ຄະນະລັດຖະບານຈີນຈະຫັນປ່ຽນພາລະບົດບາດຈາກ 6 ດ້ານ
(GMT+08:00) 2013-03-10 14:00:34 cri
ແຜນການປະຕິຮູບແລະຫັນປ່ຽນພາລະບົດບາດຂອງຄະນະລັດຖະບານທີ່ຄະນະລັດຖະບານຈີນນຳສະເຫນີໃຫ້ກອງປະຊຸມຄັ້ງທີ 1 ຂອງສະພາຜູ່ແທນປະຊາຊົນແຫ່ງຊາດຈີນຊຸດທີ 12 ພິຈາລະນາໃນວັນທີ 10 ມີນານີ້ຊີ້ອອກວ່າ,ການຫັນປ່ຽນບົດບາດຂອງລັດຖະບານແມ່ນເນື້ອໃນໃຈກາງຂອງການປະຕິຮູບລະບົບການບໍລິຫານ,ການຫັນປ່ຽນພາລະບົດບາດຂອງອົງການຕ່າງໆຂອງຄະນະລັດຖະບານຕ້ອງແກ້ໄຂການພົວພັນລະຫວ່າງລັດຖະບານກັບຕະຫລາດ,ລັດຖະບານກັບສັງຄົມແລະສູນກາງກັບທ້ອງຖີ່ນໃຫ້ດີ.
ແຜນການດັ່ງກ່າວໄດ້ວາງມາດຕະການຈາກ 6 ດ້ານໂດຍແນໃສ່ບັນຫາທີ່ພົ້ນເດັ່ນໃນພາລະບົດບາດຂອງອົງການຄະນະລັດຖະບານ, ເຊິ່ງ ລວມທັງ:ເສີມຂະຫຍາຍບົດບາດພື້ນຖານຂອງຕະຫລາດໃນການຈັດສັນຊັບພະຍາກອນ, ລະດັມຄວາມຫ້າວຫັນຂອງວິສາຫະກິດແລະສ່ວນບຸກຄົນໃນການສ້າງພາລະກິດ;ເສີມຂະຫຍາຍບົດບາດຂອງກຳລັງສັງຄົມໃນການຄຸ້ມຄອງບໍລິຫານວຽກງານສັງຄົມ, ເລັ່ງລັດສ້າງລະບຽບການອົງການຈັດຕັ້ງສັງຄົມທີ່ທັນສະໄຫມທີ່ໃຫ້ລັດຖະບານກັບອົງການຈັດຕັ້ງສັງຄົມແຍກອອກຈາກກັນ, ກຳນົດສິດທິແລະຫນ້າທີ່ຮັບຜິດຊອບຢ່າງຈະແຈ້ງ,ແລະປົກຄອງຕົນເອງຕາມກົດຫມາຍ;ເສີມຂະຫຍາຍຄວາມຫ້າວຫັນຂອງສູນກາງແລະທ້ອງຖີ່ນ,ໃຫ້ອົງການປົກຄອງທ້ອງຖີ່ນສາມາດເສີມຂະຫຍາຍທ່າແຮງທີ່ໃກ້ຊິດຕິດແທດກັບຮາກຖານແລະຄຸ້ມຄອງຢ່າງຕິດແທດຕົວຈິງ;ປັບປຸງການຈັດສັນບົດບາດຕ່າງໆໃຫ້ດີ;ປບປຸງແລະເສີມຂະຫຍາຍການຄຸ້ມຄອງບໍລິຫານດ້ານມະຫາພາກ;ເສີມະຂຫຍາຍການກໍ່ສ້າງດ້ານລະບຽບການແລະບໍລິຫານງານຕາມກົດຫມາຍ.