ທ່ານບາຣັກ ໂອບາມາໂທລະສັບຊົມເຊີຍທ່ານສີຈິ້ນຜິງໄດ້ຮັບເລືອກຕັ້ງເປັນປະທານປະເທດຈີນ
(GMT+08:00) 2013-03-15 10:36:42 cri
ຕາມຂ່າວCRI:ຕອນຄ່ຳວັນທີ14ມີນານີ້,ທ່ານບາຣັກ ໂອບາມາ,ປະທານາທິບໍດີອາເມລິກາໂທລະສັບມາຍັງທ່ານສີຈິ້ນຜິງເພື່ອສະແດງຄວາມຊົມເຊີຍຕໍ່ທ່ານທີ່ໄດ້ຮັບເລືອກຕັ້ງເປັນປະທານປະເທດຈີນ.ຜູ້ ນຳສອງປະເທດກ່າວເນັ້ນວ່າ,ຈະເຄົາລົບເຊິ່ງກັນແລະກັນແລະເປີດກວ້າງການຮ່ວມມືກັນ.
ທ່ານໂອບາມາກ່າວວ່າ,ອາເມລິກາຫວັງຢາກຮ່ວມກັນກັບຈີນທຳຄວາມພະຍາຍາມ,ຮັກສາການໄປມາຫາສູ່ກັນລະຫວ່າງປະມຸກລັດຂອງສອງປະເທດ,ເພີ່ມທະວີການສົນທະນາແລະແລກ ປ່ຽນກັນ,ພະຍາຍາມສ້າງການພົວພັນລະຫວ່າງປະເທດໃຫຍ່ແບບໃໝ່ບົນພື້ນຖານທີ່ແຂ່ງ ຂັນກັນຢ່າງປອດໃສແຕ່ບໍ່ແມ່ນລອງລິດກັນທາງຍຸດທະສາດ.ນອກນີ້,ອາເມລິກາຍິນດີເພີ່ມທະວີການຮ່ວມມືກັບຈີນ,ຮັບປະກັນໃຫ້ເຂດອາຊີປາຊິຟິກມີຄວາມໝັ້ນຄົງ,ສະຖຽນລະ ພາບແລະຈະເລີນຮຸ່ງເຮືອງ.
ທ່ານສີຈິ້ນຜິງສະແດງຄວາມຂອບໃຈຕໍ່ການຊົມເຊີຍຂອງທ່ານໂອບາມາ.ທ່ານກ່າວວ່າ,ຈີນຍິນດີພ້ອມກັນກັບອາເມລິກາ,ເພີ່ມຄວາມໄວ້ເນື້ອເຊື່ອໃຈກັນ,ເປີດກວ້າງການຮ່ວມມື,ຄຸ້ມຄອງຄວາມຂັດແຍ່ງກັນ,ຊຸກຍູ້ການສ້າງການພົວພັນຄູ່ຮ່ວມມື,ເດີນໄປຕາມເສັ້ນ ທາງແຫ່ງການພົວພັນລະຫວ່າງປະເທດໃຫຍ່ແບບໃໝ່.ທ່ານສີຈິ້ນຜິງກ່າວເນັ້ນວ່າ,ຂໍພຽງແຕ່ບົນພື້ນຖານນ້ຳໃຈທີ່ເຄົາລົບເຊິ່ງກັນແລະກັນ,ເປີດປະຕູແລະເຊື່ອມໂຍງເຂົ້າຫາກັນ,ຈີນແລະ ອາເມລິກາຄົງຈະມີບົດບາດໃຫຍ່ຫຼວງກວ່າເກົ່າຢູ້ເຂດອາຊີປາຊິຟິກ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບສະຖານະການແຫຼມເກົາຫຼີ,ຄວາມ ປອດໄພທາງອິນເຕີເນັດແລະບັນຫາອື່ນໆ.