ເອກອັກຄະລັດຖະທູດຈີນປະຈຳຍີ່ປຸ່ນກ່າວວ່າ ຈີນແລະຍີ່ປຸ່ນຄວນແກ້ໄຂບັນຫາໂດຍສັນຕິ ຫຼີກເວັ້ນການປະທະກັນ
(GMT+08:00) 2013-03-04 11:28:42 cri
ວັນທີ3ມີນານີ້, ຢູ່ທີ່ປັກກິ່ງ,ທ່ານເສີງໂຢງຮວາ, ກຳມະການສະພາປຶກສາການເມືອງປະຊາຊົນແຫ່ງຊາດຈີນ ເອກອັກຄະລັດຖະທູດຈີນປະຈຳຍີ່ປຸ່ນກ່າວວ່າ, ປະຈຸບັນ, ການພົວພັນລະຫວ່າງຈີນ-ຍີ່ປຸ່ນຢູ່ໃນສະພາບທີ່ບໍ່ດີນັບແຕ່ການຟື້ນຟູການພົວພັນລະຫວ່າງຈີນ-ຍີ່ປຸ່ນເປັນປົກກະຕິໃນປີ1972ເປັນຕົ້ນມາ, ຫວັງໃຫ້ຝ່າຍຍີ່ປຸ່ນສະແດງອອກຄວາມຈິງໃຈ, ຮ່ວມກັບຝ່າຍຈີນພອ້ມກັນທຳຄວາມພະຍາຍາມເພື່ອປ້ອງກັນບໍ່ໃຫ້ເກີດມີການປະທະກັນ, ຄວບຄຸມແລະແກ້ໄຂບັນຫາເກາະຕ້ຽວອີຢ່າງເໝາະສົມ, ຊຸກຍູ້ໃຫ້ການພົວພັນທັງສອງປະເທດກັບຄືນເສັ້ນທາງພັດທະນາທີ່ປອດໄພແລະໝັ້ນທ່ຽງເປັນກ້າວໆ.
ໂດຍແນໃສ່ຄຳເວົ້າຂອງຝ່າຍຍີ່ປຸ່ນວ່າຣາດາຄວບຄຸມກຳລັງໄຟຂອງກຳປັ່ນຮົບຈີນເລັງໃສ່ກຳປັ່ນຮົບແລະຍົນຂອງຍີ່ປຸ່ນ, ທ່ານເສີງໂຢງຮວາກ່າວວ່າ, ຜ່ານການສຳຫຼວດກວດກາຄືນໃໝ່ຢ່າງຕັ້ງໜ້າ, ຄຳກ່າວຫາຂອງຝ່າຍຍີ່ປຸ່ນແມ່ນການເວົ້າທີ່ບໍ່ມີມູນຄວາມຈິງ. ທ່ານກ່າວວ່າ, ຝ່າຍຍີ່ປຸ່ນຮຽກໂຮມສື່ລາຍງານຄຳເວົ້າທີ່ກ່ຽວຂ້ອງຕໍ່ຕ່າງປະເທດຝ່າຍດຽວໂດຍເວັ້ນຜ່ານຊ່ອງທາງການຕ່າງປະເທດຢ່າງເປັນປົກກະຕິ, ຈຸດປະສົງແມ່ນເພື່ອສ້າງບັນຍາກາດເພີ່ມຄວາມເຄັ່ງຕຶງຢູ່ພາກພື້ນ, ປຸກລະດົມຈິດໃຈຂອງປະຊາຊົນຍີ່ປຸ່ນ, ພາໃຫ້ຫາງສຽງສາກົນເຂົ້າໃຈຜິດຕໍ່ຈີນ, ເຮັດໃຫ້ພາບພົດຂອງຈີນຖືກເບິ່ງໄປໃນທາງທີ່ບໍ່ດີຕົກຢູ່ໃນເງົາມືດ. ທ່ານເສີງໂຢງຮວາກ່າວວ່າ, ຈີນຍຶດໝັ້ນການພັດທະນາໂດຍສັນຕິ, ແຕ່ໃນບັນຫາທີ່ກ່ຽວພັນເຖິງອະທິປະໄຕທາງດ້ານດິນແດນ,ຈີນຈະບໍ່ຍອມຖອຍຫຼັງແມ່ນແຕ່ໜ້ອຍດຽວຢ່າງເດັດຂາດ.
ໂດຍແນໃສ່ຄຳເວົ້າຂອງຝ່າຍຍີ່ປຸ່ນວ່າຣາດາຄວບຄຸມກຳລັງໄຟຂອງກຳປັ່ນຮົບຈີນເລັງໃສ່ກຳປັ່ນຮົບແລະຍົນຂອງຍີ່ປຸ່ນ, ທ່ານເສີງໂຢງຮວາກ່າວວ່າ, ຜ່ານການສຳຫຼວດກວດກາຄືນໃໝ່ຢ່າງຕັ້ງໜ້າ, ຄຳກ່າວຫາຂອງຝ່າຍຍີ່ປຸ່ນແມ່ນການເວົ້າທີ່ບໍ່ມີມູນຄວາມຈິງ. ທ່ານກ່າວວ່າ, ຝ່າຍຍີ່ປຸ່ນຮຽກໂຮມສື່ລາຍງານຄຳເວົ້າທີ່ກ່ຽວຂ້ອງຕໍ່ຕ່າງປະເທດຝ່າຍດຽວໂດຍເວັ້ນຜ່ານຊ່ອງທາງການຕ່າງປະເທດຢ່າງເປັນປົກກະຕິ, ຈຸດປະສົງແມ່ນເພື່ອສ້າງບັນຍາກາດເພີ່ມຄວາມເຄັ່ງຕຶງຢູ່ພາກພື້ນ, ປຸກລະດົມຈິດໃຈຂອງປະຊາຊົນຍີ່ປຸ່ນ, ພາໃຫ້ຫາງສຽງສາກົນເຂົ້າໃຈຜິດຕໍ່ຈີນ, ເຮັດໃຫ້ພາບພົດຂອງຈີນຖືກເບິ່ງໄປໃນທາງທີ່ບໍ່ດີຕົກຢູ່ໃນເງົາມືດ. ທ່ານເສີງໂຢງຮວາກ່າວວ່າ, ຈີນຍຶດໝັ້ນການພັດທະນາໂດຍສັນຕິ, ແຕ່ໃນບັນຫາທີ່ກ່ຽວພັນເຖິງອະທິປະໄຕທາງດ້ານດິນແດນ,ຈີນຈະບໍ່ຍອມຖອຍຫຼັງແມ່ນແຕ່ໜ້ອຍດຽວຢ່າງເດັດຂາດ.
