັນຂອງອາຊຽນ, ອາຊຽນພະຍາຍາມເຮັດໃຫ້ປະເທດສະມາຊິກທັງໝົດລ້ວນແຕ່ໄດ້ຮັບຜົນປະໂຫຍດຫຼາຍທີ່ສຸດ, ປະເທດສະມາຊິກອາຊຽນທີ່ພັດທະນາແລະປະເທດຄູ່ເຈລະຈາຂອງອາຊຽນ ຈະໃຫ້ການສະໜັບສະໜູນດ້ານການສ້າງສາໃຫ້ປະເທດສະມາຊິກໃໝ່ຂອງອາຊຽນ, ຊ່ວຍເຂົາເຈົ້າຫຼຸດຄວາມຫຼຸດໂຕນກັນໃນດ້ານການພັດທະນາ.
