ກອງປະຊຸມຄັ້ງທຳອິດຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ12ເລືອກຕັ້ງຜູ້ນຳຂອງປະເທດຊຸດໃໝ່
(GMT+08:00) 2013-03-14 13:06:05 cri
ກອງປະຊຸມຄົບຄະນະຄັ້ງທີ4ຂອງກອງປະຊຸມຄັ້ງທຳອິດຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ12ຈັດຂຶ້ນຢູ່ຫໍສະພາປະຊາຊົນທີ່ນະຄອນຫຼວງປັກກິ່ງໃນຕອນເຊົ້າວັນທີ14ມີນານີ້,ໂດຍໄດ້ເລືອກຕັ້ງທ່ານສີຈິ້ນຜິງເປັນປະທານປະເທດສາທາລະນະ ລັດປະຊາຊົນຈີນ,ປະທານຄະນະກຳມະການການທະຫານສູນກາງປະເທດສປຈີນດ້ວຍວິທີປ່ອນບັດບໍ່ຂຽນຊື່,ເລືອກຕັ້ງທ່ານຈ່າງເຕີຈ່ຽງເປັນປະທານຄະນະປະຈຳສະພາຜູ້ແທນ ປະຊາຊົນແຫ່ງຊາດຈີນສະໄໝທີ12,ເລືອກຕັ້ງທ່ານຫຼີຢວນຊາວເປັນຮອງປະທານປະເທດ.ກອງປະຊຸມໄດ້ຜ່ານມະຕິ,ອະນຸມັດແຜນການປະຕິຮູບອົງການແລະຫັນປ່ຽນພາລະບົດ ບາດຂອງຄະນະລັດຖະບານ.
ກອງປະຊຸມຮຽກຮ້ອງວ່າ,ຄະນະລັດຖະບານຄວນຈັດວາງແລະຈັດຕັ້ງຢ່າງລະອຽດຮອບ ຄອບ,ເພື່ອຮັບປະກັນໃຫ້ແຜນການນີ້ໄດ້ຮັບການປະຕິບັດຢ່າງສະດວກ.
ກອງປະຊຸມຍັງໄດ້ເລືອກຕັ້ງ13ທ່ານ ຄື:ທ່ານຫຼີຈ້ຽນກົວແລະທ່ານຫວາງເຊີ້ງຈຸ້ນເປັນຮອງປະທານຄະນະປະຈຳສະພາຜູ້ແທນປະຊາຊົນແຫ່ງຊາດຈີນສະໄໝທີ12.ແລະໄດ້ເລືອກຕັ້ງກຳມະການຄະນະປະຈຳສະພາຜູ້ແທນປະຊາຊົນແຫ່ງຊາດຈີນສະໄໝທີ12ຕື່ມອີກ161ທ່ານ.