ຕາມຂ່າວCRI: ວັນທີ12ມີນານີ້, ກອງປະຊຸມປະຈຳປີຂອງສະພາປຶກສາການເມືອງແຫ່ງຊາດຈີນໄດ້ອັດລົງຢູ່ປັກກິ່ງ, ທ່ານອີເຈີ້ງເຊີ່ງ, ປະທານສະພາປຶກສາການເມືອງແຫ່ງຊາດທີ່ຮັບເລືອກຕັ້ງໃໝ່ໄດ້ກ່າວໃນພິທີອັດກອງປະຊຸມວ່າ: ຕ້ອງອອກແຮງເສີມຂະຫຍາຍປະຊາທິປະໄຕສັງຄົມນິຍົມ, ສົ່ງເສີມການຕຳນິຕິຊົມແລະຂໍ້ສະເໜີຕໍ່ວຽກງານຂອງພັກແລະລັດ. ສະໜັບສະໜູນຄຳເຫັນທີ່ສ່ອງແສງຄວາມປາຖະໜາແລະຄວາມຮຽກຮ້ອງຂອງປະຊາຊົນ, ສົ່ງເສີມກນແລກປ່ຽນແລະການປຶກສາຫາລືຂອງຄວາມເຫັນທີ່ຕ່າງກັນ, ສະໜັບສະໜູນການເວົ້າຄວາມຈິງ. ຕ້ອງເລັ່ງລັດການສ້າງສາແລະປະດິດສ້າງລະບຽບການປຶກສາຫາລືແບບປະຊາທິປະໄຕ, ຂະຫຍາຍຮູບການປຶກສາຫາລືປະຊາທິປະໄຕ, ປັບປຸງການປຶກສາຫາລືຫົວຂໍ້ພິເສດ, ການປຶກສາຫາລືໃນຂົງເຂດດຽວ, ການປຶກສາຫາລືໃນຂົງເຂດຕ່າງກັນ, ການປຶກສາຫາລືໃນການຊໍາລະຍັດຕິ.
ນີ້ແມ່ນກອງປະຊຸມຄັ້ງທຳອິດຂອງສະພາປຶກສາການເມືອງແຫ່ງຊາດຈີນສະໄໝທີ12ທີ່ດຳລົງຕຳແໜ່ງເປັນ5ປີໃນຕໍ່ໜ້າ. ກອງປະຊຸມໄດ້ເລືອກຕັ້ງປະທານ, ຮອງປະທານຂອງສະພາປຶກສາການເມືອງແຫ່ງຊາດຊຸດໃໝ່, ໄດ້ປຶກສາຫາລືການຕົກລົງນະໂຍບາຍອັນສຳຄັນທີ່ກ່ຽວພັນເຖິງຂົງເຂດການເມືອງ, ເສດ ຖະກິດແລະຊີວິດສັງຄົມຂອງຈີນ, ແລະໄດ້ປະກອບຄວາມເຫັນແລະຂໍ້ສະເໜີ. ຕາມສະຖິຕິ, ກອງປະຊຸມຄັ້ງນີ້ໄດ້ຮັບຍັດຕິຂອງກຳມະການຫຼາຍກວ່າ5000ສະບັບ, ເຊິ່ງກ່ຽວພັນເຖິງການເພີ່ມທະວີການອະນຸລັກສິ່ງແວດລ້ອມ, ຊຸກຍູ້ການກໍ່ສ້າງຊົນນະບົດເປັນຕົວເມືອງ, ລົງເລິກປະຕິຮູບໂຄງປະກອບການບໍລິຫານແລະຈຸດສຸມອື່ນໆ.