ເປີດການຊຳລະສະສາງດ້ວຍເງິນຢວນຈີນຢູ່ສິງກະໂປ ຈະນຳເອົາໂອກາດແລະຄວາມສະດວກມາໃຫ້ອາຊີຕາເວັນອອກສຽງໃຕ້
(GMT+08:00) 2013-02-15 15:52:33 cri
ອາທິດແລ້ວນີ້, ນັບແຕ່ທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນ ໄດ້ມອບສິດໃຫ້ທະນາຄານອຸດສາຫະກຳການຄ້າຈີນ ຫຼື ICBC ສາຂາສິງກະໂປ ເປັນທະນາຄານເປີດການຊຳລະສະສາງດ້ວຍເງິນຢວນຈີນມານີ້, ສິງກະໂປໄດ້ກາຍເປັນຈຸດສຸມທີ່ສື່ມວນຊົນຕ່າງປະເທດສົນໃຈນຳ. ມີນັກວິເຄາະຊີ້ອອກວ່າ, ປະຈຸບັນ, ການຄ້າລະຫວ່າງຊາດສ່ວນຫຼາຍແມ່ນຊຳລະສະສາງດ້ວຍເງິນໂດລາສະຫະລັດ, ເວລາເກີດມີວິກິດການການເງິນເຮັດໃຫ້ເງິນໂດລາຂາດເຂີນ, ເຮັດໃຫ້ການລະດົມທຶນສຳລັບການຄ້າທີ່ຊຳລະສະສາງດ້ວຍເງິນໂດລາມີຕົ້ນທຶນສູງຂຶ້ນ, ເງິນຢວນຈີນໄດ້ເປັນທາງເລືອກໃໝ່ເພື່ອຊຳລະສະສາງການຄ້າລະຫວ່າງຈີນກັບປະເທດອື່ນ.
ວັນທີ13ກຸມພານີ້, ທ່ານໂຈວ່ຈິ່ນຫຼົງ ຮອງຜູ້ອຳນວຍການໃຫຍ່ທະນາຄານອຸດສາຫະກຳການຄ້າຈີນສາຂາສິງກະໂປກ່າວວ່າ, ປະຈຸບັນ, ທະນາຄານອຸດສາຫະກຳການຄ້າຈີນສາຂາສິງກະໂປ ພວມຕັ້ງໜ້າກະກຽມວຽກງານຊຳລະສະສາງດ້ວຍເງິນຢວນຈີນຢ່າງຕັ້ງໜ້າ, ເຊິ່ງເປັນທະນາຄານແຫ່ງທຳອິດທີ່ຢູ່ນອກປະເທດຈີນທີ່ສາມາດດຳເນີນວຽກງານໃນຮູບການນີ້, ນີ້ເປັນຂີດໝາຍສະແດງໃຫ້ເຫັນວ່າ, ການໃຊ້ເງິນຢວນຈີນຢູ່ຕ່າງປະເທດໄດ້ຢ່ວງບາດກ້າວທີ່ໜັກແໜ້ນອີກກ້າວໜຶ່ງແລ້ວ.
ໃນຫຼາຍປີມໍ່ໆມານີ້, ເງິນຢວນຈີນພວມໄດ້ຮັບຄວາມສົນໃຈໃນເວທີສາກົນ, ຕະຫຼາດເງິນຢວນຈີນຢູ່ຕ່າງປະເທດໄດ້ພັດທະນາຢ່າງວ່ອງໄວ. ປະຈຸບັນ, ຮົງກົງແລະໄຕ້ຫວັນລ້ວນແຕ່ມີທະນາຄານທີ່ຮັບຊຳລະສະສາງດ້ວຍເງິນຢວນຈີນ, ສ່ວນຕະຫຼາດເງິນຢວນຈີນຢູ່ລອນດອນກໍໄດ້ພັດທະນາຢ່າງວ່ອງໄວທີ່ສຸດ.
ຊ່ຽວຊານເຫັນວ່າ, ຖ້າເງິນຢວນຈີນຢາກກາຍເປັນເງິນຕາສາກົນຄືກັນກັບເງິນໂດລາຫຼືເງິນປອນອັງກິດແລ້ວ, ຈະຕ້ອງປະກອບດ້ວຍ3ບາດກ້າວ ຄື: 1 ກາຍເປັນເງິນຕາຊຳລະສະສາງຂອງການຄ້າກັບຕ່າງປະເທດ, 2ແມ່ນກາຍເປັນເງິນຕາລະດົມທຶນ, 3ແມ່ນກາຍເປັນເງິນຕາສຳຮອງ.
