ທ່ານທິນອູ,ເອກອັກຄະລັດຖະທູດມຽນມາປະຈຳຈີນຕີລາຄາສູງຕໍ່ຜົນສຳເລັດທີ່ຈີນໄດ້ຮັບໃນການພັດທະນາເສດຖະກິດສັງຄົມ
(GMT+08:00) 2013-03-07 16:25:05 cri
ຕາມຂ່າວCRI:ວັນທີ6ມີນານີ້,ໃນເວລາໃຫ້ສຳພາດຕໍ່ນັກຂ່າວCRIຢູ່ປັກກິ່ງ,ທ່ານທິນອູ, ເອກອັກຄະລັດຖະທູດມຽນມາປະຈຳຈີນກ່າວວ່າ,ທ່ານໄດ້ເຂົ້າຮ່ວມພິທີໄຂກອງປະຊຸມຄັ້ງທຳອິດຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ12ຢູ່ຫໍສະພາປະຊາຊົນໃນນາມແຂກຮັບເຊີນ,ທ່ານເຫັນວ່າ,ບົດລາຍງານວຽກງານລັດຖະບານທີ່ສະເໜີໂດຍທ່ານເວີ່ນເຈ່ຍປາວ,ນາຍົກລັດຖະມົນຕີຈີນມີເນື້ອໃນອຸດົມສົມບູນທີ່ສຸດ,ຊຶ່ງໄດ້ພົວພັນເຖິງດ້ານຕ່າງໆຂອງຈີນ ເປັນຕົ້ນແມ່ນ:ການເມືອງແລະເສດຖະກິດ.ລັດຖະບານຈີນສາມາດເຮັດໃຫ້ປະເທດທີ່ມີປະຊາກອນ1ຕື້300ລ້ານຄົນນັ້ນຮັກສາການພັດທະນາຂອງເສດຖະກິດແລະສັງຄົມ,ນີ້ແມ່ນເລື່ອງທີ່ໜ້າສົນໃຈເປັນພິເສດ.
