ຍີ່ປຸ່ນຕິດຕາມກ່ຳປັ່ນແລະຍົນຂອງຈີນຢ່າງໃກ້ຊິດເປັນໄລຍະຍາວນານແມ່ນສາເຫດຕົ້ນຕໍທີ່ເຮັດໃຫ້ເກີດບັນຫາຄວາມປອດໄພທາງທະເລລະຫວ່າງຈີນກັບຍີ່ປຸ່ນ
(GMT+08:00) 2013-02-28 18:13:04 cri
ໃນງານຖະແຫຼງຂ່າວຂອງກະຊວງປ້ອງກັນປະເທດຈີນທີ່ຈັດຂຶ້ນໃນວັນທີ 28 ກຸມພານີ້,ທ່ານເກີງຢ້ຽນເຊິ່ງ ໂຄສົກກະຊວງປ້ອງກັນປະເທດຈີນກ່າວວ່າ: ໃນໄລຍະດົນນານມານີ້,ຍີ່ປຸ່ນໄດ້ຕິດຕາມຢ່າງໃກ້ຊິດຕໍ່ກ່ຳປັ່ນແລະຍົນຂອງຈີນທີ່ປະຕິບັດໜ້າທີ່ແລະການຝຶກຊ້ອມຕາມປົກກະຕິຢູ່ເຂດທະເລທີ່ກ່ຽວຂ້ອງ,ນີ້ເປັນສາເຫດຕົ້ນຕໍທີ່ເຮັດໃຫ້ເກີດມີບັນຫາຄວາມປອດໄພທາງທະເລລະຫວ່າງຈີນກັບຍີ່ປຸ່ນ.
ຫວ່າງແລ້ວນີ້,ລັດຖະມົນຕີກະຊວງປ້ອງກັນປະເທດຍີ່ປຸ່ນໄດ້ພົບປະເຈລະຈາກັບລັດຖະມົນຕີກອງທັບເຮືອອາເມລິກາໂດຍໄດ້ປຶກສາຫາລືບັນຫາກ່ຽວກັບກົນໄກສື່ສານທາງທະເລເພື່ອຫຼີກເວັ້ນບໍ່ໃຫ້ກອງປ້ອງກັນຕົນເອງຍີ່ປຸ່ນກັບກອງທັບຈີນເກີດການປະທະກັນໂດຍບັງເອີນ, ຝ່າຍຍີ່ປຸ່ນກ່າວວ່າຫວັງຢາກໄດ້ຮັບການຊ່ວຍເຫຼືອຈາກອາເມລິກາ.ກ່ອນໄປຢ້ຽມຢາມອາເມລິກາ,ທ່ານຊິນໂຈ ອາເບະ ນາຍົກລັດຖະມົນຕີຍີ່ປຸ່ນໄດ້ກ່າວຖ້ອຍຄວາມແຂງກະດ້າງຕໍ່ຈີນ.
ກ່ຽວກັບເລື່ອງນີ້,ທ່ານເກີງຢ້ຽນເຊິ່ງກ່າວວ່າ ຈີນໄດ້ເອົາໃຈໃສ່ບັນຫາຄວາມປອດໄພທາງທະເລມາໂດຍຕະຫຼອດ,ຈີນຫວັງວ່າເຫດການທີ່ບໍ່ຄາດຫວັງທາງທະເລຄົງຈະບໍ່ເກີດຂຶ້ນ.ແຕ່ວ່າ ຜູ້ນຳຍີ່ປຸ່ນກ່າວຖ້ອຍຄວາມທີ່ທ້າທາຍເກາະຜິດ ເລື້ອຍໆເວົ້າທີ່ວ່າ: ຈີນເປັນໄພຂົ່ມຂູ່,ພົ້ນເດັ່ນບັນຫາການທະຫານແລະມີເຈດຕະນາກໍ່ການເປັນປໍລະປັກກັນທາງດ້ານການທະຫານ.ປະຈຸບັນ,ຍີ່ປຸ່ນຄວນລະມັດລະວັງທັງຄວາມເວົ້າແລະການກະທຳຂອງຕົນເອງ,ຢຸດຕິການກ່າວຖ້ອຍຄວາມທີ່ບໍ່ຖືກຕ້ອງແລະບໍ່ມີມູນຄວາມຈິງ,ເພື່ອແກ້ໄຂບັນຫາຕ່າງໆເປັນຕົ້ນແມ່ນບັນຫາເກາະຕ້ຽວອີໃຫ້ຖືກຕ້ອງເໝາະສົມ,ໃຊ້ມາດຕະການຕົວຈິງເພື່ອສ້າງເງື່ອນໄຂໃຫ້ແກ່ການປັບປຸງການພົວພັນລະຫວ່າງສອງຝ່າຍໃຫ້ດີຂຶ້ນ.