ສິງກະໂປແມ່ນສູນການຄ້າເງິນຕາຕ່າງປະເທດໃຫຍ່ອັນດັບ4ຂອງໂລກ, ແລະແມ່ນຕະຫຼາດຄ້າຂາຍນ້ຳມັນເຊື້ອໄຟແລະສິນຄ້າງວດໃຫຍ່ທີ່ສຳຄັນຂອງອາຊີ, ປະຈຸບັນ, ວົງການວິຊາການລ້ວນແຕ່ເຫັນວ່າ, ເງິນຝາກທະນາຄານທີ່ເປັນເງິນຢວນຈີນຢູ່ສິງກະໂປພຽງແຕ່ມີຈຳນວນໜ້ອຍກວ່າແຜ່ນດິນໃຫຍ່ແລະຮົງກົງຈີນເທົ່ານັ້ນ. ການວິເຄາະຂອງຂ່າວສານລອຍເຕີເຫັນວ່າ, ພາຍຫຼັງທີ່ໄດ້ມີທະນາຄານທີ່ສາມາດຊຳລະສະສາງດ້ວຍເງິນຢວນຈີນແລ້ວ, ສິງກະໂປຈະສາມາດແຂ່ງຂັນກັບຮົງກົງໄດ້ຢ່າງຕັ້ງໜ້າກວ່າເກົ່າ ໃນການຄ້າທີ່ຄິດໄລ່ດ້ວຍເງິນຢວນຈີນທີ່ໄດ້ຂະຫຍາຍກວ້າງອອກເລື້ອຍໆແລະຕະຫຼາດຜະລິດຕະພັນການທະນາຄານ. ສ່ວນນັກວິເຄາະເຫັນວ່າ, ການແກ່ງແຍ່ງແບບນີ້ມີຜົນດີຕໍ່ການຊຸກຍູ້ຂະບວນການທີ່ໃຫ້ເງິນຢວນຈີນກາຍເປັນເງິນຕາສາກົນ.
ສິງກະໂປກໍມີຜົນສະທ້ອນຕໍ່ປະເທດອາຊຽນຕ່າງໆຢ່າງຫຼວງຫຼາຍ. ວິສາຫະກິດຂະໜາດໃຫຍ່ຂອງປະເທດຕ່າງໆ ເຊັ່ນ: ມະເລເຊຍ, ອິນໂດເນເຊຍແລະຟີລິບປິນເປັນຕົ້ນ ລ້ວນແຕ່ໄດ້ຕັ້ງສູນການເງິນແລະສູນດຳເນີນທຸລະກິດຢູ່ສິງກະໂປ, ວິສາຫະກິດເຫຼົ່ານີ້ມີການພົວພັນດ້ານການຄ້າແລະການລົງທຶນກັບຈີນຢ່າງແໜ້ນແຟ້ນ. ທ່ານສວນເຕີຈ້ຽນ ນັກວິເຄາະເສດຖະສາດຂອງທະນາຄານUOBຂອງສິງກະໂປກ່ວວ່າ, "ທະນາຄານອຸດສາຫະກຳການຄ້າຈີນສາຂາສິງກະໂປໄດ້ກາຍເປັນທະນາຄານທີ່ຊຳລະສະສາງທຸລະກິດເງິນຢວນຈີນຂອງສິງກະໂປ, ໄດ້ສ້າງຄວາມສະດວກໃຫ້ແກ່ທະນາຄານການຄ້າແລະວິສາຫະກິດຂອງສິງກະໂປ, ໄດ້ປະຢັດຕົ້ນທຶນໃນການຄ້າຂາຍ, ແລະສາມາດດຶງດູດນັກທຸລະກິດຫຼາຍກວ່າເກົ່າໃນການໃຊ້ເງິນຢວນຈີນມາຊຳລະສະສາງໃນການຄ້າຂາຍ."
ວັນທີ13ກຸມພານີ້, ທ່ານໂຈວ່ຈິ່ນຫຼົງ ຮອງຜູ້ອຳນວຍການໃຫຍ່ທະນາຄານອຸດສາຫະກຳການຄ້າຈີນສາຂາສິງກະໂປກ່າວວ່າ, ປະຈຸບັນ, ທະນາຄານອຸດສາຫະກຳການຄ້າຈີນສາຂາສິງກະໂປ ພວມຕັ້ງໜ້າກະກຽມວຽກງານຊຳລະສະສາງດ້ວຍເງິນຢວນຈີນຢ່າງຕັ້ງໜ້າ, ເຊິ່ງເປັນທະນາຄານແຫ່ງທຳອິດທີ່ຢູ່ນອກປະເທດຈີນທີ່ສາມາດດຳເນີນວຽກງານໃນຮູບການນີ້, ນີ້ເປັນຂີດໝາຍສະແດງໃຫ້ເຫັນວ່າ, ການໃຊ້ເງິນຢວນຈີນຢູ່ຕ່າງປະເທດໄດ້ຢ່ວງບາດກ້າວທີ່ໜັກແໜ້ນອີກກ້າວໜຶ່ງແລ້ວ.
