ຈີນຈະປັບປຸງກົມທະເລແຫ່ງຊາດຄືນໃໝ່
(GMT+08:00) 2013-03-11 10:47:34 cri
ອີງຕາມແຜນການປະຕິຮູບອົງການລັດຖະບານຈີນແລະປ່ຽນແປງພາລະບົດບາດທີ່ປະກາດໃນວັນທີ10ມີນານີ້, ຈີນຈະປັບປຸງກົມທະເລແຫ່ງຊາດຄືນໃໝ່, ຊຸກຍູ້ການປະຕິບັດກົດໝາຍທາງທະເລເປັນເອກະພາບກັນ.
ອີງຕາມແຜນການ, ຈະປັບປຸງຖັນແຖວແລະພາລະບົດບາດຂອງກົມທະເລແຫ່ງຊາດຈີນພ້ອມດ້ວຍກອງຕິດຕາມກວດກາທາງທະເລຈີນ, ຕຳຫຼວດທາງທະເລປ້ອງກັນຊາຍແດນຂອງກະຊວງປ້ອງກັນຄວາມສະຫງົບ, ກອງຄຸ້ມຄອງວຽກງານການປະມົງຈີນຂອງກະຊວງກະສິກຳແລະຕຳຫຼວດປາບປາມການຄ້າເຖື່ອນທາງທະເລຂອງກົມໃຫຍ່ດ່ານພາສີຈີນເຂົ້າເປັນອົງການດຽວກັນ, ສ້າງເປັນກົມທະເລແຫ່ງຊາດໃໝ່. ພາລະບົດບາດຕົ້ນຕໍແມ່ນ: ວາງແຜນການການພັດທະນາທາງທະເລ, ປົກປ້ອງສິດແລະປະຕິບັດກົດໝາຍທາງທະເລ, ຕິດຕາມກວດກາແລະຄຸ້ມຄອງການນຳໃຊ້ເຂດທະເລ, ອະນຸລັກສິ່ງແວດລ້ອມທາງທະເລແລະອື່ນໆ. ກົມທະເລແຫ່ງຊາດຈີນຈະດຳເນີນການປົກປ້ອງສິດແລະປະຕິບັດກົດໝາຍທາງທະເລໃນນາມກົມຕຳຫຼວດທາງທະເລຈີນ, ແລະຮັບການຊີ້ນຳວຽກງານຂອງກະຊວງປ້ອງກັນຄວາມສະຫງົບຈີນ.
ນັກວິເຄາະເຫັນວ່າ: ນີ້ແມ່ນແຜນການລະດັບສູງສຸດທີ່ສຳຄັນຂອງຈີນໃນຍຸດທະສາດ ທີ່"ສ້າງເປັນປະເທດທີ່ເຂັ້ມແຂງທາງທະເລ", ເພື່ອຊຸກຍູ້ການພັດທະນາເສດຖະ ກິດທາງທະເລໃຫ້ດີກວ່າເກົ່າ, ປົກປັກຮັກສາສິດແລະຜົນປະໂຫຍດທາງທະເລ.