ຫວ່າງແລ້ວນີ້,ລັດຖະມົນຕີກະຊວງປ້ອງກັນປະເທດຍີ່ປຸ່ນໄດ້ພົບປະເຈລະຈາກັບລັດຖະມົນຕີກອງທັບເຮືອອາເມລິກາໂດຍໄດ້ປຶກສາຫາລືບັນຫາກ່ຽວກັບກົນໄກສື່ສານທາງທະເລເພື່ອຫຼີກເວັ້ນບໍ່ໃຫ້ກອງປ້ອງກັນຕົນເອງຍີ່ປຸ່ນກັບກອງທັບຈີນເກີດການປະທະກັນໂດຍບັງເອີນ, ຝ່າຍຍີ່ປຸ່ນກ່າວວ່າຫວັງຢາກໄດ້ຮັບການຊ່ວຍເຫຼືອຈາກອາເມລິກາ.ກ່ອນໄປຢ້ຽມຢາມອາເມລິກາ,ທ່ານຊິນໂຈ ອາເບະ ນາຍົກລັດຖະມົນຕີຍີ່ປຸ່ນໄດ້ກ່າວຖ້ອຍຄວາມແຂງກະດ້າງຕໍ່ຈີນ.
ກ່ຽວກັບເລື່ອງນີ້,ທ່ານເກີງຢ້ຽນເຊິ່ງກ່າວວ່າ ຈີນໄດ້ເອົາໃຈໃສ່ບັນຫາຄວາມປອດໄພທາງທະເລມາໂດຍຕະຫຼອດ,ຈີນຫວັງວ່າເຫດການທີ່ບໍ່ຄາດຫວັງທາງທະເລຄົງຈະບໍ່ເກີດຂຶ້ນ.ແຕ່ວ່າ ຜູ້ນຳຍີ່ປຸ່ນກ່າວຖ້ອຍຄວາມທີ່ທ້າທາຍເກາະຜິດ ເລື້ອຍໆເວົ້າທີ່ວ່າ: ຈີນເປັນໄພຂົ່ມຂູ່,ພົ້ນເດັ່ນບັນຫາການທະຫານແລະມີເຈດຕະນາກໍ່ການເປັນປໍລະປັກກັນທາງດ້ານການທະຫານ.ປະຈຸບັນ,ຍີ່ປຸ່ນຄວນລະມັດລະວັງທັງຄວາມເວົ້າແລະການກະທຳຂອງຕົນເອງ,ຢຸດຕິການກ່າວຖ້ອຍຄວາມທີ່ບໍ່ຖືກຕ້ອງແລະບໍ່ມີມູນຄວາມຈິງ,ເພື່ອແກ້ໄຂບັນຫາຕ່າງໆເປັນຕົ້ນແມ່ນບັນຫາເກາະຕ້ຽວອີໃຫ້ຖືກຕ້ອງເໝາະສົມ,ໃຊ້ມາດຕະການຕົວຈິງເພື່ອສ້າງເງື່ອນໄຂໃຫ້ແກ່ການປັບປຸງການພົວພັນລະຫວ່າງສອງຝ່າຍໃຫ້ດີຂຶ້ນ.