ໃນຫຼາຍປີມໍ່ໆມານີ້, ເງິນຢວນຈີນພວມໄດ້ຮັບຄວາມສົນໃຈໃນເວທີສາກົນ, ຕະຫຼາດເງິນຢວນຈີນຢູ່ຕ່າງປະເທດໄດ້ພັດທະນາຢ່າງວ່ອງໄວ. ປະຈຸບັນ, ຮົງກົງແລະໄຕ້ຫວັນລ້ວນແຕ່ມີທະນາຄານທີ່ຮັບຊຳລະສະສາງດ້ວຍເງິນຢວນຈີນ, ສ່ວນຕະຫຼາດເງິນຢວນຈີນຢູ່ລອນດອນກໍໄດ້ພັດທະນາຢ່າງວ່ອງໄວທີ່ສຸດ.
ຊ່ຽວຊານເຫັນວ່າ, ຖ້າເງິນຢວນຈີນຢາກກາຍເປັນເງິນຕາສາກົນຄືກັນກັບເງິນໂດລາຫຼືເງິນປອນອັງກິດແລ້ວ, ຈະຕ້ອງປະກອບດ້ວຍ3ບາດກ້າວ ຄື: 1 ກາຍເປັນເງິນຕາຊຳລະສະສາງຂອງການຄ້າກັບຕ່າງປະເທດ, 2ແມ່ນກາຍເປັນເງິນຕາລະດົມທຶນ, 3ແມ່ນກາຍເປັນເງິນຕາສຳຮອງ.
ສິງກະໂປແມ່ນສູນການຄ້າເງິນຕາຕ່າງປະເທດໃຫຍ່ອັນດັບ4ຂອງໂລກ, ແລະແມ່ນຕະຫຼາດຄ້າຂາຍນ້ຳມັນເຊື້ອໄຟແລະສິນຄ້າງວດໃຫຍ່ທີ່ສຳຄັນຂອງອາຊີ, ປະຈຸບັນ, ວົງການວິຊາການລ້ວນແຕ່ເຫັນວ່າ, ເງິນຝາກທະນາຄານທີ່ເປັນເງິນຢວນຈີນຢູ່ສິງກະໂປພຽງແຕ່ມີຈຳນວນໜ້ອຍກວ່າແຜ່ນດິນໃຫຍ່ແລະຮົງກົງຈີນເທົ່ານັ້ນ. ການວິເຄາະຂອງຂ່າວສານລອຍເຕີເຫັນວ່າ, ພາຍຫຼັງທີ່ໄດ້ມີທະນາຄານທີ່ສາມາດຊຳລະສະສາງດ້ວຍເງິນຢວນຈີນແລ້ວ, ສິງກະໂປຈະສາມາດແຂ່ງຂັນກັບຮົງກົງໄດ້ຢ່າງຕັ້ງໜ້າກວ່າເກົ່າ ໃນການຄ້າທີ່ຄິດໄລ່ດ້ວຍເງິນຢວນຈີນທີ່ໄດ້ຂະຫຍາຍກວ້າງອອກເລື້ອຍໆແລະຕະຫຼາດຜະລິດຕະພັນການທະນາຄານ. ສ່ວນນັກວິເຄາະເຫັນວ່າ, ການແກ່ງແຍ່ງແບບນີ້ມີຜົນດີຕໍ່ການຊຸກຍູ້ຂະບວນການທີ່ໃຫ້ເງິນຢວນຈີນກາຍເປັນເງິນຕາສາກົນ.
ສິງກະໂປກໍມີຜົນສະທ້ອນຕໍ່ປະເທດອາຊຽນຕ່າງໆຢ່າງຫຼວງຫຼາຍ. ວິສາຫະກິດຂະໜາດໃຫຍ່ຂອງປະເທດຕ່າງໆ ເຊັ່ນ: ມະເລເຊຍ, ອິນໂດເນເຊຍແລະຟີລິບປິນເປັນຕົ້ນ ລ້ວນແຕ່ໄດ້ຕັ້ງສູນການເງິນແລະສູນດຳເນີນທຸລະກິດຢູ່ສິງກະໂປ, ວິສາຫະກິດເຫຼົ່ານີ້ມີການພົວພັນດ້ານການຄ້າແລະການລົງທຶນກັບຈີນຢ່າງແໜ້ນແຟ້ນ. ທ່ານສວນເຕີຈ້ຽນ ນັກວິເຄາະເສດຖະສາດຂອງທະນາຄານUOBຂອງສິງກະໂປກ່ວວ່າ, "ທະນາຄານອຸດສາຫະກຳການຄ້າຈີນສາຂາສິງກະໂປໄດ້ກາຍເປັນທະນາຄານທີ່ຊຳລະສະສາງທຸລະກິດເງິນຢວນຈີນຂອງສິງກະໂປ, ໄດ້ສ້າງຄວາມສະດວກໃຫ້ແກ່ທະນາຄານການຄ້າແລະວິສາຫະກິດຂອງສິງກະໂປ, ໄດ້ປະຢັດຕົ້ນທຶນໃນການຄ້າຂາຍ, ແລະສາມາດດຶງດູດນັກທຸລະກິດຫຼາຍກວ່າເກົ່າໃນການໃຊ້ເງິນຢວນຈີນມາຊຳລະສະສາງໃນການຄ້າຂາຍ."
