ທ່ານຊິນໂຈ ອາເບະເດີນທາງຢ້ຽມຢາມອາເມລິກາ
(GMT+08:00) 2013-02-21 16:19:06 cri
ຕາມຂ່າວCRI: ທ່ານຊິນໂຈ ອາເບະ,ນາຍົກລັດຖະມົນຕີຍີ່ປຸ່ນເດີນທາງໄປຢ້ຽມຢາມອາເມລິກາໃນວັນທີ21ກຸມພານີ້,ແລະມີແຜນຈະຈັດການເຈລະຈາກັບທ່ານບາຣັກ ໂອບາມາ,ປະ ທານາທິບໍດີອາເມລິກາຢູ່ວໍຊິງຕັນ.ສື່ຍີ່ປຸ່ນເຫັນໂດຍທົ່ວໄປວ່າ,ໃນເວລາເຈລະຈາ,ທ່ານຊິນໂຈ ອາເບະຈະແລກປ່ຽນຄວາມເຫັນກັບທ່ານໂອບາມາກ່ຽວກັບບັນຫາດ້ານການຮັກສາຄວາມໝັ້ນຄົງແລະເສດຖະກິດ,ຈຸດປະສົງຕົ້ນຕໍແມ່ນເພື່ອສະແດງໃຫ້ທົ່ວໂລກເຫັນການພົວພັນອັນໝັ້ນແກ່ນຂອງພັນທະມິດຍີ່ປຸ່ນອາເມລິກາ,ຊຶ່ງເປັນວິທີຮັບມືກັບການປ່ຽນແປງ ຂອງສະຖານະການອາຊີຕາເວັນອອກ.
ສື່ຍີ່ປຸ່ນຍັງເຜີຍໃຫ້ຮູ້ວ່າ,ໃນການເຈລະຈາ,ຜູ່ນຳຂອງຍີ່ປຸ່ນແລະອາເມລິກາຈະແລກປ່ຽນຄວາມເຫັນກ່ຽວກັບທິດທາງນະໂຍບາຍໃນຂົງເຂດການຕ່າງປະເທດ,ຮັກສາຄວາມໝັ້ນຄົງ,ເສດຖະກິດແລະພະລັງງານ,ຫົວຂໍ້ຕົ້ນຕໍມີ:ບັນຫານິວເຄຼຍແຫຼມເກົາຫຼີ,ບັນຫາຍ້າຍບ່ອນຂອງສະໜາມບິນກອງທັບອາເມລິກາປະຈຳຍີ່ປຸ່ນທີ່ຟູເທັນມາ,ພ້ອມດ້ວຍບັນຫາທີ່ຍີ່ປຸ່ນຈະເຂົ້າຮ່ວມສັນຍາການພົວພັນຄູ່ຮ່ວມມືຍຸດທະສາດເສດຖະກິດຂ້າມປາຊິຟິກຫຼືບໍ່ເປັນຕົ້ນ.
ນອກນີ້,ພາຍຫຼັງການເຈລະຈາລະຫວ່າງຜູ່ນຳຂອງສອງປະເທດ,ທ່ານຟູມິໂອ ຄິຊິດະ,ລັດຖະມົນຕີວ່າການກະຊວງການຕ່າງປະເທດຍີ່ປຸ່ນຍັງຈະຈັດການເຈລະຈາກັບທ່ານຈອນ ຟອບສ໌ ເຄຣີ,ລັດຖະມົນຕີວ່າການກະຊວງການຕ່າງປະເທດອາເມລິກາເປັນເທື່ອທຳອິດ.
ສື່ຍີ່ປຸ່ນຍັງເຜີຍໃຫ້ຮູ້ວ່າ,ໃນການເຈລະຈາ,ຜູ່ນຳຂອງຍີ່ປຸ່ນແລະອາເມລິກາຈະແລກປ່ຽນຄວາມເຫັນກ່ຽວກັບທິດທາງນະໂຍບາຍໃນຂົງເຂດການຕ່າງປະເທດ,ຮັກສາຄວາມໝັ້ນຄົງ,ເສດຖະກິດແລະພະລັງງານ,ຫົວຂໍ້ຕົ້ນຕໍມີ:ບັນຫານິວເຄຼຍແຫຼມເກົາຫຼີ,ບັນຫາຍ້າຍບ່ອນຂອງສະໜາມບິນກອງທັບອາເມລິກາປະຈຳຍີ່ປຸ່ນທີ່ຟູເທັນມາ,ພ້ອມດ້ວຍບັນຫາທີ່ຍີ່ປຸ່ນຈະເຂົ້າຮ່ວມສັນຍາການພົວພັນຄູ່ຮ່ວມມືຍຸດທະສາດເສດຖະກິດຂ້າມປາຊິຟິກຫຼືບໍ່ເປັນຕົ້ນ.
ນອກນີ້,ພາຍຫຼັງການເຈລະຈາລະຫວ່າງຜູ່ນຳຂອງສອງປະເທດ,ທ່ານຟູມິໂອ ຄິຊິດະ,ລັດຖະມົນຕີວ່າການກະຊວງການຕ່າງປະເທດຍີ່ປຸ່ນຍັງຈະຈັດການເຈລະຈາກັບທ່ານຈອນ ຟອບສ໌ ເຄຣີ,ລັດຖະມົນຕີວ່າການກະຊວງການຕ່າງປະເທດອາເມລິກາເປັນເທື່ອທຳອິດ.
