ພິທີເປີດຫ້ອງການຕະຫຼາດຂອງ NAKHONE SHOPPING PLAZA
ໃນຕອນເຊົ້າຂອງວັນທີ 1 ມີນາ ນີ້, ສູນການຄ້າ ນະຄອນຊັບຊ໋ອບປີ້ງພຣາຊາ ໄດ້ເປີດບໍລິການຂອງຫ້ອງການຕະຫຼາດຢ່າງເປັນທາງການ.
ສູນການຄ້າ ນະຄອນຊັບຊ໋ອບປີ້ງພຣາຊາແມ່ນ ບໍລິສັດ ຮວາເສີນລົງທຶນ ພັດທະນາ(ລາວ) ຈໍາກັດ ແລະ ບໍລິສັດກຸ່ມນະຄອນຊັບຈໍາກັດເປັນຜູ້ລົງທຶນ.
ປະທານບໍລິສັດຮວາເສີນລົງທຶນພັດທະນາ(ລາວ)ຈຳກັດແຈ້ງໃຫ້ຊາບວ່າ,ນະຄອນຊັບ SHOPPING ພຣາຊາ ຈະເປັນຈຸດທີ່ຕັ້ງໃໝ່ທີ່ໂດດເດັ່ນໃນນະຄອນຫຼວງວຽງຈັນ, ທັງເປັນສະຖານທີ່ ຊື້ສິນຄ້າ ທີ່ທັນສະໄໝ ແລະ ມີ ຕຶກອາຄານ ທີ່ມີ 6 ຊັ້ນ, ເປັນສູນການຄ້າທີ່ຄົບວົງຈອນ ທີ່ມີລັກສະນະໃຫຍ່ທີ່ສຸດ, ລະດັບສູງທີ່ສຸດ, ການກໍ່ສ້າງໄວທີ່ສຸດ, ຮູບແບບອາຄານງາມທີ່ສຸດ ໃນປັດຈຸບັນ
ທ່ານກ່າວຕື່ມອີກວ່າ,ນະຄອນຊັບ SHOPPING ພຣາຊາ ມີມູນຄ່າການລົງທຶນທັງໝົດ 80 ລ້ານໂດລາສະຫະລັດ, ຄາດວ່າພາຍໃນປີ2013ນີ້ຈະໄດ້ເປີດບໍລິການຢ່າງເປັນທາງການ.ຮອດເວລານັ້ນ,ໂຄງການຈະສາມາດປະກອບສ່ວນທາງດ້ານພາສີອາກອນໃຫ້ພາກລັດ, ສະໜອງຕຳແໜ່ງວຽກເຮັດງານທໍາໃຫ້ຢ່າງໜ້ອຍ 5000 ຄົນ, ພ້ອມທັງສົ່ງເສີມການເຕີບໂຕທາງ GDP (ຍອດພະລິດຕະພັນພາຍໃນ) ຂອງນະຄອນຫລວງວຽງຈັນອີກດ້ວຍ. ຫຼັງຈາກສ້າງສຳເລັດແລ້ວ,ນະຄອນຊັບ SHOPPING ພຣາຊາສາມາດຕອບສະໜອງຄວາມຮຽກຮ້ອງຕ້ອງການຂອງປະຊາຊົນນະຄອນຫລວງວຽງຈັນ, ເຊິ່ງຈະເປັນການດຶງດູດເງີນລົງທຶນ, ບຸກຄະລາກອນທີ່ມີຄວາມຮູ້ຄວາມສາມາດ, ແຫລງຂໍ້ມູນຂ່າວສານ ແລະ ສິ່ງອື່ນໆ ລວມທັງການນໍາເອົາສິນຄ້າ ແລະ ປະສົບການການຄຸ້ມຄອງບໍລິຫານທີ່ທັນສະໄໝເຂົ້າມາໃນນະຄອນຫລວງວຽງຈັນ, ພ້ອມນັ້ນກໍ່ຈະເປັນການປະກອບສ່ວນອັນສໍາຄັນໜຶ່ງ ໃນການພັດທະນາຕົວເມືອງນະຄອນຫລວງວຽງຈັນອີກດ້ວຍ.
