ຕາມຂ່າວສານຊິນຮວາ: ວັນທີ11ມີນານີ້, ໃນເວລາເຂົ້າຮ່ວມກອງປະຊຸມຄົບຄະນະຜູ້ແທນກອງທັບປົດປ່ອຍປະຊາຊົນຂອງກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນສະໄໝທີ12, ທ່ານສີຈີ້ນຜີງ, ເລຂາທິການໃຫຍ່ສູນກາງພັກ, ປະທານຄະນະກຳມະການການທະຫານສູນກາງພັກຄອມມູນິດຈີນກ່າວເນັ້ນວ່າ:"ທົ່ວກອງທັບຕ້ອງກຳແໜ້ນເປົ້າໝາຍທີ່ສ້າງກອງທັບໃຫ້ເຂັ້ມແຂງຂອງພັກຢູ່ພາຍໃຕ້ສະຖານະການໃໝ່, ເພີ່ມທະວີການສ້າງກອງທັບເປັນແບບປະຕິວັດ,ທັນສະໄໝແລະມີລະບຽບແບບແຜນຢ່າງຮອບດ້ານ, ພະຍາຍາມສູ້ຊົນເພື່ອສ້າງກອງທັບປະຊາຊົນກອງໜຶ່ງທີ່ຟັງການບັນຊາຂອງພັກ,ສາມາດຊະນະໃນສົງຄາມແລະມີແບບແຜນທີ່ດີງາມ".
ທ່ານສີຈີ້ນຜີງກ່າວວ່າ: ຕ້ອງປະສານງານຂອງການສ້າງສາເສດຖະກິດແລະການສ້າງສາການປ້ອງກັນປະເທດ,ພະຍາຍາມເຮັດໃຫ້ການສ້າງປະເທດທີ່ຮັ່ງມີແລະການສ້າງກອງທັບທີ່ເຂັ້ມແຂງມີຄວາມເປັນເອກະພາບກັນ.ຕ້ອງເສີມຂະຫຍາຍນໍ້າໃຈ ບຸກບືນສູ້ຊົນດ້ວຍຄວາມທໍລະຫົດ, ທັງດຸໝັ່ນທັງປະຢັດ,ຕ້ານການຟູມເຟືອຍສິ້ນເປືອງ, ຄຸ້ມຄອງແລະນຳໃຊ້ງົບປະມານທາງການທະຫານໃຫ້ດີ,ເພື່ອເຮັດໃຫ້ງົບປະມານທາງການປ້ອງກັນປະເທດເສີມມີປະສິດທິຜົນໃຫຍ່ຫຼວງທີ່ສຸດ. ຕ້ອງສົ່ງເສີມມູນເຊື້ອທີ່ສະໜັບສະໜູນຝ່າຍປົກຄອງແລະຮັກຫອມປະຊາຊົນ,ສະໜັບສະໜູນທະຫານແລະປະຕິບັດບູລິມະສິດຕໍ່ຄອບຄົວທະຫານເປັນຢ່າງດີ,ດຳເນີນກິດຈະກຳລະຫວ່າງທະຫານແລະປະຊາຊົນຮ່ວມກັນສ້າງເລື່ອງດີຄົນເດັ່ນຢ່າງກົມກຽວກັນ.
