ເອກອັກຄະລັດຖະທູດຈີນປະຈຳຍີ່ປຸ່ນຕອບໂຕ້ການປະທ້ວງຂອງຍີ່ປຸ່ນກ່ຽວກັບກຳປັ່ນລາດຕະເວນຈີນເຂົ້າສູ່ນ່າມນ້ຳທະເລເກາະຕ້ຽວອີ
ຕາມຂ່າວສານຊິນຮວາ: ວັນທີ 5 ກຸມພານີ້, ທ່ານເສີງຢົງຮວາ ເອກອັກຄະລັດຖະທູດຈີນປະຈຳຍີ່ປຸ່ນກ່າວເນັ້ນວ່າ, ເກາະຕ້ຽວອີແມ່ນດິນແດນຂອງຈີນມາແຕ່ບູຮານນະການ, ກຳປັ່ນລາດຕະເວນຂອງຈີນແມ່ນດຳເນີນການລາດຕະເວນເພື່ອປົກປ້ອງສິດທີ່ເປັນປົກກະຕິ, ຈີນບໍ່ຍອມຮັບການຕໍ່ວ່າຕໍ່ຂານ ແລະ ການປະທ້ວງຂອງຍີ່ປຸ່ນ, ຮຽກຮ້ອງໃຫ້ຍີ່ປຸ່ນຢຸດຕິການລົບກວນວຽກງານຂອງກຳປັ່ນລາດຕະເວນຂອງຈີນ.
ວັນທີ 5 ກຸມພານີ້, ທ່ານຊາອີກີ ອາກີຕາກາ ເຈົ້າໜ້າທີ່ສຳຫຼວດພິຈາລະນາຂອງກະຊວງການຕ່າງປະເທດຍີ່ປຸ່ນໄດ້ນັດພົບທ່ານເອກອັກຄະລັດຖະທູດເສີງຢົງຮວາ, ສະເໜີຄຳປະທ້ວງຕໍ່ກຳປັ່ນລາດຕະເວນຂອງຈີນເຂົ້າສູ່ນ່າມນ້ຳທະເລຂອງເກາະຕ້ຽວອີ. ທ່ານເອກອັກຄະລັດຖະທູດເສີງຢົງຮວາແມ່ນໃຫ້ທັດສະນະດັ່ງກ່າວໂດຍແນໃສ່ການຕໍ່ວ່າຕໍ່ຂານ ແລະ ການປະທ້ວງຂອງຝ່າຍຍີ່ປຸ່ນ.
