ເດັກອະນຸບານຮຽນຮູ້ຄວາມຮັກຄວາມແພງມາແຕ່ນ້ອຍ
ວັນທີ 14 ກຸມພານີ້ແມ່ນວັນແຫ່ງຄວາມຮັກຂອງປະເທດຝ່າຍຕາເວັນຕົກ, ເພື່ອສອນໃຫ້ເດັກນ້ອຍຮູ້ຈັກຄວາມຮັກຄວາມແພງ, ໂຮງຮຽນອະນຸບານ ວັດທະນາ ມົງແຕສໂຊຣີ ເລີຍຖືເອົາໂອກາດນີ້ນຳເອົາເຄື່ອງອຸປະກອນການຮຽນ ໄປມອບໃຫ້ແກ່ໂຮງຮຽນປະຖົມ( ຫ້ອງປໍກຽມ )ວຽງແກ້ວ ເມືອງໄຊທານີ. ກິດຈະກຳນີ້ໃສ່ຊື່ວ່າ "ເພື່ອນຊວ່ຍເພື່ອນ" ແມ່ນໄດ້ຈັດຂື້ນໂດຍໂຮງຮຽນອະນຸບານ ວັດທະນາ ມົງແຕສໂຊຣີ ເຊິ່ງເປັນສວ່ນໜື່ງຂອງຫຼັກສູດການສອນຂອງ ລະບົບມົງແຕສໂຊຣີ ເພື່ອສອນນັກຮຽນຂອງພວກເຂົາເຈົ້າໃຫ້ຮູ້ເຖິງຄຸນຄ່າຂອງການໃຫ້ຄວາມສຳຄັນຂອງການແບ່ງປັນກັບໝູ່ເພື່ອນໃນສັງຄົມ. ນັກຮຽນທີ່ມາຈາກໂຮງຮຽນອະນຸບານວັດທະນາມົງແຕສໂຊຣີ ໄດ້ລົງຢ້ຽມຢາມໂຮງຮຽນ ປະຖົມ( ຫ້ອງປໍກຽມ ) ວຽງແກ້ວ ແລະ ໄດ້ເຮັດກິດຈະກຳຮ່ວມກັນຄື: ການຫຼີນເກມ, ຮ້ອງເພງແລະອື່ນໆ.
ນັກຮຽນຂອງໂຮງຮຽນອະນຸບານວັດທະນາມົງແຕສໂຊຣີແລະໂຮງຮຽນປະຖົມ( ຫ້ອງປໍກຽມ ) ວຽງແກ້ວກຳລັງຫຼີນເກມຍາດຕັ່ງຮ່ວມກັນ.
ນັກຮຽນກຳລັງກິນອາຫານຫວ່າງຮ່ວມກັນຢູ່ທີ່ໂຮງຮຽນປະຖົມ( ຫ້ອງປໍກຽມ ) ວຽງແກ້ວ
ໂຮງຮຽນອະນຸບານວັດທະນາ ມົງແຕສໂຊຣີ ກຳລັງແບ່ງປັນອາຫານຫຼວ່າງແລະເຄື່ອງດື່ມໃຫ້ແກ່ນັກຮຽນໂຮງຮຽນປະຖົມ( ຫ້ອງປໍກຽມ ) ວຽງແກ້ວເນື່ອງໃນງານກິດຈະກຳ"ເພື່ອນຊ່ວຍເພື່ອນ".
