ຮອງປະທານຄະນະກຳມະການການຮ່ວມມືລາວຈີນກ່າວວ່າ: ກອງປະຊຸມສອງສະພາຄັ້ງນີ້ຂອງຈີນມີຄວາມໝາຍສຳຄັນຫຼາຍ
(GMT+08:00) 2013-03-18 15:57:16 cri
ຕາມຂ່າວCRI: ວັນທີ14ມີນານີ້, ທ່ານວິຈິດ ຊິນດາວົງ, ຮອງປະທານຄະນະກຳມະການການຮ່ວມມືລາວຈີນ, ອະດີດເອກອັກຄະລັດຖະທູດລາວປະຈຳຈີນກ່າວວ່າ: ກອງປະຊຸມສອງສະພາຂອງຈີນປີນີ້ມີຄວາມໝາຍອັນສຳຄັນໃນປະຫວັດສາດ. ທ່ານວິຈິດກ່າວວ່າ: ກອງປະຊຸມສອງສະພາຂອງຈີນໃນປີນີ້ແມ່ນກອງປະຊຸມທີ່ຈັດຕັ້ງປະຕິບັດຕາມມະຕິສຳຄັນຂອງກອງປະຊຸມໃຫຍ່ຄັ້ງທີ18ຂອງພັກຄອມມູນິດຈີນກ່ຽວກັບການພັດທະນາເສດຖະກິດສັງຄົມ, ຈະຊຸກຍູ້ໃຫ້ເສດຖະກິດສັງຄົມຈີນພັດທະນາຢ່າງກົມກຽວກັນ, ຮັບໃຊ້ປະຊາຊົນຢ່າງມີປະສິດທິຜົນຫຼາຍກວ່າເກົ່າ.
ທ່ານວິຈິດ ຊິນດາວົງຍັງໄດ້ໃຫ້ຄວາມສົນໃຈຕໍ່ການເລືອກຕັ້ງຜູ້ນຳຊຸດໃໝ່ຂອງຈີນ. ທ່ານເຫັນວ່າ: ຜູ້ນຳລັດຖະບານຈີນຊຸດໃໝ່ມີຄວາມໝັ້ນໃຈທີ່ໜັກແໜ້ນແລະທ່າທີອັນຕັ້ງໜ້າຕໍ່ການພັດທະນາເສດຖະກິດສັງຄົມຂອງຈີນ, ເອົາໃຈໃສ່ໃນລະດັບສູງຕໍ່ຊີວິດການເປັນຢູ່ຂອງປະຊາຊົນ, ຈະເຮັດແທ້ທຳຈິງເພື່ອໃຫ້ປະຊາຊົນມີຄວາມຫວັງຕໍ່ອະນາຄົດ. ທ່ານເຊື່ອວ່າຈີນຈະໄດ້ຮັບຜົນສຳເລັດທີ່ໃຫຍ່ກວ່າເກົ່າຢູ່ເສັ້ນທາງການສ້າງສາສັງຄົມທີ່ອີ່ມໜໍາສຳລານຢ່າງຮອບດ້ານ.