ການສະແດງຂອງຄະນະສິລະປະຈີນຢູ່ນະຄອນຫຼວງວຽງຈັນ
ວັນທີ 17 ກຸມພານີ້, ທີ່ຫໍວັດທະນະທຳແຫ່ງຊາດລາວ, ນະຄອນຫຼວງວຽງຈັນ, ທ່ານຟົງ ຈູກົວ ຫົວໜ້າຄະນະສິລະປະຈີນໄດ້ນຳພາຄະນະສິລະປະຈີນເດີນທາງມາສະແດງຢູ່ນະຄອນຫຼວງວຽງຈັນ,ໂດຍເປັນກຽດເຂົ້າຮ່ວມຂອງທ່ານອາຊາງ ລາວລີ,ກະມະການກົມການເມືອງສູນກາງພັກ,ຮອງນາຍົກລັດຖະມົນຕີລາວ,ທ່ານ ບໍ່ແສງຄຳ ວົງດາລາ,ລັດຖະມົນຕີກະຊວງຖະແຫຼງຂ່າວ,ວັດທະນະທຳແລະທ່ອງທ່ຽວ,ທ່ານນາງປູ ຈ້ຽນກົວ,ເອກອັກຄະລະຖະທູດຈີນປະຈຳລາວ, ມີບັນດາແຂກຖືກເຊີນ,ສື່ມວນຊົນ ແລະ ຊາວນະຄອນຫຼວງວຽງຈັນເຂົ້າຮ່ວມຢ່າງຫຼວງຫຼາຍ,ເຊິ່ງຄະນະສິລະປະຈີນທີ່ມາສະແດງຢູ່ນະຄອນຫຼວງວຽງຈັນຄັ້ງນີ້ແມ່ນຫ້ອງວ່າການວຽກງານຈີນຕ່າງດ້າວຂອງຄະນະລັດຖະບານຈີນແລະສະມາຄົມແລກປ່ຽນກັບຕ່າງປະເທດຂອງຈີນຮ່ວມກັນມອບໝາຍໃຫ້ຫ້ອງວ່າການວຽກງານຈີນຕ່າງດ້າວເຂດປົກຄອງຕົນເອງເຜົ່າຈ້ວງກວາງຊີຈີນຈັດຂຶ້ນຢູ່ພາກພື້ນອາຊຽນ, ເພື່ອຢ້ຽມຢາມແລະອວຍພອນບຸນກຸດຈີນໃຫ້ແກ່ຄົນຈີນຢູ່ລາວແລະຄົນລາວເຊື້ອສາຍຈີນ.
ການແດງຂອງຄະນະສິລະປະຈີນເຊິ່ງນຳໂດຍທ່ານ ຟົງ ຈູກົວນຳມາສະແດງໃນຄັ້ງນີ້, ລວມມີການສະແດງບົດເພງ, ຟ້ອນ,ລະຄອນຕຸກກະຕາປ່ຽນໃບໜ້າ, ແລະ ວິທະຍາກົນ ແລະອື່ນໆ.ຜ່ານການສະແດງມັນໄດ້ສ້າງຄວາມຕື່ນຕາຕື່ນໃຈໃຫ້ແກ່ຜູ້ເຂົ້າຊົມຢ່າງຫຼວງຫຼາຍໂດຍສະເພາະແມ່ນລະຄອນຕຸກກະຕາປ່ຽນໜ້າ ແລະ ວິທະຍາກົນທີ່ໄດ້ຮັບສຽງຄົບມືຈາກຜູ້ເຂົ້າຊົມຢ່າງຟົດສະນັ່ນຫວັ່ນໄຫວ.ນອກນັ້ນ,ການສະແດງໃນຄັ້ງນີ້ຍັງເພື່ອເປັນການອວຍພອນປີໃໝ່ໃຫ້ແກ່ພີ່ນ້ອງຊາວຈີນ,ຄົນລາວທີ່ມີເຊື້ອສາຍຈີນແລະ ຜູ້ເຂົ້າຊົມອີກດ້ວຍ.
